ថ្ងៃអាទិត្យ ទី១១ ខែកញ្ញា ឆ្នាំ២០២២ គឺជាថ្ងៃកំណត់នៃការចាប់ផ្តើមរដូវកាលបុណ្យភ្ជុំបិណ្ឌ ដែលជាប្រពៃណីខ្មែរតាំងពីបុរាណកាលមក ដែលត្រូវបានប្រជាជនខ្មែរប្រារព្ធធ្វើឡើងយ៉ាងខ្ជាប់ខ្ជួនជារៀងរាល់ឆ្នាំ។ នៅថ្ងៃនេះ គឺជាថ្ងៃកាន់បិណ្ឌទី១ គេសង្កេតឃើញ
រាជធានីភ្នំពេញ ៖ ថ្ងៃអាទិត្យ ទី១១ ខែកញ្ញា ឆ្នាំ២០២២ គឺជាថ្ងៃកំណត់នៃការចាប់ផ្តើមរដូវកាលបុណ្យភ្ជុំបិណ្ឌ ដែលជាប្រពៃណីខ្មែរតាំងពីបុរាណកាលមក ដែលត្រូវបានប្រជាជនខ្មែរប្រារព្ធធ្វើឡើងយ៉ាងខ្ជាប់ខ្ជួនជារៀងរាល់ឆ្នាំ។ នៅថ្ងៃនេះ គឺជាថ្ងៃកាន់បិណ្ឌទី១ គេសង្កេតឃើញអ្នកសិល្បៈ ក៏ដូចជាប្រជាពលរដ្ឋទូទៅ បាននាំគ្នាធ្វើចង្ហាន់ទៅតាមវត្តអារាមនានាយ៉ាងច្រើនកុះករ។
ទន្ទឹងនឹងការបង្ហាញសកម្មភាពជួបជុំបងប្អូនទៅវត្តនោះ គេសង្កេតឃើញមានតារាស្រីមួយចំនួនក៏បានបង្ហាញរូបភាពគ្រង់ឈុតហូលផាភួង និងអាវប៉ាក់យ៉ាងស្រស់ស្អាតគួរអោយគយគន់ចំនឹងរដូវភ្ជុំបិណ្ឌចូលមកដល់នាពេលនេះ។
តារាស្រីក្មេងជាបន្តបន្ទាប់ត្រូវបានគេឃើញរំលេចរូបភាពគ្រងឈុតប្រពៃណីខ្មែរ ជាមួយនឹងដៃកាន់ចានស្រាក់ និងផ្កាឈូក ដើម្បីទៅប្រគេនព្រះសង្ឃ និងថ្វាយព្រះ។ រូបភាពទាំងអស់នោះ បានទទួលការលើកសរសើរយ៉ាងខ្លាំងពីសំណាក់មហាជន ជាពិសេសអ្នកគាំទ្រចំពោះរូបសម្រស់ដ៏ស្រស់ផូរផង់សាកសមជានារីខ្មែរនារដូវខែបុណ្យភ្ជុំបិណ្ឌ។
យ៉ាងណា ក៏បញ្ចេញរូបភាពទាំងនេះតាមបណ្តាញសង្គមពីអ្នកសិល្បៈ ក៏ត្រូវបានគេចាត់ទុកជាការបំផុសដ៏យុវតីខ្មែរគ្រប់រូបអោយប្រកាន់ភ្ជាប់ និងកុំភ្លេចនូវសម្លៀកបំពាក់ប្រពៃណីខ្មែរ នៅពេលទៅកាន់ទីវត្តអារាម ជាពិសេសរដូវកាលបុណ្យភ្ជុំបិណ្ឌចូលមកដល់នេះ។
ក្រៅពីការបង្ហាញនូវឈុតសម្លៀកបំពាក់ប្រពៃណីខ្មែរនេះ ក៏មានតារាជាច្រើនទៀតក៏បានបង្ហាញសកម្មភាពជួបជុំសាច់ញាតិ យកចង្ហាន់ទៅប្រគេនព្រះសង្ឃតាមទីវត្តអារាមផ្សេង ជាមួយនឹងការប្រតិបត្តិយ៉ាងសមសួនទៅតាមគន្លោងប្រពៃណី និងសាសនាផងដែរ។
ជាការកត់សម្គាល់ថ្ងៃទី១១ ខែកញ្ញា ត្រូវនឹងថ្ងៃ១រោច ខែភទ្របទ គឺជាថ្ងៃកាន់បិណ្ឌ១ នៃពិធីបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិរបស់ខ្មែរយើង ដែលមានតាំងពីបុរាណកាលមក។ នេះជាពេលវេលាមួយ ដែលបងប្អូនប្រជាពលរដ្ឋពុទ្ធបរិស័ទ មានឱកាសក្នុងការធ្វើបុណ្យទាន សន្សំកុសល និងជួបជុំសាច់ញាតិបងប្អូន នៅតាមទីកន្លែងជិតឆ្ងាយ ជាពិសេសតាមទីវត្តអារាមនានា។ ពិធីបុណ្យកាន់បិណ្ឌឆ្នាំ២០២២នេះ គឺប្រព្រឹត្តទៅចាប់ពីថ្ងៃ១រោច ដល់ថ្ងៃ ១៤រោច ខែភទ្របទ គឺចាប់ពីថ្ងៃទី១១ ដល់ថ្ងៃទី២៤ ខែកញ្ញា ឆ្នាំ២០២២៕
ចែករំលែកព័តមាននេះ