រាជធានីភ្នំពេញ ៖ ជម្លោះរវាងអ្នកលក់លៀសហាលដូចគ្នាមួយ ក្រោយពីបានផឹកស៊ីស្រវឹងក៏ដៀមដាមដាក់គ្នា ធ្វើឱ្យបុរសស្ទុះវាយទៅលើស្ត្រីម្នាក់ បណ្ដាលឲ្យរងរបួសដាច់មុខ និងបែកក្បាលហូរឈាម បង្កការភ្ញាក់ផ្អើលនៅវេលាម៉ោង០៨ និង៤០នាទីយប់ថ្ងៃទី២៣ មីនា ស្ថិតក្នុងផ្ទះជួលមួយកន្លែង ក្នុងភូមិ៥ សង្កាត់ផ្សារដើមថ្កូវ ខណ្ឌចំការមន ។
រាជធានីភ្នំពេញ ៖ ជម្លោះរវាងអ្នកលក់លៀសហាលដូចគ្នាមួយ ក្រោយពីបានផឹកស៊ីស្រវឹងក៏ដៀមដាមដាក់គ្នា ធ្វើឱ្យបុរសស្ទុះវាយទៅលើស្ត្រីម្នាក់ បណ្ដាលឲ្យរងរបួសដាច់មុខ និងបែកក្បាលហូរឈាម បង្កការភ្ញាក់ផ្អើលនៅវេលាម៉ោង០៨ និង៤០នាទីយប់ថ្ងៃទី២៣ មីនា ស្ថិតក្នុងផ្ទះជួលមួយកន្លែង ក្នុងភូមិ៥ សង្កាត់ផ្សារដើមថ្កូវ ខណ្ឌចំការមន ។
ប្រភពឱ្យដឹងថា ជនបង្កឈ្មោះភិន សុផែន អាយុ២៩ឆ្នាំ ជាលក់លៀសហាល រីឯខាងជនរងគ្រោះឈ្មោះសេង ធី អាយុ៥៨ឆ្នាំ ជាអ្នកលក់លៀសហាល ទាំង២នាក់ស្នាក់នៅផ្ទះជួលភូមិ៥ សង្កាត់ផ្សារដើមថ្កូវ ខណ្ឌចំការមន ។
បើតាមប្រភពពីប្រជាពលរដ្ឋឱ្យដឹងថា មុនពេលកើតហេតុ ឃើញខាងជនរងគ្រោះនិងជនបង្កផឹកស៊ីពីរវង់ផ្សេងគ្នា ដោយខាងស្ត្រីរងគ្រោះមានគ្នា៥នាក់ ហើយខាងបុរសបង្កមានគ្នា៥នាក់ដូចគ្នា ព្រមទាំងមានចាក់ខារ៉ាអូខេច្រៀងផងដែរ ។ លុះពេលស្ងាត់ភ្លេង ស្រាប់តែមានហិង្សាវាយគ្នាកើតឡើង បណ្តាលឱ្យស្ត្រីម្នាក់រងរបួសដាច់មុខបែកក្បាល ហូរឈាមផងដែរ ។
ក្រោយមក សមត្ថកិច្ចមូលដ្ឋានបានចុះទៅដល់កន្លែងកើតហេតុ បានសាកសួរ រួចហើយបាននាំជនបង្ក និងជនរងគ្រោះទៅធ្វើការសាកសួរនៅប៉ុស្តិ៍នគរបាលផ្សារដើមថ្កូវ ។ នៅចំពោះមុខសមត្ថកិច្ច ស្ត្រីរងគ្រោះបាននិយាយថា រូបគាត់មានគ្នាប្រុសស្រីចំនួន៥នាក់ នាំគ្នាផឹកស៊ីនៅមុខផ្ទះ ស្រាប់តែមានបុរសបង្កខាងលើបានដើរមកបានដើរមករករឿង រួចហើយវាយនិងច្រានគាត់ បណ្ដាលឲ្យដួលរងរបួសដាច់មុខបែកក្បាលសៀផ្កាចំហៀងខាងស្តាំហូរឈាមពេញមុខ ហើយព្រមទាំងរកយកកាំបិទមករកកាប់គាត់ទៀត។
ដោយឡែក ជនបង្កវិញបាននិយាយថា នៅពេលកើតហេតុ រូបគាត់មានបងប្អូនមកលេងផ្ទះ បានរៀបចំកម្មវិធីផឹកស៊ីបន្តិចបន្តួច ព្រមទាំងមានចាក់ខារ៉ាអូខេច្រៀងលេងកំសាន្តផងដែរ ។ ស្របពេលនោះ ស្រាប់តែស្ត្រីខាងលើបានទៅជេរដៀមដាម បរិហារកេរ្តិ៍របស់គាត់នៅចំពោះមុខភ្ញៀវនិងបងប្អូនគាត់ ធ្វើឱ្យរូបគាត់ខឹងទប់អារម្មណ៍មិនបាន ដើរទៅសួនាំ រួចហើយក៏ជ្រុលបានកៀសដៃចំស្ត្រីខាងលើ បណ្ដាលឲ្យត្រូវស្ត្រីរងគ្រោះដួលតែម្ដងទៅ ។
ចំពោះរបួសស្នាមនៅលើមុខជនរងគ្រោះ គឺរូបគាត់មិនវាយនោះ គឺរងរបួសដោយសារតែដួលទៅប៉ះម៉ូតូ ព្រមទាំងមុតសំបកលៀសនោះទេ ។ ប្រភពដដែលបន្តទៀតថា ប្រសិនបើគាត់វាយវិញគឺស្ត្រីរងគ្រោះនិងសន្លប់បាត់ទៅហើយ ព្រោះអីដៃគាត់នៅពេលវាយចេញម្តងៗមានទំងន់ដល់ទៅ៦០គីឡូឯណោះ ។
ក្រោយពេលពីសាកសួររួច សមត្ថកិច្ចបានឱ្យភាគីទាំងពីរសងខាង ធ្វើការសម្របសម្រួលគ្នា ដោយខាងស្ត្រីរងគ្រោះបានទារសំណងជំងឺចិត្តរបួសស្នាមចំនួន៥០០ដុល្លារ តែខាងបុរសបង្កសុំសង១០០ដុល្លារ ដើម្បីបញ្ចប់រឿង ។
ចែករំលែកព័តមាននេះ