ខេត្តក្រចេះ ៖ ចៅហ្វាយខេត្តក្រចេះ នាល្ងាចថ្ងៃទី១៧ ខែកញ្ញា ឆ្នាំ២០២២ បានបើកកិច្ចប្រជុំបន្ទាន់ ដើម្បីចាត់វិធានការចុះបង្ក្រាបទីតាំងភ្នាល់ល្បែងស៊ីសងខុសច្បាប់គ្រប់ប្រភេទនៅទូទាំងខេត្តឲ្យដូចជាភ្លៀងរលឹមរាប់ទាំងមុខសញ្ញាល្បែងឆ្នោតឡូតូចាក់បង្ហាញតាមទូរទស្សន៍ និងកន្ទុយលេខផងដែរ។ ស្របតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ…
ខេត្តក្រចេះ ៖ ចៅហ្វាយខេត្តក្រចេះ នាល្ងាចថ្ងៃទី១៧ ខែកញ្ញា ឆ្នាំ២០២២ បានបើកកិច្ចប្រជុំបន្ទាន់ ដើម្បីចាត់វិធានការចុះបង្ក្រាបទីតាំងភ្នាល់ល្បែងស៊ីសងខុសច្បាប់គ្រប់ប្រភេទនៅទូទាំងខេត្តឲ្យដូចជាភ្លៀងរលឹមរាប់ទាំងមុខសញ្ញាល្បែងឆ្នោតឡូតូចាក់បង្ហាញតាមទូរទស្សន៍ និងកន្ទុយលេខផងដែរ។
ស្របតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានមានប្រសាសន៍ពាក់ព័ន្ធនឹងការងារសន្តិសុខវិធានការបង្ក្រាបល្បែងស៊ីសងខុសច្បាប់ គ្រប់ប្រភេទនៅទូទាំងប្រទេសកាលពីពេលថ្មីៗនេះ។
ចៅហ្វាយខេត្តក្រចេះ លោក វ៉ា ថន បានជម្រុញដល់រដ្ឋបាលក្រុង ស្រុក រួមទាំងប៉ុស្តិ៍រដ្ឋបាលកម្លាំងបញ្ជាការទាំងអស់ត្រូវស្រង់បញ្ជីឈ្មោះម្ចាស់អាជីវកម្មតូបកាហ្វេ ហាងគុយទាវ ត្រូវធ្វើការណែនាំដល់គាត់កុំអោយមានការលួចលាក់លេងល្បែងស៊ីសងខុសច្បាប់ដូចជា ជល់មាន់តាមអនឡាញ អោយមានប្រសិទ្ធិភាពបំផុត ជាពិសេសត្រូវពង្រឹងសន្តិសុខសណ្តាប់ធ្នាប់សាធារណៈទាក់ទងទៅនឹងគោលនយោបាយភូមិឃុំសង្កាត់មានសុវត្ថិភាពទាំង៧ ចំណុចឲ្យខានតែបានព្រមទាំងការដោះស្រាយបញ្ហាសំណូមពរ និងទុក្ខកង្វល់របស់ប្រជាពលរឲ្យបានឆាប់រហ័ស ហើយត្រូវធ្វើផែនការសកម្មភាពប្រចាំថ្ងៃក្នុងការអនុវត្តបង្ក្រាបល្បែងស៊ីសងនៅក្នុងមូលដ្ឋានរបស់ខ្លួន ដើម្បីរាយការណ៍ជាប្រចាំជូនប្រធានគណៈបញ្ជាការឯកភាពរដ្ឋបាលខេត្ត-ក្រុង-ស្រុក និងដើម្បីស្រុករាយការណ៍ទៅក្រសួងមហាផ្ទៃ។
លោកចៅហ្វាយខេត្តបានណែនាំដល់មេបញ្ជាការកងកម្លាំងទាំងបី និងក្រុង ស្រុកទាំងអស់ ត្រូវរួមគ្នាអនុវត្តកិច្ចការនេះឲ្យមាន ប្រសិទ្ធភាពត្រូវធ្វើជាគំរូដែលមានឥរិយាបថល្អដល់ប្រជាពលរដ្ឋ ត្រូវចៀសវាងនូវកាប្រព្រឹត្តអំពើមិនគប្បីណាមួយដែលនាំឲ្យប្រជាពលរដ្ឋមើលបំណាំ និងត្រូវបង្កើនការយកចិត្តទុកដាក់ថែមទៀតលើកទឹកចិត្តដល់បងប្អូនកងកម្លាំងប្រជាការពារក្នុងការបំពេញកិច្ចការរក្សាសន្តិសុខក្នុងមូលដ្ឋាន ហើយនាំមកនូវសេចក្តីសុខសុភមង្គលជូនប្រជាពលរដ្ឋ និងបញ្ចៀសកុំឱ្យមានចោរឆក់ចោរប្ល.ន់ ក្នុងសង្គមដោយសារតែល្បែងស៊ីសងដែលវាមិនបានចំណេញដល់សេដ្ឋកិច្ចជាតិនោះទេ ផ្ទុយទៅវិញបាននាំឱ្យប្រជាពលរដ្ឋដែលងប់ងុលនឹងល្បែងត្រូវលក់គោ លក់ ក្របី ផ្ទះសម្បែង និងខាតពេលវេលារកស៊ីធ្វើអោយបែកបាក់គ្រួសារ និងប៉ះពាល់ដល់អនាគតកូនដោយសារតែការចាញ់ល្បែងនេះ ៕
ចែករំលែកព័តមាននេះ