ទស្សនិកជនកំពុងមានការព្រួយបារម្ភចំពោះសុខភាពរបស់តារាកំប្លែងលេចធ្លោត្រកូលខាត់ គឺលោកខាត់ ចំរើន ពេលលោកកំពុងនៅសង្គ្រោះបន្ទាន់នាមន្ទីរពេទ្យ។ បងប្អូនត្រកូលខាត់ រួមទាំងរៀមច្បងខាត់ សុឃីម ផងនោះ កំពុងតែ
រាជធានីភ្នំពេញ ៖ ទស្សនិកជនកំពុងមានការព្រួយបារម្ភចំពោះសុខភាពរបស់តារាកំប្លែងលេចធ្លោត្រកូលខាត់ គឺលោកខាត់ ចំរើន ពេលលោកកំពុងនៅសង្គ្រោះបន្ទាន់នាមន្ទីរពេទ្យ។ បងប្អូនត្រកូលខាត់ រួមទាំងរៀមច្បងខាត់ សុឃីម ផងនោះ កំពុងតែតាមដានសុខភាព បើទោះជាអ្នកនាង ជាប់មានភារៈសម្តែងនៅអាមេរិកជិត១ខែមកហើយក៏ដោយ។ ក្នុងពេលប្អូនប្រុសបណ្តូលចិត្តឈឺធ្ងន់ និងកំពុងដង្ហើយសង្គ្រោះអ្នកនាង ខាត់ សុឃីម បានបង្ហាញអារម្មណ៍ចម្បែងចិត្ត និងខ្លោចផ្សា ចំពោះអ្នកបានខមមិនមើលលើប្អូនពាក់ព័ន្ធសុំជំនួយ។
តារាកំប្លែងនាយ ខាត់ ចំរើន កំពុងត្រូវបានសង្គ្រោះបន្ទាន់នៅមន្ទីរពេទ្យកាល់ម៉ែត ហើយត្រូវការឈា.មជាបន្ទាន់ បន្ទាប់ពីរកឃើញថា លោកមានជំងឺក្រិនថ្លើមនោះ មិនបានប៉ុន្មានផង ស្រាប់តែពេលនេះតារាកំប្លែងដែលជាប្អូនប្រុសតារាពហុជំនាញ អ្នកនាង ខាត់ សុ ឃីម បានរកឃើញជំងឺធ្ងន់ធ្ងរមួយប្រភេទទៀត គឺខូចក្រលៀន ។
លោក ខាត់ ចំរើន តារាកំប្លែង និងជាអ្នកច្រៀងតាមពិធីការ និងពិធីកាត់សក់ បានទម្លាយឱ្យដឹងថា រូបលោកកំពុងតែមានជំងឺ «រលាកថ្លើម» ដែលទាមទារអោយលោកត្រូវការព្យាបាលជាចាំបាច់។ ជាបន្តបន្ទាប់តារារូបនេះ តែងតែបង្ហោះសារតាមគណនេយ្យហ្វេសប៊ុករបស់លោកស្តែងពីអារម្មណ៍ពិបាកចិត្ត និងគិតដល់គ្រួសារ ចាប់តាំងពីពេលដែលលោកពិនិត្យឃើញមានជំងឺមួយនេះ។ លោក ខាត់ ចំរើន ដែលជាប្អូនប្រុសបង្កើតរបស់តារាស្រីពហុជំនាញអ្នកនាង ខាត់ សុឃីម បានបង្ហោះសារបង្ហាញការអាណិតអាសូរដល់កូនៗថា ខ្លួនលោកកំពុងមានជំងឺរុំព័ទ្ធខ្លួន ខណៈកូនៗនៅក្មេងៗមិនទាន់ធំដឹងក្តី។
ហើយងាកមកមើលអ្នកនាង ខាត់ សុឃីមវិញ ក៏បានបង្ហាញទស្សនៈរបស់ខ្លួនចំពោះអ្នកថាឱ្យប្អូននាងថា «ជំរាបសួរបង ប្អូនខ្ញុំ គ្នាមិនបានស្រែករកជំនួយអីទេ (ក្នុងនាមពួកខ្ញុំ ជាបងប្អូន ពួកយើងមានជីវភាពសមរម្យ អាចជួយគ្នាបាន ) តែបើបងប្អូនខាងក្រៅគាត់មានចិត្តស្រលាញ់អាណិត ប្អូនខ្ញុំ (ខាត់ ចំរើន) ចង់ជួយគាត់ក៏ជួយចុះ ពួកខ្ញុំសូមអរគុណគាត់ច្រើន ហើយបងដឹងថា ពួកខ្ញុំ រាល់ថ្ងៃ ដោយសារតែមិនចង់អោយគេនិយាយថា ឈឺសុំជំនួយនេះហើយទើបខំរកស៊ី ធ្វើការទាំងយប់ថ្ងៃ គ្រប់ពេលទាំងអស់ មិនដែលទំនេរទេបង ដើម្បីឈឺមានលុយមើលខ្លួន សូមបងមុននឹងខមមិន សូមបងពិនិត្យមើលផង ខ្ញុំដឹងថាបងៗខ្លះមានគំនុំនឹងអ្នកសិល្បៈខ្មែរ តែគ្រួសារខ្ញុំ ក៏ជាខ្មែរដូចបងដែរ (ខ្ញុំរៀនបានតិច ហើយមិនមែនអ្នកចេះដឹងដូចបងទេ តែខ្ញុំក៏មិនយកពេលទៅអង្គុយចាំខមមិន ឬថាអោយអ្នកមួយអោយឈឺចាប់ដែរ»។
ក្នុងនាមអ្នកនាងជាបង រួមទាំងបងប្អូនទាំងអស់ តែងតែផ្តល់កម្លាំងចិត្តទៅដល់លោក ខាត់ ចំរើន កុំអោយអស់សង្ឃឹម ខណៈពេលបញ្ហាថ្លៃព្យាបាល គឺក្រុមគ្រួសារអ្នកនាងអាចនៅមាន លទ្ធភាពព្យាបាលជំងឺលោកបានដែរ ។
គួររំលឹកថា ៖ ស្លុតចិត្ត! តារាកំប្លែង ខាត់ ចំរើន កំពុងសង្គ្រោះបន្ទាន់ និងត្រូវការឈា.ម ក្រោយរកឃើញជំងឺមួយទៀត ៕
ចែករំលែកព័តមាននេះ