រាជធានីភ្នំពេញ ៖ កាលពីព្រឹកថ្ងៃទី៩ កុម្ភៈ ២០១៧ ផលិតកម្មមហាហង្សបានធ្វើពិធីក្រុងពលីថតភាពយន្តរឿង «ក្រមុំចាស់ប៉ះក្មេងស្ទាវ» ដែលតំណែងតួឯកធ្លាក់ទៅលើ តារាសម្ដែងនាងសុខ សោម៉ាវត្តី និងលោកខេ(K) ដែល
រាជធានីភ្នំពេញ ៖ កាលពីព្រឹកថ្ងៃទី៩ កុម្ភៈ ២០១៧ ផលិតកម្មមហាហង្សបានធ្វើពិធីក្រុងពលីថតភាពយន្តរឿង «ក្រមុំចាស់ប៉ះក្មេងស្ទាវ» ដែលតំណែងតួឯកធ្លាក់ទៅលើ តារាសម្ដែងនាងសុខ សោម៉ាវត្តី និងលោកខេ(K) ដែលទើបមានឈ្មោះល្បីក្នុងរឿង «កំណត់ហេតុនាងនាថ» ។ កម្មវិធីនេះធ្វើឡើងនៅភូមិគ្រឹះអគ្គនាយកផលិតកម្មមហាហង្សផ្ទាល់ ក្រោមវត្តមានផលិតករ និងសិល្បករជាច្រើនរូបចូលរួម ។
«ក្រមុំចាស់ប៉ះក្មេងស្ទាវ» និពន្ធដោយលោកអុិន សុភិន និងដឹកនាំសម្តែងដោយលោកជុំ វិចិត្រ ។ ចំពោះលោកខេ ទើបនឹងទទួលបានតំណែងតួឯកលើកដំបូង និងជាភាពយន្តទី១ដែលលោកចូលរួមសម្តែងឲ្យផលិតកម្មមហាហង្ស ។ លោកខេបញ្ជាក់ថាជំនួបលើកដំបូងរវាងលោក និងតារាស្រីល្បីឈ្មោះសុខ សោម៉ាវតី្ត គឺមិនមានអ្វីដែលគួរឲ្យព្រួយបារម្ភទេព្រោះតែកន្លងមកធ្លាប់ជួបគ្នាជាច្រើនលើកច្រើនសា ។ ក្នុងខ្សែរឿងថ្មីនេះលោកខេសម្តែងជាតួអង្គភ្នាក់ងារដឹកទំនិញមានអត្តចរិតច្រឡឺម ឡិឡក់ លេងសើចច្រើនហើយជួបជាមួយតួឯកស្រីដែលសម្តែងដោយសុខ សោម៉ាវតី ។
កញ្ញាម៉ៅ ច័ន្ទរស្មី ជំនួយការផ្នែកផលិតនៃផលិតកម្មមហាងហង្សបញ្ជាក់ថា ខ្សែរឿង «ក្រមុំចាស់ប៉ះក្មេងស្ទាវ» ដែលជាប្រភេទរឿងកំប្លែងនេះត្រូវចំណាយមិនលើសពី៥ម៉ឺនដុល្លារទេ។ ខ្សែភាពយន្តនេះជាខ្សែភាពយន្តខ្នាតធំថ្មីរបស់ផលិតកម្មគ្រោងដាក់បញ្ចាំងនៅពេលខាងមុខនេះ ដោយសម្រិតសម្រាំង មិនឱ្យចាញ់ភាពយន្តរឿង «អ្នកនាងម្ចាស់ឡឺកឺ» ដែលរកចំណូលបានខ្ពស់ជាងគេកាលពីឆ្នាំ២០១៦ទេ ។ ក្រៅពីតួឯកប្រុសស្រីលោកខេ និងសុខ សោម៉ាវតី្ត មានការចូលរួមសម្តែងពីតារាស្រីប្រុសល្បីឈ្មោះជាច្រើនដូចជាកញ្ញាណាតាហ្សា, លោកឌី យ៉ាម៉ង់, កញ្ញាយ៉ែម ស្រីពេជ្រ, កញ្ញាម៉ៅ គឹមធីតា, លោកថមមី និងលោកលឹម រដ្ឋាជាដើម ៕
ចែករំលែកព័តមាននេះ