សំណុំរឿងបា.ញ់ប្រហារបណ្ឌិត កែម ឡី សាលាដំបូងប្រកាសកាត់ទោស ជួប សម្លា.ប់ ថ្ងៃ១មីនា
រាជធានីភ្នំពេញ ៖ សាលាដំបូងរាជធានីភ្នំពេញ បានប្រកាសនិងជូនដំណឹងជាសាធារណៈអំពីពេលវេលានៃការបើកសវនាការលើសំណុំរឿងឃាតក.ម្មបា.ញ់សម្លា.ប់លោក
រាជធានីភ្នំពេញ ៖ សាលាដំបូងរាជធានីភ្នំពេញ បានប្រកាសនិងជូនដំណឹងជាសាធារណៈអំពីពេលវេលានៃការបើកសវនាការលើសំណុំរឿងឃាតកម្មបាញ់សម្លាប់លោកបណ្ឌិត កែម ឡី ដែលនឹងត្រូវធ្វើឡើងនៅព្រឹកថ្ងៃទី១ ខែមីនា ខាងមុខ ។ សវនាការនេះ នឹងដឹកនាំដោយលោក លាង សំណាត់ ជាប្រធានក្រុមប្រឹក្សាជំនុំជម្រះ និងលោក លី សុផាណា ព្រះរាជអាជ្ញារងអមសាលាដំបូង ជាតំណាងអយ្យការ ។ ជនសង្ស័យឈ្មោះ អឿត អាង ហៅ ជួប សម្លាប់ អាយុ៣៨ឆ្នាំ មានស្រុកកំណើតនៅស្រុកស្វាយចេក ខេត្តបន្ទាយមានជ័យ ហើយបានទៅរស់នៅធ្វើជាកម្មករចម្ការដំណាំនៅខេត្តស្រះកែវ ប្រទេសថៃ ។
ខ្មាន់កាំភ្លើងឈ្មោះ ជួប សម្លាប់ បានសារភាពថា ខ្លួនជាអ្នកបាញ់សម្លាប់លោកបណ្ឌិត កែម ឡី ដោយសាររឿងជំពាក់លុយ៣.០០០ដុល្លារអាមេរិក ។ ប៉ុន្តែការអះអាងខាងលើ ត្រូវបានសាធារណមតិជាតិចំអក បន្ទាប់ពីដឹងអត្ដសញ្ញាណពិតរបស់ជននេះ ។
ជនសង្ស័យត្រូវបានតំណាងអយ្យការចោទប្រកាន់ពីបទឃាតកម្មគិតទុកជាមុន និងបទកាន់កាប់ឬដឹកជញ្ជូនអាវុធគ្មានការអនុញ្ញាត យោងតាមមាត្រា២០០និង៤៩០នៃក្រមព្រហ្មទណ្ឌដែលបទល្មើសនេះប្រឈមនឹងការផ្តន្ទាទោសដាក់ពន្ធនាគារអស់មួយជីវិត ។
ករណីឃាតកម្មលើអ្នកវិភាគឯករាជ្យ លោកបណ្ឌិត កែម ឡី ដោយការបាញ់ប្រហារកាលពីព្រឹកថ្ងៃទី១០ ខែកក្កដា ឆ្នាំ២០១៦ ជាហេតុការណ៍ធំជាងគេមួយនៅពាក់កណ្ដាលឆ្នាំមុន ។ ការបាញ់ប្រហារនេះ បានកើតឡើងនៅហាងកាហ្វេរបស់ស្ថានីយប្រេងឥន្ធនៈកាល់តិច (Caltex) បូកគោ ក្នុងរាជធានីភ្នំពេញ ។
ក្រោយការបាញ់ប្រហារតែប៉ុន្មាននាទី ជនសង្ស័យម្នាក់ត្រូវបាននគរបាលចាប់ខ្លួននៅជិតវត្តស្វាយពពែ ក្នុងសង្កាត់ទន្លេបាសាក់ ខណ្ឌចំការមន ។ ក្រោយពេលចាប់បាន ជនសង្ស័យរូបនេះប្រាប់សមត្ថកិច្ចថាខ្លួនឈ្មោះ ជួប សម្លាប់ ប៉ុន្តែទាំងសមត្ថកិច្ច និងសាធារណជនមិនជឿថា ជួប សម្លាប់ គឺជាឈ្មោះពិតរបស់ជនសង្ស័យជាឃាតករនេះទេ អាចជារហស្សនាម ។
ទោះជាយ៉ាងនេះក្ដី អត្ដសញ្ញាណរបស់ឃាតកររូបនេះ ត្រូវបានវែកមុខដោយបណ្ដាញសង្គមបង្ហាញថា ជាពលរដ្ឋរស់នៅក្នុងស្រុកអង្គរជុំ ខេត្ដសៀមរាប ដែលមានឈ្មោះពិតប្រាកដគឺ អឿត អាង មិនមែនឈ្មោះ ជួប សម្លាប់ ទេ ៕
ចែករំលែកព័តមាននេះ