សារព័ត៌មានបរទេសកាលពីពេល ថ្មីៗកន្លងមកផ្សាយថា គណៈកម្មាធិការសុខាភិបាល និងផែនការគ្រួសារជាតិរបស់ចិន (NHFPC) ឱ្យដឹងកាលពីថ្ងៃទី២៣ មករា ២០១៧ ថា តាំងពី រដ្ឋាភិបាលក្រុងប៉េកាំងអនុញ្ញាតឱ្យប្តី-ប្រពន្
សារព័ត៌មានបរទេសកាលពីពេល ថ្មីៗកន្លងមកផ្សាយថា គណៈកម្មាធិការសុខាភិបាល និងផែនការគ្រួសារជាតិរបស់ចិន (NHFPC) ឱ្យដឹងកាលពីថ្ងៃទី២៣ មករា ២០១៧ ថា តាំងពី រដ្ឋាភិបាលក្រុងប៉េកាំងអនុញ្ញាតឱ្យប្តី-ប្រពន្ធអាចមានកូន២នាក់នៅចុងឆ្នាំ២០១៥មក ចាត់ទុកថា ជាការបញ្ឈប់នយោបាយកូនតែមួយដែលបានប្រើប្រាស់អស់រយៈពេលយូរដល់ទៅ៤ទសវត្សកន្លងមក ។
ចំនួនពលរដ្ឋដែលចាប់កំណើតថ្មីក្នុងប្រទេសចិនមានប្រហែល១៧,៨៦លាននាក់នៅឆ្នាំ២០១៦ ដោយកើនលើសប្រហែល១,៣លាននាក់ ឬ៧,៩%ពីតួលេខក្នុងឆ្នាំ២០១៥ ខ្ពស់បំផុតតាំងពីឆ្នាំ១៩៩៣ មក ។ ចំណែកកុមារដែលកើតពីប្តីប្រពន្ធដែលឆ្លងកាត់ការមានកូនមួយបានកើនឡើងពី៣០%ក្នុងឆ្នាំ២០១៣ ឡើងដល់៤៥%ក្នុងឆ្នាំ២០១៦ អាចឆ្លុះបញ្ចាំងឱ្យឃើញថា ការលុបចោលបម្រាមរបស់រដ្ឋាភិបាលបានទទួលការឆ្លើយតបពីពលរដ្ឋយ៉ាងល្អ ។
ចំពោះក្តីបារម្ភពីការក្លាយជាប្រទេសមួយត្រូវប្រឈមមុខនឹងមនុស្ស «វ័យចំណាស់ច្រើន» អាជ្ញាធរចិនបានលុបចោលបទដ្ឋានកំណត់ឱ្យក្រុមគ្រួសារមានកូនតែមួយនៅខែធ្នូ ២០១៥ ចាត់ទុកថាជាកិច្ចព្យាយាមរបស់បក្សកុម្មុយនីស្តចិន ចង់បង្កើនប្រជាជនក្នុងវ័យធ្វើការងារឱ្យច្រើនឡើង ធ្វើជាធនធានក្នុងការអភិវឌ្ឍប្រទេសជាតិ ។
បច្ចប្បន្នចិនមានប្រជាជនច្រើនជាង១.៣៧០លាននាក់ ប៉ុន្តែជនវ័យចំណាស់បានកើនឡើងយ៉ាងឆាប់រហ័ស ផ្ទុយពីប្រជាជនដែលពេញវ័យ ។
តាមតួលេខបង្ហាញថា ប្រជាជនចិនមានប្រហែល១.៣៧០លាននាក់កាលពីឆ្នាំ២០១៥ ហើយរដ្ឋាភិបាលក្តីសង្ឃឹមថា នឹងកើនឡើងដល់ប្រហែល១.៤២០លាននាក់ក្នុងដំណាច់ទសវត្សនេះ ៕
ចែករំលែកព័តមាននេះ