ខេត្តរតនគិរី ៖ ជនសង្ស័យម្នាក់ប្រើហិង្សាដោយចេតនាជាញឹកញាប់ទៅលើអតីតប្រពន្ធ ត្រូវបានកម្លាំងជំនាញអធិការក្រុងបានលុង សហការជាមួយប៉ុស្តិ៍រដ្ឋបាលបឹងកន្សែង ធ្វើការស្រាវជ្រាវ និងឃាត់ខ្លួនបានបញ្ជូនទៅសាលាដំបូងចាត់ការបន្ត ។ ការឃាត់ខ្លួនជនសង្ស័យខាងលើនេះ ធ្វើឡើងនៅថ្ងៃទី២៩…
ខេត្តរតនគិរី ៖ ជនសង្ស័យម្នាក់ប្រើហិង្សាដោយចេតនាជាញឹកញាប់ទៅលើអតីតប្រពន្ធ ត្រូវបានកម្លាំងជំនាញអធិការក្រុងបានលុង សហការជាមួយប៉ុស្តិ៍រដ្ឋបាលបឹងកន្សែង ធ្វើការស្រាវជ្រាវ និងឃាត់ខ្លួនបានបញ្ជូនទៅសាលាដំបូងចាត់ការបន្ត ។ ការឃាត់ខ្លួនជនសង្ស័យខាងលើនេះ ធ្វើឡើងនៅថ្ងៃទី២៩ កញ្ញា តាមបណ្តឹងជនរងគ្រោះ ។
ប្រភពពីសមត្ថកិច្ចបានឱ្យដឹងថា ជនសង្ស័យមានឈ្មោះ ម៉ៅ មករា (ហៅតឿ) អាយុ៣៩ឆ្នាំ ជា
ជាងសំណង់ មានទីលំនៅភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី ។ ជនរងគ្រោះឈ្មោះ សាន់ មូលីតា ភេទស្រី អាយុ៣៨ឆ្នាំ មានទីលំនៅភូមិអូរកន្សែង សង្កាត់ បឹងកន្សែង ក្រុងបានលុង ខេត្តរតនគិរី មុខរបរគ្រូសិល្បៈ ។
ប្រភពបន្តថា ជនសង្ស័យខាងលើ និងជនរងគ្រោះទាំងពីរនាក់បានលែងលះគ្នាច្រើនឆ្នាំមកហើយតែ ជនសង្ស័យតែងតែគំរាមកំហែងប្រើអំពើហិ.ង្សាជារឿយៗ រហូតជនរងគ្រោះទ្រាំទង្វើនេះលែងបានក៏សម្រេចចិត្តប្តឹងសមត្ថកិច្ចតែម្តង ។ ការឃាត់បុរសខាងលើនេះដែរ សមត្ថកិច្ចបានដកហូតកាំបិតស្នៀត១ដើម (ដែលជាវត្ថុតាងប្រព្រឹត្តបទល្មើស) ។
បច្ចុប្បន្ន ជនសង្ស័យនិងវត្ថុតាងត្រូវបានឃាត់នៅអធិការដ្ឋាននគរបាលក្រុងបានលុងបណ្តោះអាសន្ន ដើម្បីបំពេញសំណុំរឿងបញ្ជូនទៅអយ្យការអមសាលាដំបូងខេត្តរតនគិរីតាមនីតិវិធី ៕
ចែករំលែកព័តមាននេះ