ចាប់បានហើយ ជនដៃដល់ផ្តាច់សង្ខារក្មេងប្រុសគ្មានប្រណី ព្រោះរឿងកាលពី២ខែមុន
- កណ្តាល
កម្លាំងនគរបាលស្រុកពញ្ញាឭ សហការជាមួយកម្លាំងព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តកណ្តាល បានឃាត់ខ្លួនជនដៃដល់ដែលយកខ្សែ
កម្លាំងនគរបាលស្រុកពញ្ញាឭ សហការជាមួយកម្លាំងព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តកណ្តាល បានឃាត់ខ្លួនជនដៃដល់ដែលយកខ្សែ
ខេត្តកណ្តាល ៖ កម្លាំងនគរបាលស្រុកពញ្ញាឭ សហការជាមួយកម្លាំងព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តកណ្តាល បានឃាត់ខ្លួនជនដៃដល់ដែលយកខ្សែរឹ.ត.កសម្លា.ប់ក្មេងប្រុស ដោយសារមូលហេតុរូបខ្លួនខឹងនឹងជនរងគ្រោះកាលពី២ខែមុន រឿងជនរងគ្រោះប្រើមិនបាន និងត.មាត់ ត្រូវចាប់ខ្លួនបានហើយ។ ការឃាត់ខ្លួននេះធ្វើឡើងនៅថ្ងៃទី១៤ ខែកញ្ញា ឆ្នាំ២០២២ នៅស្រុកពញ្ញឭ និងហេតុការណ៍បានកើតឡើងនៅថ្ងៃទី១៣ ខែកញ្ញា ឆ្នាំ២០២២ វេលាម៉ោង១២និង៣៤នាទីថ្ងៃត្រង់ នៅចំណុចទំនប់បឹងខ្វែងក្នុងរោងខ្យូសលំហែកាយ ស្ថិតក្នុងភូមិព្រែកតាព្រហ្ម ឃុំកំពង់អុស ស្រុកពញាឮ ខេត្តកណ្តាល។
បើតាមនគរបាលបានប្រាប់អោយដឹងថា ជនរងគ្រោះឈ្មោះ ធី សុកសំណាង ហៅង៉ូវ ភេទប្រុស ជនជាតិខ្មែរ មុខរបរសិស្សថ្នាក់ទី២ មានទីលំនៅស្នាក់នៅភូមិព្រែកតាព្រហ្ម ឃុំកំពង់អុស ស្រុកពញាឮ ខេត្តកណ្តាល។ ចំណែកជនសង្ស័យឈ្មោះ មិន រត្តនា ហៅម៉ៅ ភេទប្រុស អាយុ២៩ឆ្នាំ ជនជាតិខ្មែរ មុខរបរចាំដីចំការ មានទីលំនៅស្នាក់នៅភូមិព្រែកតាព្រហ្ម ឃុំកំពង់អុស ស្រុកពញាឮ ខេត្តកណ្តាល។
បើតាមរបាយការណ៍របស់សមត្ថកិច្ចដែលទទួលបានឱ្យដឹងថា នៅថ្ងៃទី១៣ ខែកញ្ញា ឆ្នាំ២០២២ ឈ្មោះ ចាន់ វណ្ណី ភេទស្រី បានប្រើឲ្យជនសង្ស័យឈ្មោះ មិន រត្តនា ជិះម៉ូតូម៉ាក Wave ពណ៌ខ្មៅ ពាក់ផ្លាកលេខ កំពត 1P6286 ជិះទៅយកក្មេងៗចំនួន៤នាក់ ក្នុងនោះមាន ៖ ១-ឈ្មោះ ជេម ស្រីនីត ភេទស្រី អាយុ៨ឆ្នាំ, ២- ឈ្មោះ ជេម ស្រីលីស ភេទស្រី អាយុ១៤ឆ្នាំ ជាកូនស្រីរបស់ឈ្មោះ ចាន់ វណ្ណី ៣-ឈ្មោះ ធា លីណា ភេទស្រី អាយុ៩ឆ្នាំ និង៤- ឈ្មោះ ធា សុកសំណាង ហៅ ង៉ូវ ភេទប្រុស អាយុ១៣ឆ្នាំ (ជនរងគ្រោះ) ត្រូវជាក្មួយរបស់ឈ្មោះ ចាន់ វណ្ណី នៅសាលារៀនក្រោលគោ ក្នុងឃុំសំបួរមាស ស្រុកមុខកំពូល ខេត្តកណ្តាល។
ប្រភពដដែលបន្តថា បន្ទាប់មកជនសង្ស័យ ក៏បានបើកម៉ូតូកាត់តាមដីចំការទៅយកពួកក្មេងៗទាំងអស់នោះពីសាលារៀន ក្នុងស្ថានភាពមេឃកំពុងធ្លាក់ភ្លៀងខ្លាំង នៅពេលទៅដល់សាលា ជនសង្ស័យបានឲ្យក្មេងទាំង០៤នាក់នោះឡើងជិះម៉ូតូ ដោយពេលនោះ ឈ្មោះ ជេម ស្រីនីត ភេទស្រី អាយុ៨ឆ្នាំ អង្គុយពីមុខជនសង្ស័យ ចំណែកឈ្មោះ ជេម ស្រីលីស អាយុ១៤ឆ្នាំ អង្គុយបន្ទាប់ជនសង្ស័យ ហើយឈ្មោះ ធា លីណា អាយុ៩ឆ្នាំ អង្គុយបន្ទាប់ពីឈ្មោះ ជេមស្រីលីស ចំណែកឈ្មោះ ធា សុកសំណាង ហៅ ង៉ូវ (ជនរងគ្រោះ) អង្គុយពីក្រោយគេ ។
ប្រភពដដែលបន្តទៀតថា បន្ទាប់មក ជនសង្ស័យក៏បានឌុបក្មេងៗទាំងអស់ចេញមក លុះជិះមកដល់ចំណុចច្រកចូលដីចំការ ជនសង្ស័យបានឈប់ម៉ូតូចាក់សោរទ្វាររបងចូលម៉ូតូ ខណៈពេលនោះ ឈ្មោះ ធា សុកសំណាង ហៅ ង៉ូវ (ជនរងគ្រោះ) បានចុះពីលើម៉ូតូរត់ទៅជ្រកក្នុងសំយាបរោងស្នាក់របស់ជនសង្ស័យ។ ចំណែកជនសង្ស័យក៏បានឌុបពួកក្មេងស្រីៗទាំង០៣នាក់នោះមកមុន ។
ប្រភពដដែលបន្តថា លុះពេលជនសង្ស័យជិះម៉ូតូបានចម្ងាយប្រហែល៧០ម៉ែត្រ ជនសង្ស័យក៏បានឈប់ម៉ូតូ ហើយស្រែកហៅជនរងគ្រោះឈ្មោះ ធា សុកសំណាង ហៅង៉ូវ ថា៖ «អាង៉ូវហ្អែងទៅផ្ទះអត់0x017d7» ។ ពេលនោះជនសង្ស័យបានស្រែកចំនួន០៣ដង និងចុចស៊ីផ្លេម៉ូតូចំនួន០២ទៅ០៣ដងទៀត ប៉ុន្តែជនរងគ្រោះមិនលឺនោះទេ ព្រោះតែមេឃភ្លៀង ។ បន្ទាប់មកជនសង្ស័យក៏បានបើកម៉ូតុឌុបក្មេងស្រីៗទាំង០៣នាក់នោះមករោងស្នាក់នៅរបស់ឈ្មោះ ចាន់ វណ្ណី មុនទៅ។ លុះពេលមកដល់រោងស្នាក់នៅ ជនសង្ស័យបានឲ្យក្មេងស្រីៗទាំងនោះចុះពីលើម៉ូតូ បន្ទាប់មកជនសង្ស័យក៏បានបណ្តើរម៉ូតូយកទៅទុកក្នុងរោង ហើយអង្គុយចុចទូរស័ព្ទលេងនៅក្នុងរោងប្រហែល១៥នាទី ទើបជនសង្ស័យដើរទៅដេញសត្វពពែពីក្នុងដីចំការឲ្យចេញទៅទិសខាងលិចបាត់ទៅ រួចហើយជនសង្ស័យក៏បានដើរសំដៅទៅរោងស្នាក់នៅរបស់ខ្លួនវិញ។
ប្រភពដដែលបន្តទៀតថា លុះពេលជនសង្ស័យដើរមកដល់ចំណុចរោងខ្យូសជាប់មាត់បឹង ពេលនោះជនសង្ស័យបានជួប និងឃើញជនរងគ្រោះឈ្មោះ ធា សុកសំណាង ហៅ ង៉ូវ កំពុងតែអង្គុយលេងលើអង្រឹងក្នុងរោងឈើលំហែកាយ ក្បែរមាត់ទឹករបស់ម្ទាស់ដី ។ ពេលឃើញដូច្នេះ ជនសង្ស័យក៏បានដើរទៅក្នុងរោងនោះដែរ ហើយជនរងគ្រោះឈ្មោះ ធា សុកសំណាង ហៅ ង៉ូវ បានងើបចេញពីអង្រឹង បន្ទាប់មកជនសង្ស័យក៏បានទៅអង្គុយលើអង្រឹងនោះចុចទូរស័ព្ទម្តង បែរក្បាលទៅទិសខាងត្បូង។ ចំណែកជនរងគ្រោះទៅឈរក្រោយខ្នងជនសង្ស័យ មើលជនសង្ស័យចុចទូរស័ព្ទ។ ភ្លាមៗនោះ ជនរងគ្រោះឈ្មោះ ធា សុកសំណាង ហៅ ង៉ូវ បានងោកក្បាលឈ្ងោកមើលទូរស័ព្ទរបស់ជនសង្ស័យ ខណៈពេលនោះជនសង្ស័យក័បានយកខ្សែពណ៌ស (ខ្សែនីឡុងកន្ទុយកណ្តុរ) ជាខ្សែចំណងចងរនាំងបាំងខ្យល់ធ្វើពីបន្ទះឈើ ពណ៌ដីឥដ្ឋ ដាក់ជាប់នឹងសសររោងខាងត្បូង យកមកចងរុំ.ករបស់ជនរងគ្រោះ រួចជនសង្ស័យក៏បានស្ទុះងើបឈរ រួចរឹ.ត.កជនរងគ្រោះខ្លាំងបន្ថែមទៀត បណ្តាលឱ្យជនរងគ្រោះចេញលាមកតាមខោ ហើយស្លា.ប់នៅនឹងកន្លែងកើតហេតុតែម្តង។
ក្រោយធ្វើសកម្មភាពរួច ជនសង្ស័យបានលើកស.ពជនរងគ្រោះឈ្មោះ ធា សុកសំណាង ហៅ ង៉ូវ ដាក់នៅចន្លោះអង្រឹងធ្វើពីក្រណាត់ ពណ៌ក្រហម ចងនៅចន្លោះសសររោងខាងត្បូង បន្ទាប់មកជនសង្ស័យ ក៏បានតេទូរស័ព្ទតាមរយៈ Messenger របស់ឈ្មោះ «ទឹកចិត្តម្តាយ» ទៅអាខោន Messenger ឈ្មោះ អានីកូនខ្មែរ ជារបស់ឈ្មោះ ចាន់ វណ្ណី ត្រូវជាអ៊ុំស្រីបង្កើតរបស់ជនរងគ្រោះ ឈ្មោះ ធា សុកសំណាង ហៅ ង៉ូវ ថា ៖ «ចែអើយអាង៉ូវ វាមិនដឹងមិចទេ វាស្លា.ប់ហើយ វាបានយកក្រណាត់អង្រឹងផ្តាច់សង្ខារខ្លួនឯងស្លា.ប់បាត់ហើយ» ។ ពេលនោះឈ្មោះ ចាន់ វណ្ណី បានប្រាប់ជនសង្ស័យវិញថា៖ «ជួយធ្វើចលនាអាង៉ូវផង» រួចក៏បិទទូរស័ព្ទ បន្ទាប់មកទៀត ជនសង្ស័យ ក៏បានយកស្បែកជើងរបស់ជនរងគ្រោះឈ្មោះ ធា សុកសំណាង ហៅ ង៉ូវ ដាក់ក្នុងកាបូបរៀនរបស់ជនរងគ្រោះ និងកាន់អាវសិស្សសាលារបស់ជនរងគ្រោះ រួចហើយបីត្រកងលើកស.ពជនរងគ្រោះឈ្មោះ ធា សុកសំណាង ហៅ ង៉ូវ ដើរតាមផ្លូវទំនប់ត្រឡប់ទៅរោងស្នាក់នៅរបស់ឈ្មោះ ចាន់ វណ្ណី វិញ ដោយដើរបានប្រហែល៨០ម៉ែត្រ ឈ្មោះ ចាន់ វណ្ណី និងកូនស្រីរបស់ខ្លួនឈ្មោះ ជេម ស្រីលីស បានដើរមកទាន់ និងយកប្រេងក្រឡាធ្វើចលនាឲ្យជនរងគ្រោះឈ្មោះ ធា សុកសំណាង ហៅ ង៉ូវ ម្តងទៀត ។
ប្រភពដដែលបន្តទៀតថា ក្រោយមក ជនសង្ស័យក៏បានលើកបីជនរងគ្រោះដើរបន្តមកទៀត ប៉ុន្តែពេលនោះឈ្មោះសួន ជេម ជាប្ដីរបស់ឈ្មោះចាន់ វណ្ណី បានជិះម៉ូតូមកដល់រួចហើយបានឈប់ម៉ូតូ ហើយក៏បានយកជនរងគ្រោះពីជនសង្ស័យអោបពីមុខដើរមកកាន់រោងរបស់ខ្លួនស្នាក់ ។ នៅពេលមកដល់រោងស្នាក់នៅ ជនសង្ស័យនិងឈ្មោះ ចាន់ វណ្ណី បាននាំគ្នាជួយលាងសំអាតស.ពជនរងគ្រោះឈ្មោះ ធា សុកសំណាង ហៅ ង៉ូវ ហើយប្តូរសម្លៀកបំពាក់ថ្មីឲ្យជនរងគ្រោះតែម្តង ។ ឆ្លៀតពេលនោះ ជនសង្ស័យក៏បានប្រាប់ និងជិះម៉ូតូជូនម្តាយបង្កើតជនរងគ្រោះទៅវត្តពាមសត្ថា ដើម្បីឱ្យព្រះសង្ឃជួយទាយមើល ពេលនោះព្រះសង្ឃបានប្រាប់ថា ៖ ជនរងគ្រោះឈ្មោះ ធា សុកសំណាង ហៅ ង៉ូវ បានស្លា.ប់ ដោយសារគ្រោះកំបុតក០៤ឆ្នាំហើយ រួចក៏នាំគ្នាជិះម៉ូតូត្រឡប់មកផ្ទះវិញ។
ក្រោយមកក្រុមគ្រួសារ ក៏បានរាយការណ៍ជូនសមត្ថកិច្ច បន្ទាប់មកសមត្ថកិច្ចបានចុះទៅពិនិត្យកន្លែងកើតហេតុ និងសាកស.ពជនរងគ្រោះឈ្មោះ ធា សុកសំណាង ហៅ ង៉ូវ ប៉ុន្តែដោយសារយប់ងងឹតពេក និងមានធ្លាក់ភ្លៀងតិចៗក៏បានផ្អាកការពិនិត្យទៅ។ ហើយការពិនិត្យ លើកទី២នៅថ្ងៃទី១៤ ខែកញ្ញា ឆ្នាំ២០២២ វេលាម៉ោង១៣និង០០នាទីរសៀល ដោយមានការចូលរួមពិនិត្យសាកស.ពរបស់អង្គភាពការពារកុមារ(PCU) និងជំនាញការិយាល័យបច្ចេកទេស និងវិទ្យាសាស្ត្រ ខេត្តកណ្តាល ហើយក៏បានសន្និដ្ឋានថា សាកស.ពជនរងគ្រោះស្លា.ប់ដោយសារករណីឃា.តកម្ម និងឈានទៅកំណត់អត្តសញ្ញាណជនសង្ស័យឈ្មោះ មិន រត្តនា ហៅ ម៉ៅ រួចនាំយកមកសាកសួរនៅអធិការរដ្ឋាននគរបាលស្រុកពញាឮតែម្តង។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា៖ រូបខ្លួនពិតជាបានធ្វើសកម្មភាពយកខ្សែ ពណ៌ស (ខ្សែនីឡុងកន្ទុយកណ្តុរ) ជាខ្សែចំណងចងរនាំងបាំងខ្យល់ធ្វើពីបន្ទះឈើ ពណ៌ដីឥដ្ឋ ដាក់ជាប់នឹងសសររោងខាងត្បូង យកមកចងរុំរឹ.ត.កជនរងគ្រោះពិតមែន ដោយសារមូលហេតុរូបខ្លួនខឹងនឹងជនរងគ្រោះកាលពី២ខែមុន រឿងជនរងគ្រោះប្រើមិនបាន និងតមាត់ខ្លួន និងខឹងឈ្មោះសួន ជេម ឈ្មោះចាន់ វណ្ណី ដែលនិយាយប្រាប់ម្ចាស់ដីថា ៖ ខ្លួនអត់ធ្វើការងារយកមុខមាត់តែឯង។
បច្ចុប្បន្ន ជនសង្ស័យកំពុងឃាត់ខ្លួននៅអធិការរដ្ឋាននគរបាលស្រុកពញាឮ ដើម្បីកសាងសំណុំរឿងចាត់ការតាមនីតិវិធី។
ចែករំលែកព័តមាននេះ