ពេជ្រ សោភា និងតារាចម្រៀងកូរ៉េសម្តែងរួមគ្នាកក្រើកឆាក
រាជធានីភ្នំពេញ ៖ ទស្សនិកជនជាច្រើនហ៊ោរកញ្ចៀវអបអរតារា ល្បីៗទាំងខ្មែរទាំងកូរ៉េ ដែលសម្តែង និងបញ្ចេញក្បាច់រាំយ៉ាងរស់រវើក ។ ពេជ្រ សោភា និងតារាចម្រៀងកូរ៉េរួមគ្នា …
រាជធានីភ្នំពេញ ៖ ទស្សនិកជនជាច្រើនហ៊ោរកញ្ចៀវអបអរតារា ល្បីៗទាំងខ្មែរទាំងកូរ៉េ ដែលសម្តែង និងបញ្ចេញក្បាច់រាំយ៉ាងរស់រវើក ។ ពេជ្រ សោភា និងតារាចម្រៀងកូរ៉េរួមគ្នា …
រាជធានីភ្នំពេញ ៖ ទស្សនិកជនជាច្រើនហ៊ោរកញ្ចៀវអបអរតារា ល្បីៗទាំងខ្មែរទាំងកូរ៉េ ដែលសម្តែង និងបញ្ចេញក្បាច់រាំយ៉ាងរស់រវើក ។ ពេជ្រ សោភា និងតារាចម្រៀងកូរ៉េរួមគ្នាច្រៀងរៃអង្គាសប្រាក់ដើម្បីជួួយផ្នែកមនុស្សធម៌ ។
អ្នកនាងពេជ្រ សោភា និងតារាចម្រៀងកូរ៉េ ស្រស់ស្អាតជាច្រើន ព្រមទាំងបណ្តាសិល្បករស្ម័គ្រចិត្តជាច្រើនដួងទៀតបានពួតដៃគ្នាសម្តែង និងច្រៀងរាំចែកជូនទស្សនិកជនទស្សនា ក្នុងន័យស្វែងរកប្រាក់ជួយមន្ទីរពេទ្យគន្ធបុប្ផា និងបណ្តាកិច្ចការមនុស្សធម៌ផ្សេងទៀតក្រោមការរៀបចំរបស់ក្រុមការងារ ។ ការប្រគំតន្ត្រីបែបកន្ត្រាក់អារម្មណនេះនៅទីលានប្រជាធិបតេយ្យ រាជធានីភ្នំពេញក្រោមការផ្សាយបន្តផ្ទាល់របស់ស្ថានីយទូរទស្សន៍ NTV ។
កម្មវិធីតន្ត្រីនេះប្រារព្ធឡើងរយៈពេល២ថ្ងៃចាប់ពីថ្ងៃទី១៨ និង១៩ កុម្ភៈ ឆ្នាំ២០១៧ ក្រោមវត្តមានគណៈអធិបតី លោកសាម៉ន បណ្ឌិត្យ អគ្គនាយករងស្ថានីយទូរទស្សន៍ NTV លោក SUNG MAN KIM ប្រធានកម្មវិធីសប្បុរសធម៌សុបិននៃក្តីស្រឡាញ់សម្រាប់អនាគតកុមារ ជាតំណាងក្រុមមនុស្សធម៌ពីប្រទេសកូរ៉េ និងលោកគីម ម៉ាន់ស៊ុង អ្នករៀបចំកម្មវិធីប្រគំតន្ត្រី ។
លោកសាម៉ន បណ្ឌិត្យ បានលើកឡើងថាសម្រាប់ឱកាសប្រគំតន្ត្រីរយៈពេល២ថ្ងៃ(១៨និង១៩ កុម្ភៈ) នេះធ្វើឡើងសម្រាប់ប្រមូលប្រាក់ជួយដល់មន្ទីរពេទ្យគន្ធបុប្ផាផងនិងជួយដល់ការងារសប្បុរសធម៌ក្នុងសង្គមយើងផងដែរ ។ ជាក់ស្តែងពិតជារីករាយដែលបណ្តាសិល្បករទាំងខ្មែរនិងកូរ៉េ ព្រមទាំងក្រុមការងារទាំងអស់បានពួតដៃគ្នាសម្តែងញ៉ាំងឱ្យកម្មវិធីប្រព្រឹត្តទៅតាមលំដាប់លំដោយ ។ ទោះជាមានចំណុចខ្វះខាតខ្លះក៏ដោយក៏ក្រុមការងារនៅតែប្រយុទ្ធតស៊ូបំពេញមិនឲមានចន្លោះឡើយ ។
លោកអគ្គនាយករងស្ថានីយទូរទស្សន៍រូបនេះបន្តថា «យើងបានសហការជាមួយសាលារាជធានីភ្នំពេញ ក្រសួងព័ត៌មាន អាជ្ញាធរជាតិប្រឆាំងគ្រឿងញៀន និងខាងចរាចរណ៍ផ្លូវគោកផ្សព្វផ្សាយការងារទាំងនេះផងដែរ ។ ព្រោះការប្រគំតន្ត្រីមានទិសដៅរៃអង្គាសប្រាក់តិចក្តីច្រើនក្តីពីទស្សនិកជនដោយផ្តោតលើការអប់រំស្តីពីគ្រឿងញៀនដែលត្រូវចៀសវាង ព្រមទាំងការគោរពច្បាប់ចរាចរណ៍ផ្លូវគោកជាសំខាន់ ។ សម្រាប់រយៈពេល២ថ្ងៃ តារាៗដែលស្ម័គ្រចិត្តចូលរួមសម្តែងរួមមានពេជ្រ សោភា, យូរី, នេនទុំ, លោកគីម ថាណា, DJ8 តារាកូរ៉េពីរក្រុមរួមមានក្រុម Wisdom និង ក្រុម Billion K-POP ។ តារាកូរ៉េទាំងនោះសុទ្ធតែបានសម្តែងការពេញចិត្តសម្តែងជួយរកប្រាក់ជួយដល់មន្ទីរពេទ្យគន្ធបុប្ផាដោយចិត្តស្មោះមិនខ្លាចហត់នឿយក្រោមការសហការពីទូរទស្សន៍អិនធីវី » ៕
ចែករំលែកព័តមាននេះ