រាជធានីភ្នំពេញ ៖ កាលពីថ្ងៃទី២៤ មីនា សមាគមទូរទស្សន៍កម្ពុជា មានរៀបចំកម្មវិធីសម្តែងទម្រង់សិល្បៈបែបប្រពៃណីខ្មែរជាច្រើនមានទាំងបទចម្រៀងប្រពៃណីជាតិខ្មែរ រាំវង់ រាំក្បាច់ សារ៉ាវ៉ាន់ ឡាំលាវ កន្ទ្រឹម និងឈុតឆាកកំប្លែងជាច្រើន ដែលសិល្បៈទាំងអស់នេះ ផ្តល់ជូនដោយតារាល្បីៗថ្មី-ចាស់ជាច្រើនដួង ។
កម្មវិធីខាងលើនេះ ធ្វើឡើងក្នុងបរិវេណស្ថានីយទូរទស្សន៍ភីអិអិន ស្ថិតនៅតាមបណ្តោយផ្លូវលី យ៉ុងផាត់ ដែលភីអិនអិនធ្វើជាម្ចាស់ផ្ទះឆ្នាំនេះ ។ ការប្រារព្ធកម្មវិធីខាងលើ ដើម្បីនាំសិល្បករថតទុកនូវបទចម្រៀង និងកម្មវិធីសិល្បៈជាច្រើនហើយ ដើម្បីចាក់ផ្សាយថ្ងៃបុណ្យចូលឆ្នាំខ្មែរឆ្នាំរកា២០១៧ព.ស២៥៦១ ដែលនឹងមកដល់ខែមេសា ចាប់ពីថ្ងៃ១៤ ១៥ និង១៦ មេសា ខាងមុខនេះហើយ។
ដូចនេះ មានតារាជាច្រើនបានបង្ហាញនូវសំលៀកបំពាក់បែបប្រពៃណីខ្មែរហូលផាមួងអាវប៉ាក់យ៉ាងស្រស់ប្រណិតបង្អួតសម្រស់ដាក់គ្នាដើម្បីទទួលយកពរជ័យឆ្នាំថ្មីលាភជ័យទាំងអស់គ្នា ។ ក្រៅពីនេះក៍មានការបង្ហាញនូវម៉ូដគ្រឿងអលង្ការប្លែកៗដើម្បីទាក់ទាញ។ អ្វីដែលសំខាន់ពួកគេបានចូលរួមលើកកម្ពស់ការថែរក្សាបុណ្យប្រពៃណីជាតិខ្មែរបង្ហាញឲបរទេសកាន់តែបានស្គាល់ប្រទេសកម្ពុជាបន្ថែមទៀត តាមរយៈតម្លៃនៃវប្បធម៌នេះ។
ចែករំលែកព័តមាននេះ