BBC កាលពីថ្ងៃទី១៣ មីនា ២០១៧ ផ្សាយថា កុមារដែលមិនបានចាក់ថ្នាំវ៉ាក់សាំងការពារ ហាមមិនឱ្យចូលមជ្ឈមណ្ឌលថែទាំកុមារ និងមត្តេយ្យសាលាទេ ក្រោមគម្រោងការថ្មីរបស់រដ្ឋាភិបាលអូស្ត្រាលី ។
លទ្ធផលអង្កេតផ្នែកសុខភាពកុមាររបស់អូស្ត្រាលីដែលសាកសួរលើក្រុមគំរូឪពុកម្តាយជិត២.០០០នាក់ ឃើញថា កុមារ៥% ដែលមិនបានចាក់វ៉ាក់សាំង ខណៈពេលលោកនាយករដ្ឋមន្ត្រី Malcolm Turnbull របស់អូស្ត្រាលីបញ្ជាក់ថា ចាំបាច់ត្រូវមានបទដ្ឋានដើម្បីការពារឱ្យល្អប្រសើជាងនេះ រួមទាំងបានលើកឧទាហរណ៍ដល់កុមារស្លាប់ដោយជំងឺក្អក។ នាយករដ្ឋមន្ត្រីអូស្ត្រាលីបញ្ជាក់ថា «នេះមិនមែនជាការប្រតិបត្តិតាមទ្រឹស្តីទេ គឺវាជារឿងនៃសេចក្តីស្លាប់ ប្រសិនបើឪពុកម្តាយបញ្ជាក់ថា មិនឱ្យកូនចាក់វ៉ាក់សាំង គឺមិនត្រឹមតែធ្វើឱ្យកូនរបស់ខ្លួនទទួលហានិភ័យទេ ប៉ុន្តែធ្វើឱ្យកូនអ្នកដទៃស្ថិតក្នុងហានិភ័យដូចគ្នា» ។
បច្ចុប្បន្នមានរដ្ឋចំនួន ៣ គឺរដ្ឋគ្វីនលែនរដ្ឋញូវសៅវ៉េល និងវិចតូរីយ៉ា បានកំណត់ឱ្យកុមារត្រូវចាក់វ៉ាក់សាំង ឬចូលក្នុងគម្រោងការទទួលការធានា ប្រសិនបើចង់នាំកុមារចូលទៅមជ្ឈមណ្ឌលថែទាំកុមារ ។
លោកវេជ្ជបណ្ឌិតម៉ៃឃើស ហ្គែនណុន ប្រធានសមាគមពេទ្យរបស់អូស្ត្រាលីនិយាយថា «កុមារឆ្លងវីរុសច្រើន ។ ប្រសិនបើលោកអ្នកជាឪពុកម្តាយ មិនចង់ឱ្យមហាជនជួយឧបត្ថម្ភដល់អ្នកទាំងផ្នែកសង្គមកិច្ច ឬចូលព្យាបាល អ្នកត្រូវរួមចំណែលើសមាគមដើម្បីការពារកុមាររបស់យើង» ៕
ចែករំលែកព័តមាននេះ