ខេត្តបន្ទាយមានជ័យ ៖ កាលពីវេលាមោង៣រសៀល ថ្ងៃទី១២ កុម្ភៈ ២០១៧នេះ កម្លាំងសមត្ថកិច្ចនគរបាលខេត្តបន្ទាយមានជ័យ បានធ្វើការចុះពិនិត្យសាកសពបុរសម្នាក់ពុំស្គាល់អត្តសញ្ញាណ ស្លាប់នៅចំណុចស្ពានលេខ៤ ខាងកើតបង្គោលអង់តែនទូរស័ព្ទចម្ងាយ៧០ម៉ែត្រ ខាងឆ្វេងដៃ ចុះតាមផ្លូវលំប្រហែល២០០ម៉ែត្រនៅក្នុងព្រៃអូរសួង។
សាកសពមានសភាពរលួយ មិនមានបន្សល់ស្លាកស្នាមអ្វីទេ តែសពមានស្លៀកខោក្នុងពណ៌ក្រហម និងខោខាងក្រៅពណ៌ត្រួយចេក ពុំមានពាក់អាវ។ សពអាចស្លាប់ក្នុងរយៈពេលប្រហែល១៥ថ្ងៃហើយ សមត្ថកិច្ចមិនទាន់សន្និដ្ឋានបានថា ជាករណីឃាតកម្ម ឬយ៉ាងណានៅឡើយទេ ហើយកំពុងស្វែករកសាច់ញាតិ៕
ចែករំលែកព័តមាននេះ