ADផ្ទាំងផ្សព្វផ្សាយពាណិជ្ជកម្ម

Picture

លំនៅ​ឋាន​ពលរដ្ឋ​៥​ខ្នង​ប្រឈម​នឹង​ការ​បាក់​ស្រុត​​ចូល​ទន្លេមេគង្គ

2 ខែ មុន
  • ត្បូងឃ្មុំ

ខេត្ត​ត្បូងឃ្មុំ ៖ គ្រោះ​ធម្មជាតិ​ក្នុង​រដូវវស្សា រហូត​ធ្វើ​ឱ្យ​ច្រាំង​ទន្លេ​បាន​បាក់​ស្រុត​មក​កៀកនឹង​លំនៅ​ឋាន​របស់​ប្រជាពលរដ្ឋ​ចំនួន​៥​ខ្នង ស្ថិត​នៅ​ក្នុងភូមិ​រការ​ធំ ឃុំ​ជី​រោទ៍​ទី​១ ស្រុក​ត្បូងឃ្មុំ ។ អាជ្ញាធរ​ត្រូវ​បង្ខំចិត្ត​រុះរើ​ចេញ ចៀសវាង​កុំ​ឲ្យ​បាក់​ស្រុត​ចូល​ក្នុង​ទន្លេមេគង្គ​រង​គ្រោះ​ដល់​មនុស្ស…

ខេត្ត​ត្បូងឃ្មុំ ៖ គ្រោះ​ធម្មជាតិ​ក្នុង​រដូវវស្សា រហូត​ធ្វើ​ឱ្យ​ច្រាំង​ទន្លេ​បាន​បាក់​ស្រុត​មក​កៀកនឹង​លំនៅ​ឋាន​របស់​ប្រជាពលរដ្ឋ​ចំនួន​៥​ខ្នង ស្ថិត​នៅ​ក្នុងភូមិ​រការ​ធំ ឃុំ​ជី​រោទ៍​ទី​១ ស្រុក​ត្បូងឃ្មុំ ។ អាជ្ញាធរ​ត្រូវ​បង្ខំចិត្ត​រុះរើ​ចេញ ចៀសវាង​កុំ​ឲ្យ​បាក់​ស្រុត​ចូល​ក្នុង​ទន្លេមេគង្គ​រង​គ្រោះ​ដល់​មនុស្ស ។ ប្រតិបត្តិការ​រុះរើ​បាន​ប្រើ​កម្លាំង​សរុប​ចំនួន​៦២​នាក់ ដឹកនាំ​ដោយ​លោក​ឧត្តមសេនីយ៍ទោ​ម៉ុ​ន មាគ៌ា ស្នងការ​នគរបាល​ខេត្ត ។

Picture

លោក​ទួន ឆៃ​លី​ម មេឃុំ​ជី​រោ​ទ៏​ទី​១ មាន​ប្រសាសន៍​ឲ្យ​ដឹង នា​រសៀល​ថ្ងៃ​ទី​២៨ កញ្ញា​ថា លំនៅ​ឋាន​តូច-​ធំ​របស់​ប្រជាពលរដ្ឋ​រស់នៅ​តាម​ដង​ទន្លេ​ កំពុង​ប្រឈម​ដោយសារ​តែ​ច្រាំង​បាក់​កៀក​នោះ ត្រូវ​បាន​កម្លាំង​​អាជ្ញាធរ​គ្រប់​លំដាប់ថ្នាក់​ ចុះ​អន្តរាគមន៍​ជួយ​រុះរើ​មាន​រយៈពេល​២​ថ្ងៃ​ជាប់​ៗ​គ្នា គឺ​នៅ​ថ្ងៃ​ទី​២៧ កញ្ញា រុះរើ​បាន​ចំនួន​៣​ខ្នង ហើយ​មក​ដល់​ព្រឹក​ថ្ងៃ​ទី​២៨ កញ្ញា រុះរើ​បន្ថែមចំនួន​២​ខ្នង​ទៀត សរុប​​៥​ខ្នង ។ ដោយឡែក ផ្ទះ​របស់​អ្នក​ភូមិ​ចំនួន​៣​ខ្នង​ទៀត ស្មើនឹង​៣​ម្ចាស់ ដែល​នៅ​ឆ្ងាយ​ពី​ច្រាំង​ទន្លេ គឺ​មិន​ទាន់​រុះរើ​ទេ ។

Picture

កម្លាំង​នគរបាល​បាន​ឲ្យ​ដឹង​ថា កាលពី​ព្រឹក​ថ្ងៃ​ទី​២៧ កញ្ញា ក្រោម​ការ​ចង្អុលបង្ហាញ​របស់​ឯកឧត្តម​បណ្ឌិត ជាម ច័ន្ទ​សោភ័ណ អភិបាលខេត្ត និង​ជា​ប្រធាន​គណៈ​បញ្ជាការ​ឯកភាព​រដ្ឋបាល​ត្បូងឃ្មុំ និង​ក្រោយ​ពី​ទទួល​បាន​សេចក្តីរាយការណ៍ របស់​លោក​អធិការ​នគរបាល​ស្រុក​ត្បូងឃ្មុំ រួច​មក លោក​ឧត្តមសេនីយ​ស្នងការ​នគរបាល​ខេត្ត​ត្បូងឃ្មុំ បាន​ដឹកនាំ​កម្លាំង​នគរបាល​ជាតិ នៃ​ស្នង​ការ​ដ្ឋាន​នគរបាល​ខេត្ត​ត្បូងឃ្មុំ និង​កម្លាំង​នគរបាល អធិការដ្ឋាន​នគរបាល​ស្រុក​ត្បូងឃ្មុំ ប៉ុស្តិ៍​នគរបាល​រដ្ឋបាល​ជី​រោទ៍​ទី​១ ដោយ​សហការ​ជាមួយ​អាជ្ញាធរ​ស្រុក​ត្បូងឃ្មុំ ក្រុមប្រឹក្សា​ឃុំ មេ​ភូមិ កម្លាំង​ប្រជា​ការពារ​ភូមិ រួម​នឹង​បងប្អូន​ប្រជាពលរដ្ឋ បាន​រួម​គ្នា​ជួយ​រុះរើ ផ្ទះ​ប្រជាពលរដ្ឋ ស្ថិត​នៅ​ក្នុងភូមិ​រការ​ធំ ឃុំ​ជី​រោទ៍​ទី​១ ដែល​កំពុង​ប្រឈម និង​ការ​បាក់​ស្រុត​ច្រាំង​ចូល​ទៅ​ក្នុង​ទឹកទន្លេ​មេគង្គ ។

Picture

គួរ​បញ្ជាក់​ថា ហេតុការណ៍​ប្រឈម​ការ​បាក់​ច្រាំង​ទន្លេនេះ​ បាន​កើតឡើង​កាលពី​វេលា​ម៉ោង​១៨​ល្ងាច​ម្ដង និង​ម៉ោង​១៩​លា្ង​ច​ថ្ងៃ​ទី ២៦ ខែកញ្ញា ឆ្នាំ​២០២២ ។ ចំពោះ​ច្រាំង​ទន្លេ​ដែល​បាន​បាក់​ស្រុត​ចូល​ទៅ​ក្នុង​ទឹកទន្លេ​នោះ មាន​ទទឹង​ប្រវែង​១៥​ម៉ែត្រ បណ្ដោយ​ប្រវែង​៦០​ម៉ែត្រ ។ ផ្ទះ​ប្រជាពលរដ្ឋ ដែល​ប្រឈម​ខ្លាំង​មាន​ចំនួន​៥​ខ្នង​ផ្ទះ បាន​រុះរើ​រួច​មាន​ចំនួន​៣​ខ្នង​មានឈ្មោះ​ដូច​ខាងក្រោម៖

Picture


១- ផ្ទះ​ឈ្មោះ វ៉ែន វាសនា ភេទ​ប្រុស អាយុ ៤៩​ឆ្នាំ ផ្ទះ​ទំហំ ៧​ម × ១២​ម សង់​ពី​ឈើ ប្រក់​ក្បឿង ។
២-ផ្ទះ​ឈ្មោះ សាន រស្មី ភេទ​ប្រុស អាយុ ៣២​ឆ្នាំ ខ្មែរ ផ្ទះ​ទំហំ ៥​ម × ៤​ម សង់​អំពី​ឬ​ស្សី ប្រក់ស័ង្កសី ។៣-​ផ្ទះ​ឈ្មោះ ចាន់ សុ​ឹ​ម ភេទ​ស្រី អាយុ៧៨​ឆ្នាំ ផ្ទះ​ទំហំ ៥​ម × ៤​ម សង់​អំពី​ឬ​ស្សី ប្រក់ស័ង្កសី ។

Picture

លោក​មេឃុំ​ជី​រោ​ទ៏​ទី​១​បញ្ជាក់​ថា កម្លាំង​គ្រប់​លំដាប់ថ្នាក់​នៅ​មូលដ្ឋាន​ រួម​ទាំង​កម្លាំង​នគរបាល​សរុប​៦២​នាក់ បាន​ចុះ​ជួយ​អន្តរាគមន៍​ទាន់​ពេលវេលា​ក្នុង​ការ​ជួយ​រុះរើ​លំនៅ​ឋាន​បាន​បន្តបន្ទាប់​ចំនួន​៣​ខ្នង ហើយ​មក​ដល់​ព្រឹក​ថ្ងៃ​ទី​២៨ កញ្ញា ផ្ទះ​ចំនួន​ពីរ​ខ្នង​បន្ថែម​ទៀត ត្រូវ​សកម្មភាព​មនុស្សធម៌​ជួយ​ដោយ​ឥត​គិតថ្លៃ ត្រូវ​បាន​ប្រជាពលរដ្ឋ​នាំ​គ្នា​សរសើរ​ដល់​អាជ្ញាធរ​។

Picture

ជាមួយ​នោះ សូម​បងប្អូន​ត្រូវ​បង្កើន​ការ​យកចិត្តទុកដាក់​ឲ្យ​បាន​ខ្ពស់ ប្រសិនណាបើ​ឃើញ​សភាព​មិន​ស្រួល​ត្រូវ​រាយការណ៍​មក​អាជ្ញាធរ​មូលដ្ឋាន​ជា​បន្ទាន់​ធ្វើ​យ៉ាងណា កុំឱ្យ​លំនៅ​ឋាន​បាក់​ស្រុត​ចូល​ក្នុង​ទន្លេ​ទាន់ ។

Picture
Picture
Picture
Picture
Picture
Picture
Picture
Picture
Picture
Picture