ខេត្តឧត្តរមានជ័យ ៖ ប្រជាពលរដ្ឋមួយគ្រួសារធ្វើបន្ទប់ទឹក និងជីកអណ្តូងទឹកបានប្រទះរូបសំណាក៥ព្រះអង្គ កាលពីម៉ោង៥ល្ងាចថ្ងៃទី៧ ខែសីហា ឆ្នាំ២០២២ កន្លងទៅ ព្រមទាំងយករូបចំណាកទាំងនេះប្រគល់ជូនការិយាល័យជំនាញការពារបេតិកភ័ណ្ឌជាតិស្នងការដ្ឋាននគរបាលខេត្ត ។ សូមរំលឹកថា៖ ជីកដីធ្វើបន្ទប់ទឹក បែរជាជួបរឿងនឹកស្មានមិនដល់ បង្កភ្ញាក់ផ្អើលពេញភូមិ
នៅព្រឹកថ្ងៃទី២២ ខែសីហា ឆ្នាំ២០២២ ត្រូវបានប្រគល់ទៅឲ្យមន្ទីរវប្បធម៌ និងវិចិត្រសិល្បៈខេត្តឧត្តរមានជ័យទទួលយកថែរក្សាគ្រប់គ្រងវិញ ។ ទាក់ទិនព័តមាននេះលោកវរសេនីយ៍ឯក ព្រហ្ម សារឿន ការិយាល័យជំនាញការពារបេតិកភ័ណ្ឌ នៃស្នងការដ្ឋាននគបាលខេត្តឧត្តរមានជ័យឲ្យដឹងនៅព្រឹកថ្ងៃទី២៤ ខែសីហា ឆ្នាំ២០២២នេះថា រូបចំណាកទាំង៥ព្រះអង្គដែលប្រជាពលរដ្ឋរស់នៅក្នុងស្រុកចុងកាល់ជីកដីប្រទះឃើញយកមកប្រគល់ឲ្យសមត្ថកិច្ចជំនាញកាលពីថ្ងៃទី៧ ខែសីហា ឆ្នាំ២០២២នោះ ខាងការិយាល័យការពារបេតិកភ័ណ្ឌបានប្រគល់ទៅឲ្យខាងមន្ទីរវប្បធម៌ទទួលយកទៅរក្សាទុកហើយ ។
លោកហុង យឿនប្រធានមន្ទីរវប្បធម៌និងវិចិត្រសិល្បៈបានឲ្យដឹងរូបចំណាកទាំង៥ព្រះអង្គឈ្មោះ
(ត្រៃពុទ្ធសាសនា)យោងទៅលើជំនាញធ្វើការពិនិត្យរូបបដិមានេះធ្វើអំពីស្ពាន់ខាងការិយាល័យការពារបេតិកភ័ណ្ឌនៃស្នងការដ្ឋានខេត្តយកមកប្រគល់នោះ លោកបានទទួលហើយដើម្បីរក្សាទុកនៅក្នុងសារមន្ទីរខេត្តឧត្តរមានជ័យ ។
លោកប្រធានមន្ទីរលោកបានចាត់ឲ្យមន្ត្រីរបស់លោកនាំយកនូវ (ថវិកា) និងគ្រឿងឧបភោគ បរិភោគរបស់ឧត្តមសេនីយ៍ទោ ហួត សុធី ស្នងការខេត្តឧត្តរមានជ័យដែលបានជួយឧបត្ថម្ភបូករួមថវិការបស់មន្ទីរបន្ថែម និងមានទាំងអង្ករយកទៅជូនទៅដល់ប្រជាពលរដ្ឋរស់នៅស្រុកចុងកាល់ដែលជាម្ចាស់ផ្ទះដែលបានរកឃើញរូបសំណាកព្រះអង្គនៅក្នុងលំនៅឋាន និងបានផ្តល់ប័ណ្ណសរសើរ ដើម្បីជាការលើកទឹកចិត្តដល់រូបគាត់ផងដែរ ៕
ចែករំលែកព័តមាននេះ