កក្រើកពេញបណ្ដាញសង្គម ជុំវិញដំណឹងការចាប់ខ្លួនបវរកញ្ញាមីយ៉ាន់ម៉ាដោយសាររឿងមួយ
ជឿជាក់ថា ពុកម៉ែបងប្អូនប្រាកដជាស្គាល់ជាក់មិនខានឡើយ នៅ Miss Grand Myanmar២០២០ មួយរូប ដែលជារាជនីសម្រស់ មានភាពលេចធ្លោមិនធម្មតានោះ គឺនាង
ប្រទេសថៃ ៖ ជឿជាក់ថា ពុកម៉ែបងប្អូនប្រាកដជាស្គាល់ជាក់មិនខានឡើយ នៅ Miss Grand Myanmar២០២០ មួយរូប ដែលជារាជនីសម្រស់ មានភាពលេចធ្លោមិនធម្មតានោះ គឺនាង Han Lay ដែលជាបវរកញ្ញាក្លាហានម្នាក់បានឡើងនិយាយពីស្ថានភាពប្រទេសអំឡុងពេលមេដឹកនាំយោធាធ្វើរដ្ឋប្រហារនៅលើឆាកប្រកួត Miss Grand International ២០២០ ។
ជាក់ស្ដែង អ្វីដែលនឹកស្មានមិនដល់ទៅវិញនោះ ស្រាប់តែថ្មីៗនេះ បែរជាលេចឮដំណឹងព្រោងព្រាតថា «Miss Grand Han Lay» រូបនេះ នាងបានត្រូវប៉ូលិសថៃចាប់ឃាត់ខ្លួនភ្លាមៗនៅអាកាសយានដ្ឋានអន្តរជាតិបាងកក ខណៈពេលដែលនាងបានធ្វើដំណើរចូលទៅក្នុងប្រទេសថៃ។
ដោយកាលពីកន្លងទៅ បវរកញ្ញា Han Lay miss Grand Myanmar បានចេញមកថ្លែងសុន្ទរកថានៅក្នុងកម្មវិធីប្រកួត Miss Grand International អំពីស្ថានការណ៍ ភាពចលាចលក្នុងប្រទេស។ ដើម្បីអំពាវនាវដល់រដ្ឋាភិបាលយោធាដែលបានដណ្តើមអំណាចឲ្យបញ្ឈប់អំពើហិ.ង្សាលើប្រជាជនក្នុងប្រទេស បណ្តាលឱ្យអាជ្ញាធរមីយ៉ាន់ម៉ា ចេញដីកាចាប់ខ្លួន និងត្រូវសុំសិទ្ធិជ្រកកោន។
យ៉ាងណាមិញ ក្រោយពីបានដឹងពីដំណឹងនេះហើយ ក៏បានធ្វើឱ្យមហាជនអ្នកគាំទ្រជាច្រើនមានការភ្ញាក់ផ្អើលពាសពេញបណ្ដាញសង្គម ព្រួយបារម្ភចំពោះនាង និងមានការងឿងឆ្ងល់ជាខ្លាំងគ្រប់ៗគ្នាបែបនេះថា «បណ្ដាលមកពីហេតុអ្វី? មានរឿងអ្វីកើតឡើង មិចបាននៅសុខៗបែរជាចាប់នាងទៅវិញ តើនាងបានធ្វើអ្វីខុសមែន?»។
នេះបើយោងទៅតាមរយៈសារព័ត៌មានថៃ បានអោយដឹងថា នៅថ្ងៃទី២២ ខែកញ្ញា ឆ្នាំ២០២២ អគ្គនាយកដ្ឋានអន្តោប្រវេសន៍ថៃ បានចេញមុខមកទម្លាយថា សមត្ថកិច្ចពុំបានចាប់ខ្លួនបវរកញ្ញា Han Lay ដូចដែលព័ត៌មានបានលេចឮនោះឡើយ ហើយអ្វីដែលគ្រប់គ្នាបានឃើញនោះវាមិនដូចគ្រប់គ្នាកំពុងតែសង្ស័យទេ។
ទន្ទឹមនឹងនោះផងដែរ ចំពោះករណីដែលមានសារព័ត៌មានមួយចំនួនបានចុះផ្សាយនិយាយពីបវរកញ្ញា Han Lay នោះ គឺគ្រាន់តែគេពុំអនុញ្ញាតឱ្យឆ្លងដែនចូលប្រទេសតែប៉ុណ្ណោះ បន្ទាប់មានការត្រួតពិនិត្យឯកសារឆ្លងដែន ហើយនាងពុំមានឯកសារគ្រប់គ្រាន់ដែលជាហេតុត្រូវប៉ូលិសធ្វើការដោះស្រាយទៅតាមនីតិវិធីច្បាប់ប្រទេសបន្ត តែពុំមានការចាប់ឃុំខ្លួននោះទេ ហើយបច្ចុប្បន្នកំពុងទាក់ទងជាមួយការិយាល័យឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) ប្រចាំប្រទេសថៃ៕
ចែករំលែកព័តមាននេះ