សន្តិសុខម្នាក់អត់មកធ្វើការច្រើនថ្ងៃ លុះមិត្តភក្តិតាមរកដល់បន្ទប់ជួល ប្រទះឃើញយ៉ាងរន្ធ.ត់
- ភ្នំពេញ
រាជធានីភ្នំពេញ ៖ បុរសជាសន្តិសុខឯកជនម្នាក់ត្រូវបានអ្នកធ្វើការដូចគ្នាមិនឃើញទៅធ្វើការ ក៏នាំ
រាជធានីភ្នំពេញ ៖ បុរសជាសន្តិសុខឯកជនម្នាក់ត្រូវបានអ្នកធ្វើការដូចគ្នាមិនឃើញទៅធ្វើការ ក៏នាំគ្នាតាមរក ស្រាប់តែប្រទះឃើញដេកស្លា.ប់ក្នុងបន្ទប់ទឹកក្នុងបន្ទប់ជួល បង្កអោយមានការភ្ញាក់ផ្អើលដល់សមត្ថកិច្ចចុះត្រួតពិនិត្យ កាលពីវេលាម៉ោង៦យប់ថ្ងៃទី១៦ ខែតុលា ឆ្នាំ២០២២ នៅចំនុចបន្ទប់ជួលជាន់ទី១ ជិតច្រកចូលវត្តគោករលួស ផ្លូវបេតុង ភូមិដំណាក់សង្កែ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ។
ជនរងគ្រោះឈ្មោះ សៅ ហៀង ភេទប្រុស អាយុ៥៧ឆ្នាំ មុខរបរសន្តិសុខឯកជន ស្នាក់នៅបន្ទប់ជួល ភូមិដំណាក់សង្កែ សង្កាត់ព្រែកកំពឹស ខណ្ឌដង្កោ រាជធានីភ្នំពេញ និងមានស្រុកកំណើតនៅភូមិប្រស្រែ ឃុំបឹងព្រះស្រុកបាភ្នំ ខេត្តព្រៃវែង ។
តាមប្រភពព័ត៌មានពីអ្នកធ្វើការជាមួយនឹងជនរងគ្រោះបានអោយដឹងថា មុនពេលកើតហេតុ ជនរងគ្រោះអត់ឃើញទៅធ្វើការ២ទៅ៣ថ្ងៃហើយ ទើបពួកគាត់ជាអ្នកធ្វើការជាមួយតេទូរសព្ទ័មិនចូល ហើយតេទៅអ្នកស្រុកក៏គេមិនដឹង ទើបនាំគ្នាជិះម៉ូតូមករកជនរងគ្រោះដល់បន្ទប់ជួលតែម្តង លុះមកដល់បន្ទប់ជួល ពួកគាត់ជាអ្នកធ្វើការបានទៅគោះទ្វារបន្ទប់ តែមិនឃើញមនុស្សឆ្លើយ ទើបនាំគ្នាប្រាប់ម្ចាស់ផ្ទះអោយជួយចាក់សោចូលទៅមើល ក៍ប្រទះឃើញជនរងគ្រោះដេកអាក្រាតកាយ ស្លា.ប់ក្នុងបន្ទប់ទឹក មិនដឹងតាំងពីពេលណានោះទេ ។
ក្នុងហេតុការណ៍នេះបន្តិចក្រោយមក ដំណឹងនេះបានឮដល់សមត្ថកិច្ចមូលដ្ឋានចុះទៅកន្លែងកើតហេតុ និងបានធ្វើការទាក់ទងជំនាញកោសល្យវិច័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញ អោយទៅពិនិត្យស.ពជនរងគ្រោះផងដែរ ។
ចំពោះម្ចាស់ផ្ទះវិញក៍បានប្រាប់ដែរថា ជនរងគ្រោះទើបមកជួលបន្ទប់ស្នាក់នៅបានត្រឹមតែរយៈពេលមួយសប្ដាហ៍តែប៉ុណ្ណោះ ។
ក្រោយពេលកើតហេតុ បន្ទាប់ពីសមត្ថកិច្ចធ្វើការពិនិត្យស.ពជនរងគ្រោះរួចរាល់ហើយ បានបញ្ជាក់ថា ជនរងគ្រោះស្លា.ប់ដោយសារខ្យល់គរ មិនទាក់ទងនឹងករណីអ្វីផ្សេងនោះទេ ទើបធ្វើលិខិតប្រគល់ស.ពអោយសាច់ញាតិយកទៅចាត់ចែងធ្វើបុណ្យតាមប្រពៃណីនៅវត្តទឹកថ្លា ក្នុងក្រុងភ្នំពេញតែម្ដង៕
ចែករំលែកព័តមាននេះ