សមត្ថកិច្ចឃាត់ខ្លួនមុខសញ្ញាកាច់កម៉ូតូ និងប្លន់ប្រដាប់អាវុធ២នាក់
រាជធានីភ្នំពេញ ៖ ជនសង្ស័យ២នាក់ ដែលជាមុខសញ្ញាប្លន់ប្រដាប់អាវុធ និងលួចម៉ូតូយ៉ាងសកម្ម ត្រូវបានកម្លាំងនគរបាលខណ្ឌសែនសុខ ជិះល្បាតនៅក្នុងមូលដ្ឋានឃាត់ខ្លួន
រាជធានីភ្នំពេញ ៖ ជនសង្ស័យ២នាក់ ដែលជាមុខសញ្ញាប្លន់ប្រដាប់អាវុធ និងលួចម៉ូតូយ៉ាងសកម្ម ត្រូវបានកម្លាំងនគរបាលខណ្ឌសែនសុខ ជិះល្បាតនៅក្នុងមូលដ្ឋានឃាត់ខ្លួន
រាជធានីភ្នំពេញ ៖ ជនសង្ស័យ២នាក់ ដែលជាមុខសញ្ញាប្លន់ប្រដាប់អាវុធ និងលួចម៉ូតូយ៉ាងសកម្ម ត្រូវបានកម្លាំងនគរបាលខណ្ឌសែនសុខ ជិះល្បាតនៅក្នុងមូលដ្ឋានឃាត់ខ្លួន កាលពីម៉ោង១១និង៣០នាទីព្រឹក ថ្ងៃទី២២ ខែមីនា ឆ្នាំ២០១៧ ដោយដកហូតបានកាំភ្លើងខ្លីម៉ាក K59 មួយដើម ដែកចុងស្រួច សម្រាប់កាច់កម៉ូតូមួយឈុត។
ជនសង្ស័យដែលត្រូវឃាត់ខ្លួន ទី១.ឈ្មោះ អៀង សុខនី អាយុ៤២ឆ្នាំ មុខរបរមិនពិតប្រាកដ ស្នាក់នៅតាមផ្ទះសំណាក់ក្នុងរាជធានីភ្នំពេញ មានស្រុកកំណើតខេត្តកំពង់ឆ្នាំង ទី២.ឈ្មោះ នោ សុផល ភេទប្រុស អាយុ៣៧ឆ្នាំ មុខរបរមិនពិតប្រាកដ ស្នាក់នៅចល័តតាមផ្ទះសំណាក់ និងមានស្រុកកំណើតភូមិអំពិល ឃុំអំពិល ស្រុកស៊ីធរកណ្តាល ខេត្តកំពង់ចាម។
តាមនគរបាលបានឲ្យដឹងថា នៅវេលាមុនពេលចាប់ខ្លួន នគរបាលបានជិះល្បាតនៅក្នុងមូលដ្ឋាន តាមផ្លូវ លេខ២០១១ ក្នុងភូមិក្រាំងអង្ក្រង សង្កាត់ក្រាំងធ្នង់ ក៏បានប្រទះឃើញជនសង្ស័យ២នាក់ជិះម៉ូតូម៉ាកហុងដាឌ្រីម សេ១២៥ ពណ៌ខ្មៅមួយគ្រឿង ឌុបគ្នាចេញពីបុរីពិភពថ្មី។
ដោយមានការសង្ស័យកម្លាំងនគរបាលក៏បានហៅត្រួតពិនិត្យប្រទះឃើញកាំភ្លើងខ្លីមួយដើមម៉ាកK59 ពុំមានឯកសារមានគ្រប់ មានគ្រាប់ចំនួន០៧គ្រាប់ និងឃើញមានដែកចុងស្រួចសម្រាប់កាច់លួចម៉ូតូមួយកំប្លេ ក៏ឃាត់តែម្តង។តាមនគរបាលបានឲ្យដឹងទៀតថា ជនសង្ស័យទាំង២នាក់ជាមុខសញ្ញាគាស់ផ្ទះ និងធ្វើសកម្មភាពប្លន់ យ៉ាងសកម្ម ដែលសមត្ថកិច្ចកំណត់មុខសញ្ញាជាយូរមកហើយ៕
ចែករំលែកព័តមាននេះ