មហាជនអ្នកលេងបណ្ដាញសង្គម បាននាំគ្នាចំអកឡកលើយទៅលើស្ថាប័ន Miss Grand Cambodia គ្មានត្រាប្រណី ក្រោយទទូចសុំមហាជនជួយ Vote ឲ្យកញ្ញា ពេជ្រ វត្តីសារ៉ាវឌ្ឍី ខណៈកន្លងមក ផេកផ្លូវការ
រាជធានីភ្នំពេញ ៖ មហាជនអ្នកលេងបណ្ដាញសង្គម បាននាំគ្នាចំអកឡកលើយទៅលើស្ថាប័ន Miss Grand Cambodia គ្មានត្រាប្រណី ក្រោយទទូចសុំមហាជនជួយ Vote ឲ្យកញ្ញា ពេជ្រ វត្តីសារ៉ាវឌ្ឍី ខណៈកន្លងមក ផេកផ្លូវការ Miss Grand Cambodia មិនដែលទទួលយកពាក្យរិះគន់ពីសំណាក់មហាជនឡើយ ពោលគឺមានតែឌឺដងមកលើអ្នកគាំទ្រកាន់តែខ្លាំង។
តួយ៉ាងដូចកាលពីកន្លងទៅនេះ ផ្ទុះការរិះគន់ឲ្យមានការកែតម្រូវ និងសំណូមពរឲ្យមានការដកចេញទៅលើឈុត «គោព្រៃ» ដែលជាឈុតតំណាងខេត្តមណ្ឌលគីរី ជាឈុតតំណាងជាតិរបស់ Miss Grand Cambodia 2022 សម្រាប់ការចូលរួមប្រកួតប្រជែង Miss Grand International 2022 នៅប្រទេស Indonesia ដែលឈុតនេះ ត្រូវបានមហាជនអ្នកនិយមលេងបណ្ដាញសង្គមនាំគ្នារិះគន់យ៉ាងខ្លាំង តែស្ថាប័ន Miss Grand Cambodia ហាក់គ្មានការប្រែប្រួលអ្វីឡើយ ពោលគឺមានតែឌឺដាក់អ្នកគាំទ្រ ចំពោះកម្មវិធីមួយនេះកាន់តែខ្លាំងឡើង រហូតស្ទើរតែអស់អ្នកគាំទ្រគ្មានសល់តែម្ដង។
មិនតែប៉ុណ្ណោះទេ ក្នុងការបង្ហោះនោះ ផេកផ្លូវការ Miss Grand Cambodia ក៏បានបញ្ជាក់ថា ឈុត «គោព្រៃ» នេះគឺជាឈុតដែលបង្ហាញអត្តសញ្ញាណជាតិរបស់ខ្មែរទៀតផង។ ការបញ្ជាក់នេះ ក៏រឹតតែធ្វើអោយអ្នកលេងបណ្ដាញសង្គមផ្ទុះប្រតិកម្ម និងមិនពេញចិត្តកាន់តែខ្លាំង ដោយមានការលើកឡើងថា «ឈុតនេះ គ្មានអត្តសញ្ញាល្អអ្វីគ្រប់គ្រាន់ ក្នុងការយកទៅតំណាងជាតិលើឆាកអន្តរជាតិឡើយ»។
ជាការកត់សម្គាល់ ជារឿយៗការផុសរបស់ផេកផ្លូវការ MISS Grand Cambidia ភាគច្រើនត្រូវបានអ្នកលេងបណ្ដាញសង្គមនាំគ្នាគិតថា សុទ្ធតែជាការឌឺដងមកលើអ្នកគាំទ្រ រហូតធ្វើឲ្យបាត់បង់ការគាំទ្រកាន់តែខ្លាំង។
យ៉ាងណាមិញ នាថ្ងៃទី២៨ ខែកញ្ញា ឆ្នាំ២០២២ មុននេះ ផេកផ្លូវការ MIss Grand Cambodia បានធ្វើការបង្ហោះសារមួយបង្ហាញឲ្យឃើញថា «តារាងពិន្ទុកម្ពុជាយើង មានការធ្លាក់មកនៅលេខរៀងទី១០ ដែលជាចំនួនលេខចុងក្រោយបំផុត»។ ដោយឡែកក្នុងការបង្ហោះនោះ យើងសម្គាល់ឃើញថា ផេកផ្លូវការ Miss Grand Cambodia ទទូចសុំមហាជនឲ្យជួយ Vote ឲ្យកញ្ញា ពេជ្រ វត្តីសារ៉ាវឌ្ឍី ខណៈការសុំនេះ ត្រូវបានអ្នកលេងបណ្ដាញសង្គមធ្វើការចំអកឡកលើយយ៉ាងចាស់ដៃតែម្ដង។
ជាក់ស្ដែងបើយោងតាមការបញ្ចេញមតិក្នុងការខមិនមហាជនជាច្រើនបានសម្ដែងការចំអកឡកលើយថា «ខ្មែរស្រលាញ់ខ្មែរ ចៃដន្យអីខ្ញុំមិនចេះ Vote ទេ ខ្ញុំចេះតែរិះគន់ និងជាន់ពន្លិចទេ សោកស្តាយផង Miss ឌឺ» ។ អ្នកលេងបណ្ដាញសង្គមខ្លះទៀតពោលថា «បើគង់តែរកជំនួយពីពួកខ្ញុំដដែល មិចអ្នកឯងញិចដាក់ពួកអញធ្វើអី ហើយកុំនិយាយថា ពួកខ្ញុំមិនគាំទ្របវរកញ្ញាខ្មែរ ព្រោះអតីតកាលយើងញ៉េញពេក»។ អ្នកលេងបណ្ដាញសង្គមផ្សេងទៀតពោលថា «ដូរឈុតគោព្រៃនឹងចេញទៅ ចាំ Vote អោយ»។ មហាជនមួយចំនួនទៀតពោលថា «ចេះនិយាយទៅរួចថា ខ្មែរជួយខ្មែរ ក្រែងម្ចាស់កម្មវិធីនឹងឌឺដងជាមួយ Fan ដល់លូវស្រែកអោយ Fan vote like, share អីណា យ៉ាប់ណាស់ Admin មហាឌឺ»។
គួរបញ្ជាក់ថា សរុបជារួមតែម្ដង ក្នុងការបញ្ចេញមតិតាមរយៈខមិនក្នុងផុសខាងលើនេះ គឺសុទ្ធសឹងតែជាមតិឌឺដងទៅលើស្ថាប័ន Miss Grand Cambodia តែម្ដង៕
ចែករំលែកព័តមាននេះ