ជាដំណឹងមួយដ៏តក់ស្លុត ដោយនៅមុននេះបន្តិច តារាកំប្លែងនាយ ខាត់ ចំរើន កំពុងត្រូវបានសង្គ្រោះបន្ទាន់នៅមន្ទីរពេទ្យកាល់ម៉ែត ហើយត្រូវការឈា.មជាបន្ទាន់ បន្ទាប់ពីរកឃើញថា
រាជធានីភ្នំពេញ ៖ ជាដំណឹងមួយដ៏តក់ស្លុត ដោយនៅមុននេះបន្តិច តារាកំប្លែងនាយ ខាត់ ចំរើន កំពុងត្រូវបានសង្គ្រោះបន្ទាន់នៅមន្ទីរពេទ្យកាល់ម៉ែត ហើយត្រូវការឈា.មជាបន្ទាន់ បន្ទាប់ពីរកឃើញថា លោកមានជំងឺក្រិនថ្លើម មិនបានប៉ុន្មានផង ស្រាប់តែពេលនេះ តារាកំប្លែងដែលជាប្អូនប្រុសតារាពហុជំនាញស្រីអ្នកនាង ខាត់ សុឃីម បានរកឃើញជំងឺធ្ងន់ធ្ងរមួយប្រភេទទៀត គឺខូចក្រលៀន។
ថ្មីៗនេះ តារាកំប្លែងលោក ខាត់ ចំរើន បានបង្ហាញអារម្មណ៍ហាក់បាក់ទឹកចិត្តខ្លាំង ក្រោយពេលដែលលោកបានពើបប្រទះនូវជំងឺមួយដែលទាមទារនូវការព្យាបាលជាចាំបាច់ ហើយការព្យាបាលជំងឺនេះទៀតសោត គឺមិនមែនអស់ថវិកាតិចតួចនោះឡើយ។
លោក ខាត់ ចំរើន តារាកំប្លែង និងជាអ្នកច្រៀងតាមពិធីការ និងពិធីកាត់សក់ បានទម្លាយឱ្យដឹងថា រូបលោកកំពុងតែមានជំងឺ «រលាកថ្លើម» ដែលទាមទារអោយលោកត្រូវការព្យាបាលជាចាំបាច់។
យ៉ាងណាមិញ នៅមុននេះបន្តិច ថ្ងៃទី៣០ ខែសីហា ឆ្នាំ២០២២នេះ បើតាមប្រភពពីញាតិមិត្តបានប្រាប់ទៅសិល្បករកម្ពុជាអោយដឹងថា តារាកំប្លែងនាយ ខាត់ ចំរើន ដែលជាប្អូនប្រុសបង្កើតអ្នកនាង ខាត់ សុឃីម លេចចេញនៅជំងឺធ្ងន់ធ្ងរមួយប្រភេទទៀត គឺខូចក្រលៀន បន្ទាប់ពីជំងឺរលាកថ្លើម និងកំពុងសង្គ្រោះបន្ទាន់នៅមន្ទីរពេទ្យកាល់ម៉ែត ហើយត្រូវការឈា.មជាបន្ទាន់ ដើម្បីសង្គ្រោះលោកផងដែរ។
នេះបើតាមលោក អ៊ឹម ជីវ៉ា បានអោយដឹងថា «តារាកំប្លែងនាយ ខាត់ ចំរើន កំពុងសង្គ្រោះបន្ទាន់នៅមន្ទីពេទ្យកាល់ម៉ែត ហើយកំពុងត្រូវការឈា.ម។ បើតាមការបង្ហើបអោយដឹងពីញាតិមិត្តបានប្រាប់ថា តារាកំប្លែង ខាត់ ចំរើន មានជំងឺខូចក្រលៀន និងក្រិនថ្លើម។ សូមជំរាបជូនដល់សិល្បករអោយជ្រាបជាដំណឹង»។
សូមរំលឹកថា តារាកំប្លែងលោក ខាត់ ចំរើន តែងតែបង្ហោះសារតាមគណនេយ្យហ្វេសប៊ុករបស់លោកស្តែងពីអារម្មណ៍ពិបាកចិត្ត និងគិតគូរដល់គ្រួសារ ចាប់តាំងពីពេលដែលលោកពិនិត្យឃើញមានជំងឺរលាកថ្លើម។ លោក ខាត់ ចំរើន ដែលជាប្អូនប្រុសបង្កើតរបស់តារាស្រីពហុជំនាញ ខាត់ សុឃីម បានបង្ហោះសារបង្ហាញការអាណិតអាសូរដល់កូនៗថា ខ្លួនលោកកំពុងមានជំងឺរុំព័ទ្ធខ្លួន ខណៈកូនៗនៅក្មេងៗមិនទាន់ធំដឹងក្តី។ លោក ខាត់ ចំរើន តារាកំប្លែងសំបូរវោហារបន្តថា «បើកភ្នែកឡើងក្រឡង់ដល់តែបីនាក់ឯណោះ… តើឱ្យខ្ញុំរត់ទៅណា? ខ្ញុំអាណិតកូនៗខ្ញុំណាស់ គ្នានៅតូចៗពេក អត់ទាន់ដឹងអីក្រៅតែពីទារស៊ីហើយដេកទេ… គិតដល់រឿងនេះ គឺសេដ (ក្រៀមក្រំ)»។
ជាមួយនឹងការបង្ហោះសារខាងលើយ៉ាងកំសត់ លោកក៏បានបបង្ហោះរូបថតជាមួយតូចៗផងដែរ។ បន្ថែមពីលើនេះ តារាកំប្លែង លោក ខាត់ ចំរើន ក៏បានត្អូញត្អែរបន្តថា លទ្ធផលផឹកពេកនាំឱ្យលោកមានជំងឺ។ លោកបានបង្ហោះសារដែលមានខ្លឹមសារថា «មិនទាន់បានការកូនអីមួយផង ឥឡូវជំងឺពេញខ្លួនទៅហើយ អាហ្នឹងគឺមកពីស៊ីរើស តែបើផឹកវិញមិនខ្ចីរើសប្រភេទស្រា ទីតាំងនិងពេលវេលាឡើយ»។
យ៉ាងណាតាមរយៈសារឆ្លើយឆ្លងចុងក្រោយបស់លោកជាមួយនឹងមិត្តភក្តិដែលសួរនាំនោះ លោក ខាត់ ចំរើន បានបញ្ជាក់ថា ស្ថានភាពរបស់លោកនាពេលនេះ គឺល្អប្រសើរបន្តិចហើយ។ និងមានមិត្តភ័ក្ត្របងប្អូន អ្នកគាំទ្ររបស់លោកបានផ្ញើសារលើកទឹកចិត្តតារាកំប្លែងឱ្យតស៊ូប្រយុទ្ធនឹងជំងឺនេះឱ្យបាន និងត្រូវមានកម្លាំងតស៊ូដើម្បីកូនៗ និងខ្លះទៀត ក៏បានជូនពរលោកឱ្យឆាប់ជាសះស្បើយពីជំងឺផងដែរ។
ដោយឡែកពាក់ព័ន្ធបញ្ហាខាងលើនេះ អ្នកនាង ខាត់ សុឃីម បានអះអាងប្រាប់កោះសន្តិភាពតាមសារអេឡិចត្រូនិចនៅថ្ងៃទី២៩ ខែសីហា ឆ្នាំ២០២២ ថា ក្នុងអំឡុងពេលនាងកំពុងមានវត្តមាននៅអាមេរិកនាពេលនេះ អ្នកនាងក៏នៅមិនទាន់ដឹងច្បាស់ពីស្ថានភាពជំងឺរបស់លោក ខាត់ ចំរើន នាពេលនេះនៅឡើយទេ។
អ្នកនាងបញ្ជាក់ថា កាលពីពេលនាងនៅស្រុកខ្មែរ នាងក៏មិនបានដឹងប្អូនប្រុស (ខាត់ ចំរើន) លឺមានជំងឺនេះឡើយ ប៉ុន្តែចុងក្រោយពេលទៅពិនិត្យក៏ឃើញថា លោកមានជំងឺរលាកថ្លើម បន្ទាប់ពីលោកហាក់មានអាការៈមិនស្រួលខ្លួនប៉ុន្មានថ្ងៃមកនេះ។ យ៉ាងណា បើតាមអ្នកនាង ខាត់ សុឃីម ថា ជំងឺរបស់លោក ខាត់ ចំរើន នាពេលនេះគឺស្ថិតក្នុងដំណាក់កាលដំបូងនៅឡើយទេ និងទើបតែឈឺប៉ុណ្ណោះ ខណៈលោកនៅអាចបន្តការព្យាបាលបាន។
អ្នកនាងថា ដោយសារលោក ខាត់ ចំរើន មិនធ្លាប់ឈឺ ហេតុនេះលោកក៏មានអារម្មណ៍បាក់ទឹកចិត្ត ហើយណាមួយឃើញអ្នកនាងបានមកលេងអាមេរិក ហើយលោកក៏មានចិត្តចង់មកដែរ តែមិនបានមកជាមួយគ្នា។ អ្នកនាង ខាត់ សុឃីម បានបន្តថា មួយវិញទៀត មួយរយៈនេះ ប្អូនប្រុសរបស់អ្នកនាង គឺលោក ខាត់ ចំរើន ក៏មិនមានការសម្តែងផ្សេងៗឡើយ ក្រៅតែអំពីការថតកម្មវិធីទ្រព្យលោកពុក ដែលជាកម្មវិធីដែលនាងរៀបចំថតទុកផ្សាយប៉ុណ្ណោះ។
ទោះជាយ៉ាងណា ក្នុងនាមអ្នកនាងជាបង រួមទាំងបងប្អូនទាំងអស់តែងតែផ្តល់កម្លាំងចិត្តទៅដល់លោក ខាត់ ចំរើន កុំអោយអស់សង្ឃឹម ខណៈពេលបញ្ហាថ្លៃព្យាបាល គឺក្រុមគ្រួសារអ្នកនាងអាចនៅមានលទ្ធភាពព្យាបាលជំងឺលោកបាន៕
ចែករំលែកព័តមាននេះ