ព្រឹកស្អែក សម្តេចតេជោ ហ៊ុន សែន ជួបទ្វេភាគីជាមួយប្រធានាធិបតីភូមា
រាជធានីភ្នំពេញ ៖ បើគ្មានការប្រែប្រួលទេ នៅវិមានសន្តិភាព វេលាម៉ោង៩ព្រឹកថ្ងៃទី០៤ កុម្ភៈ សម្តេចអគ្គមហាសេនាបតីតេជោ ហ៊ុន សែន នឹងជួបពិភាក្សាការងារទ្វេភាគី
រាជធានីភ្នំពេញ ៖ បើគ្មានការប្រែប្រួលទេ នៅវិមានសន្តិភាព វេលាម៉ោង៩ព្រឹកថ្ងៃទី០៤ កុម្ភៈ សម្តេចអគ្គមហាសេនាបតីតេជោ ហ៊ុន សែន នឹងជួបពិភាក្សាការងារទ្វេភាគីជាមួយប្រធានាធិបតីនៃសាធារណរដ្ឋសហភាពមីយ៉ាន់ម៉ា (ភូមា) លោក ធិន ច ( U Htin Kyaw )។
គួរបញ្ជាក់ថា លោកប្រធានាធិបតីភូមា និងភរិយា ព្រមទាំងគណៈប្រតិភូជាន់ខ្ពស់អមដំណើរ បានអញ្ជើញមកដល់ព្រលានយន្តហោះអន្តរជាតិភ្នំពេញ នៅវេលាម៉ោង១១និង១៥នាទីថ្ងៃត្រង់ថ្ងៃទី០៣ កុម្ភៈនេះ ដើម្បីបំពេញទស្សនកិច្ចផ្លូវរដ្ឋនៅកម្ពុជារយៈពេល០៤ថ្ងៃ តាមការអញ្ជើញរបស់ព្រះករុណា ព្រះបាទ សម្តេចព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា ។
បន្ទាប់ពីបានអញ្ជើញមកដល់កម្ពុជា នៅរសៀលថ្ងៃសុក្រដដែលនេះ លោកប្រធានាធិបតីនិងភរិយា ព្រមទាំងគណៈប្រតិភូជាន់ខ្ពស់អំដំណើរបានត្រូវព្រះមហាក្សត្រទទួលគារវកិច្ចជាផ្លូវរដ្ឋ និងធ្វើព្រះរាជសវនាការនៅក្នុងព្រះបរមរាជវាំង ។
បើយោងតាមសេចក្តីជូនព័ត៌មានផ្លូវការរបស់ក្រសួងការបរទេសខ្មែរ បានឲ្យដឹងថា មុនបិទបញ្ចប់ដំណើរទស្សនកិច្ចផ្លូវរដ្ឋ លោកប្រធានាធិបតីភូមា ធិន ច នឹងអញ្ជើញទៅទស្សនាប្រាសាទអង្គរក្នុងខេត្តសៀមរាបផងដែរ ៕
ចែករំលែកព័តមាននេះ