ខេត្តក្រចេះ ៖ ទីតាំងបញ្ជល់មាន់មួយកន្លែង លួចលេងភ្នាល់ស៊ីសងធំនៅក្នុងព្រៃ ស្ថិតក្នុងភូមិសាស្ត្រស្រុកសំបូរ ជាប់ព្រំប្រទល់ខេត្តស្ទឹងត្រែង ត្រូវបាននគរបាលព្រហ្មទណ្ឌខេត្ត ស្រាវជ្រាវរហូតចុះបង្ក្រាបបាន ។
ខេត្តក្រចេះ ៖ ទីតាំងបញ្ជល់មាន់មួយកន្លែង លួចលេងភ្នាល់ស៊ីសងធំនៅក្នុងព្រៃ ស្ថិតក្នុងភូមិសាស្ត្រស្រុកសំបូរ ជាប់ព្រំប្រទល់ខេត្តស្ទឹងត្រែង ត្រូវបាននគរបាលព្រហ្មទណ្ឌខេត្ត ស្រាវជ្រាវរហូតចុះបង្ក្រាបបាន ។
ការចុះឆ្មក់ចាប់ទីតាំងសង្វៀនបញ្ជល់មាន់ដ៏ធំមួយនេះ គឺធ្វើឡើងកាលពីរសៀលថ្ងៃទី៦ កុម្ភៈ ដោយឃាត់ខ្លួនមនុស្ស៤នាក់ រួមទាំងសម្ភារសម្រាប់លេងភ្នាល់ជាច្រើនទៀត ។
បើតាមលោកនាយការិយាល័យព្រហ្មទណ្ឌកំរិតស្រាល លោកវរសេនីយ៍ឯក គុណ សោភណ្ឌ បានឱ្យដឹងថា មនុស្ស៤នាក់សុទ្ធសឹងជាអ្នកញៀនល្បែងជល់មាន់ និងល្បែងអាប៉ោង ព្រមទាំងរឹបអូសសម្ភារបទល្មើសជាច្រើន រួមមានមាន់ជល់ មេអាប៉ោង ព្រមទាំងម៉ូតូ១៦គ្រឿង និងរថយន្ត១គ្រឿង គឺត្រូវបាននគរបាលនាំមកកាន់ស្នងការដ្ឋាន ដើម្បីបន្តចំណាត់ការ។
មានការកត់សម្គាល់ថា ក្នុងអំឡុងរយះពេលប៉ុន្មានខែចុងក្រោយនេះ ស្ថានការណ៍លួចលេងភ្នាល់ល្បែងស៊ីសងនៅខេត្តក្រចេះ គឺមានសភាពថមថយខ្លាំង ។ បន្ទាប់ពីកម្លាំងបានប្រើប្រាស់វិធានការក្តៅក្នុងការស្រាវជ្រាវស៊ើបអង្កេតចាប់បង្ក្រាបជាបន្ត ។
ចែករំលែកព័តមាននេះ