បញ្ជូនខ្លួនជនសង្ស័យម្នាក់ទៅសាលាដំបូងខេត្ត ពីបទឆបោក…!
ខេត្តបន្ទាយមានជ័យ ៖ កម្លាំងនគរបាលព្រហ្មទណ្ឌកម្រិតស្រាល បានរៀបចំសំណុំរឿងបញ្ជូនជនសង្ស័យម្នាក់ទៅសាលាដំបូងខេត្តបន្ទាយមានជ័យ
ខេត្តបន្ទាយមានជ័យ ៖ កម្លាំងនគរបាលព្រហ្មទណ្ឌកម្រិតស្រាល បានរៀបចំសំណុំរឿងបញ្ជូនជនសង្ស័យម្នាក់ទៅសាលាដំបូងខេត្តបន្ទាយមានជ័យ
ខេត្តបន្ទាយមានជ័យ ៖ កម្លាំងនគរបាលព្រហ្មទណ្ឌកម្រិតស្រាល បានរៀបចំសំណុំរឿងបញ្ជូនជនសង្ស័យម្នាក់ទៅសាលាដំបូងខេត្តបន្ទាយមានជ័យ នៅថ្ងៃនេះជាប់ចោទពីបទរំលោភលើសេចក្តីទុកចិត្ត។ លោកវរសេនីយ៍ទោ ខែម សោភ័ណ នាយការិយាល័យនគរបាលព្រហ្មទណ្ឌកម្រិតស្រាលបានឲ្យដឹងថា ជនសង្ស័យឈ្មោះ សុខ ស៊ីណាន ភេទប្រុស អាយុ៣៥ឆ្នាំ នៅភូមិចំការសំរោង ឃុំចំការសំរោង ស្រុកបាត់ដំបង ខេត្តបាត់ដំបង។
ជននេះកាលពីវេលាម៉ោង៣រសៀលថ្ងៃទី០៩ ខែកុម្ភៈ ឆ្នាំ២០១៧ ត្រូវបានកម្លាំងនគរបាលក្រុងប៉ោយប៉ែត បានដើរល្បាតជួបប្រទះឃើញកំពុងអំពាវនាវលក់ម៉ូតូ១គ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ស៊េរី២០១៦ ក្នុងតម្លៃ៩០០ដុល្លារ ដោយគ្មានឯកសារអ្វីទាំងអស់ ទើបមានការសង្ស័យក៏ឃាត់ខ្លួនមកសាកសួរនៅប៉ុស្តិ៍រដ្ឋបាលសង្កាត់ប៉ោយប៉ែត។ លោកនាយការិយាល័យ បានបញ្ជាក់ថា បើតាមការបំភ្លឺរបស់ឈ្មោះ ណន វណ្ឌី ភេទប្រុស អាយុ៤៥ឆ្នាំ បាននិយាយថា នៅវេលាម៉ោង៨យប់ថ្ងៃទី០៨ ខែកុម្ភៈ ឆ្នាំ២០១៧ ឈ្មោះ សុខ ស៊ីណាន បានខ្ចីម៉ូតូម៉ាកហុងដាឌ្រីម ធុនសេ១២៥ ពណ៌ខ្មៅ ស៊េរី២០១៦ ពាក់ស្លាកលេខ បាត់ដំបង 1W-2261 ពីក្មួយប្រុសរបស់ខ្លួនឈ្មោះ ទូច សួស្តី អាយុ២៦ឆ្នាំ ទៅហូបបាយក៏បាត់ដំណឹងឈឹង។
លុះថ្ងៃទី០៩ ខែកុម្ភៈ ស្រាប់តែទទួលព័ត៌មានថា មាននគរបាលក្រុងប៉ោយប៉ែត ចាប់អ្នកដើរលក់ម៉ូតូគ្មានឯកសារ ពេលមកដល់ទើបស្គាល់ឈ្មោះ សុខ ស៊ីណាន។ ចំណែកឈ្មោះ ទូច សួស្តី ក៏បានបំភ្លឺថា នៅយប់ថ្ងៃកើតហេតុ ឈ្មោះស៊ីណាន បានខ្ចីម៉ូតូ ខ្លួនទៅហូបបាយមួយភ្លែតស្រាប់តែ១ម៉ោងក្រោយមកទូរស័ព្ទទៅមិនចូលក៏ទៅដល់ផ្ទះម្តាយរបស់គាត់និយាយវារត់គេចខ្លួនបាត់ហើយ។ លុះថ្ងៃទី១០ ខែកុម្ភៈ ឆ្នាំ២០១៧ នគរបាលក្រុងប៉ោយប៉ែតបានប្រាប់ថា ឈ្មោះសុខ ស៊ីណាន យកម៉ូតូរបស់គេទៅលក់។
នៅចំពោះមុខសមត្ថកិច្ចជនសង្ស័យ បានសារភាពថា ខ្លួនពិតជាបានខ្ចីម៉ូតូរបស់ឈ្មោះ ទូច សួស្តី ទៅលក់នៅប៉ោយប៉ែត ក្នុងតម្លៃ៩០០ដុល្លារប្រាកដមែន តែគ្មានអ្នកណាគេហ៊ានទិញព្រោះគ្មានឯកសារ ដោយសមត្ថកិច្ចនគរបាលមានការសង្ស័យឃាត់ចាប់តែម្តង។ លោកនាយការិយាក៏បានបញ្ជាក់បន្ថែមទៀតថាដោយផ្អែកលើការបំភ្លឺរបស់ជនរងគ្រោះជាម្ចាស់ម៉ូតូ និងចម្លើយសារភាពរបស់ជនសង្ស័យ កម្លាំងនគរបាលជំនាញបានរៀបចំសំណុំរឿងបញ្ជូនទៅសាលាដំបូងខេត្តរួចហើយដែរ។ ចំណែកម៉ូតូមានប្រគល់ជូនឪពុកមា ជនរងគ្រោះជាម្ចាស់ម៉ូតូវិញដែរ៕
ចែករំលែកព័តមាននេះ