កុល ដាវី វាយប្រហារអ្នកចោទនាងរឿងអាស្រូវស្នេហ៍
រាជធានីភ្នំពេញ ៖ តារាសម្តែងនាងកុល ដាវី ខឹងខ្លាំងចំពោះជនម្នាក់ដែលចោទថា នាងធ្លាប់ជាស្រីចិញ្ចឹមរបស់កូនថ្នាក់ដឹកនាំជាន់ខ្ពស់ និងជាមួយមន្ត្រីដែលមានឋានៈ ខ្ពស់ៗ មួយចំនួនទៀត ។
រាជធានីភ្នំពេញ ៖ តារាសម្តែងនាងកុល ដាវី ខឹងខ្លាំងចំពោះជនម្នាក់ដែលចោទថា នាងធ្លាប់ជាស្រីចិញ្ចឹមរបស់កូនថ្នាក់ដឹកនាំជាន់ខ្ពស់ និងជាមួយមន្ត្រីដែលមានឋានៈ ខ្ពស់ៗ មួយចំនួនទៀត ។
កុល ដាវី ចាត់ទុកការចោទនោះគឺជាការបង្ខូចកេរ្តិ៍ឈ្មោះរបស់នាង ហើយចាត់អ្នកចោទនោះថា «ជាមនុស្សថោកទាប និងបាតសង្គម»។
ថ្មីៗកន្លងមកហ្វេសប៊ុកឈ្មោះ«Chham Chhany» បានចោទតារាសម្តែងនាង កុល ដាវី និងនាងវ៉ាង ស្រីណូ ទាក់ទិនរឿងអាស្រូវស្នេហ៍ ។ គេចោទថា កុល ដាវី ធ្លាប់ជាស្រីលួចលាក់របស់កូនថ្នាក់ដឹកនាំមួយរូប មុនពេលដែលនាងធ្វើជាស្រីកំណាន់របស់មន្ត្រីប៉ូលិសព្រហ្មទណ្ឌក្រោយពេលកុល ដាវី មានកូនអ្នកធំធានាចិញ្ចឹមហើយនោះ នាងប្រែក្លាយជីវភាពហ៊ឺហាជាងមុន ដែលនាងធ្លាប់តែនៅផ្ទះជួល ។
បុរសនោះចោទថា កុល ដាវី គឺជាមនុស្សញៀនល្បែងស៊ីសងដែលលែងតាមផ្ទះ ហើយចាញ់រហូតបោសគូទក៏មាន ហើយក្រោយពេលចាញ់នាងតែងតែខលទៅរកកូនអ្នកធំនិងប្រុសស្នេហ៍នោះបានលុយមកលេងបន្តទៀត។
បន្ទាប់ពីការចោទបែបនោះមក ហ្វេសប៊ុកមួយចំនួនដែលមិនបានដឹងរឿងច្បាស់ រិះគន់ខ្លាំង ទៅលើតារាសម្តែងនាងកុល ដាវី ។ ទោះជាយ៉ាងណាក្តី កុល ដាវី ចាត់ទុកការចោទនោះជាការបំផ្លើស ដ្បិតរូបនាង និងកូនថ្នាក់ដឹកនាំនោះមិនដែលជួបគ្នាម្តងណាសោះ ។
តាមហ្វេសប៊ុករបស់ខ្លួន កុល ដាវី បានឆ្លើយតបថា «ជនថោកទាប ពួកបាតសង្គម ហេតុអីក៏ហ៊ានសរសេរបង្ខូចកិត្តិយសរបស់ខ្ញុំបែបនេះ ចាប់ពីពេលនេះទៅ បានការងារមួយទៀតហើយ ដើម្បីការពារភាពស្អាតស្អំរបស់ខ្ញុំ ជូនក្រុមគ្រួសារ បងរក្សា ជូនទស្សនិកជនដែលតែងតែគាំទ្រនាងខ្ញុំ ក្នុងនាមជាអ្នកសិល្បៈមួយរូបដែលពួកគាត់តែងតែស្រលាញ់ និងផ្តល់តម្លៃ ជាពិសេសភាពស្អាតស្អំរវាងខ្ញុំ និងលោកហ៊ុន ម៉ានិត ទាំងដែលខ្ញុំ និងគាត់ពុំដែលបានជួបគ្នាម្តងណាសោះ ។
ចង់ដឹងដល់ហើយក្នុងខួរវាមានអីខ្លះ រាល់ថ្ងៃស៊ីអី បានវាមានសន្ដានថោកទាបអ៊ីចឹង អាងអីអាងសារពីប្រិយមិត្ត ហើយឆ្លើយយករួចខ្លួនមែន! ចង់ប្រាប់ថា វាមិនស្រួលអ៊ីចឹងទេ មនុស្សបាតសង្គមពិតជារស់នាំធ្ងន់ផែនដីមែន អាណិតតែឳពុកម្តាយអ្នកឯងទេ បើគាត់ដឹងថា អ្នកឯងមានសន្តានថោកទាបអ៊ីចឹង មិនដឹងជាគាត់ឈឺចាប់ប៉ុនណទេ» ។
កុល ដាវី គឺជាតារាមួយរូបដែលជួបរឿងអាស្រូវជាបន្តបន្ទាប់ ក្នុងចំណោមតារាមួយចំនួនទៀត ក្នុងពេលដែលនាងបានចាប់ផ្តើមប្រឡូកក្នុងវិស័យសិល្បៈ និងចាប់យោងភាពល្បីល្បាញនាពេលកន្លងមក ។
ក្រោយពីភ្ជាប់ចំណងស្នេហ៍ និងមានគម្រោងរៀបការជាមួយតារាចម្រៀងលោកសុខ រក្សាមក តារាសម្តែងរូបនេះបានផ្លាស់ប្តូរអត្តចរិត និងបន្ថយការស្លៀកពាក់បែបសិចស៊ី៕
ចែករំលែកព័តមាននេះ