ADផ្ទាំងផ្សព្វផ្សាយពាណិជ្ជកម្ម

Picture

គ្រាន់តែ​ភ្ជាប់ពាក្យ​មួយ​យប់​ភ្លាម ហេង វិសាល លេង​​មួយ​ក្បាច់​ធ្វើ​ឱ្យ​ហ្វេ​ន​ៗ​លួច​ច្រណែន​គ្រប់​ៗ​គ្នា

2 ឆ្នាំ មុន
  • ភ្នំពេញ

ប្រិ​យ​មិត្ត​ពុក​ម៉ែ​បងប្អូន​ជា​ច្រើន​ប្រាកដជា​បានដឹង និង​បាន​តាមដាន​ហើយ នៅ​ពិធី​ភ្ជាប់ពាក្យ​ដ៏​អធិកអធម​អស្ចារ្យ​របស់​គូស្នេហ៍ Youtuber មួយគូ​ដែល​កំពុង​តែ​ផ្ទុះ​នៅ​ការ​ចាប់

រាជធានី​ភ្នំពេញ ៖ ប្រិ​យ​មិត្ត​ពុក​ម៉ែ​បងប្អូន​ជា​ច្រើន​ប្រាកដជា​បានដឹង និង​បាន​តាមដាន​ហើយ នៅ​ពិធី​ភ្ជាប់ពាក្យ​ដ៏​អធិកអធម​អស្ចារ្យ​របស់​គូស្នេហ៍ Youtuber មួយគូ​ដែល​កំពុង​តែ​ផ្ទុះ​នៅ​ការ​ចាប់អារម្មណ៍ ទទួល​បាន​នៅ​ការ​គាំទ្រ​មិនធម្មតា​ពី​សំណាក់​អ្នកលេង​បណ្ដាញ​សង្គម​នោះ គឺ​កំលោះ​ង្ហា​រ លោក ហេង វិសាល និង​ស្រី​ស្រស់ ជា ស្រី​នា ដែល​បាន​ប្រារព្ធ​ឡើង​នៅ​ពិធី​ពិសា​ស្លា​ដក​កន្សែង «​ឬ​ហៅ​ថា ភ្ជាប់ពាក្យ​» ក្រោយ​ពី​អ្នក​ទាំង​ពីរ​បាន​ចាប់ផ្ដើម​ទាក់ទង​គ្នា​មក​ជាង​២​ទៅ​៣​ឆ្នាំ​មក​ហើយ តែ​មិន​អាច​បង្ហាញ​អោយ​មហាជន​បានដឹង​លាក់​ឡើង​ជិតឈឹង​តែ​ម្ដង​។

ដោយឡែក បើ​ក្រឡេក​មក​ដឹង​ឃើញ​ថា ពេល​នេះ​ផង​ដែរ កំលោះ​សង្ហារ​មុខ​ដូច​កូរ៉េ លោក ហេង វិសាល និង​ស្រី​ស្រស់ ជា ស្រី​នា អ្នក​ទាំង​ពីរ​ក៏​បាន​ប្ដូរ​ឈ្មោះ​ពី​សង្សារ ឬ​សិស្ស​ប្អូន​សិស្ស​ច្បង មក​ក្លាយជា​គូ​ដណ្ដឹង​ពេញ​សិទ្ធិ និង​ពេញ​មុខ​ពេញមាត់​ហើយ ដោយ​ទទួល​បានការ​អនុញ្ញាត​ដឹង​ឮ​ពី​ចាស់ទុំ​ទាំង​សងខាង​រួចរាល់​ផង​ដែរ​។ មិនតែប៉ុណ្ណោះ ក៏​ដូច​ជា ទទួល​បាន​នៅ​ការ​អបអរសាទរ រំភើប​សប្បាយ​រីករាយ​យ៉ាងច្រើន​លើសលប់​ពី​បណ្ដា​សាច់ញាតិ​មក​ប្អូន មិត្តភក្ដិ និង​មហាជន​ទូទៅ​ដែល​តែងតែ​គាំទ្រ​ស្រលាញ់​ចូល​ចិត្ត​រហូត​មក​។

យ៉ាងណាមិញ បើ​ងាក​មក​មើល​ពី​កម្រង​រូបភាព​ប៉ុន្មាន​សន្លឹក​ក្នុង​ថ្ងៃ​ដ៏​ពិសេស​របស់ ហេង វិសាល និង ជា ស្រី​នា បាន​តុបតែង​ខ្លួន​ក្នុង​ឈុត​សម្លៀក​បំពាក់​កូនប្រុស​កូនស្រី​ប្រពៃណី​ខ្មែរ​យើង​ពិតជា​ស្រស់​ស្អាត​ទាក់ភ្នែក សាក​សម​គ្នា​ឥត​ទាស់​ខ្លាំង​ណាស់ រហូត​ទប់ចិត្ត​មិន​ជាប់​ក៏​មាន​មហាជន​ស្ទើរតែ​មួយ​ចំហៀង​ប្រទេស នាំ​គ្នា​សរសើរ​មិន​ដាច់​ពី​មាត់​គ្រប់​ៗ​គ្នា​តែ​ម្ដង​។

ជាក់ស្ដែង អ្វី​ដែល​ធ្វើ​អោយ​ហ្វេ​ន​ៗ ក៏​ដូច​ជា​អ្នកគាំទ្រ​ជា​ច្រើន​នាក់​រំជើបរំជួល ដេក​ញញឹម មិន​ឈប់​ទៅ​វិញ​នោះ ក្រោយ​ពេល​គូស្នេហ៍​មួយគូ​ខាងលើ​នេះ ភ្ជាប់ពាក្យ​ទើបតែ​បាន​ត្រឹមតែ​មួយ​យប់​សោះ ស្រាប់តែ​ព្រឹក​ឡើង​លោក ហេង វិសាល លេង​មួយ​ក្បាច់​នេះ ដល់​ថ្នាក់​ហ្វេ​ន​ៗ​លួច​ច្រណែន​គ្រប់​ៗ​គ្នា ដោយ​លោក​និយាយ​ពាក្យ​មួយ​នេះ​ទៅ​កាន់ ស្រី​នា ដែល​ជា​គូ​ដណ្ដឹង​របស់​ខ្លួន​ទាំង​ព្រឹក​បែប​នេះ​ថា «Srey Nea Love u» ដែល​បកប្រែ​មក​ថា «​ស្រលាញ់ ស្រី​នា​» ធ្វើ​ឱ្យ​អ្នកគាំទ្រ​ឃើញ​ហើយ​ចង់​លើស​ជាតិ​ស្ករ​។

ហើយ​ក៏​នាំ​គ្នា​ចូល​ទៅ​ខ​មិន​ព្រោងព្រាត​ថា «b ha ញ៉ុ​ម ទើប​ក្រោក​ទេ កុំ​ទាន់ sweet អាណិត​ញ៉ុ​ម​ផង​» «​ចង់អោយ​បង​សាល និង​បង​នា ចេញ​វី​ដេ​អូ​យាយ​ពី​ប្រវត្តិ​ស្នេហា​បង​ទាំង​ពីរ​» «​បាច់​ទេស live បកស្រាយ​ថ្ងៃ​នឹង​មក ចាំ​២​ឆ្នាំ​ហៃ​» «​ធ្វើ​អោយ fan សប្បាយចិត្ត​ចឹ​ង បាន​បុណ្យ​ណាស់ idol» «​កម្មវិធី​បង​ចប់​ហើយ នៅឡើយ​តែ​ខ្ញុំ​មិន​ទាន់​ឈប់​រំភើប​ទៀត ជូនពរ​បង​ៗ​មាន​សុភមង្គល​ច្រើន​ៗ ស្រលាញ់ និង​ចូល​ចិត្ត​ពួក​បង​ទាំង​ពី​នាក់​ណាស់​» «Private 3 yaer ស្ងាត់ជ្រៀប សរសើរ​បង​ទាំង​ពី​រម៉ង​»៕

អត្ថបទសរសេរ ដោយ

កែសម្រួលដោយ