រោគសញ្ញានៃជំងឺរលាកពោះវៀនដុះខ្នែង
ជំងឺរលាកពោះវៀនដុះខ្នែង កើតឡើងចំពោះមនុស្សគ្រប់វ័យទាំងអស់ ហើយមូលហេតុដែលបង្កនោះវាមានខុសប្លែកពីគ្នាទៅតាមមេរោគដែលបង្ក ។
ជំងឺរលាកពោះវៀនដុះខ្នែង ឬដែលខ្មែរយើងនិយមហៅថា
ជំងឺរលាកពោះវៀនដុះខ្នែង កើតឡើងចំពោះមនុស្សគ្រប់វ័យទាំងអស់ ហើយមូលហេតុដែលបង្កនោះវាមានខុសប្លែកពីគ្នាទៅតាមមេរោគដែលបង្ក ។
ជំងឺរលាកពោះវៀនដុះខ្នែង ឬដែលខ្មែរយើងនិយមហៅថា ពោះវៀនដុះខ្នែង មានន័យថា ជាការរលាកនៃខ្នែងពោះវៀន ។ បើតាមការអះអាងរបស់អ្នកជំនាញផ្នែកក្រពះនិងពោះវៀនថា ភាគច្រើនជំងឺរលាកខ្នែងពោះវៀន គឺបណ្ដាលមកពីការបរិភោគផ្លែឈើដែលមានគ្រាប់រឹង ដូចជាផ្លែត្របែក ផ្លែព្រីង ផ្លែអំពិល ផ្លែកន្ទួតជាដើម ។ ជាពិសេសការបរិភោគទាំងគ្រាប់ចូលទៅក្នុងក្រពះ ហើយក្រពះធ្វើការរំលាយមិនបានម៉ដ្ឋល្អ ធ្វើឱ្យចូលទៅដល់ពោះវៀនខ្នែង និងមានផលប៉ះពាល់ទៅដល់ខ្នែងពោះវៀន ដែលធ្វើឱ្យមានការរលាកបានយ៉ាងងាយស្រួល ។
មួយវិញទៀត ធ្វើឱ្យរលាកទ្វារខ្នែងពោះវៀន ហើយកាលណាសភាពទាំងនេះកាន់តែច្រើនដងទៅធ្វើឱ្យមានការរលាកពោះវៀនខ្នែង ដោយមិនដឹងខ្លួន ។ អ្នកជំងឺរលាកពោះវៀនខ្នែងមានរោគសញ្ញាច្រើនយ៉ាងដែលអាចស្ដែងចេញមកខាងក្រៅ និងអាចឱ្យអ្នកជំងឺដឹងបានតាមរយៈអាការផ្សេងៗដែលមានដូចខាងក្រោម ៖
-អ្នកជំងឺមានអាការក្ដៅខ្លួន
-ឈឺកន្លែងកណ្ដៀតក្អម
-ឈឺចុងដង្ហើម
-ចេះតែចង់ក្អួត
-កន្ដ្រាក់ត្រង់ពោះវៀនខ្នែង និងក្រហាយស្បែក
-ឈឺខ្លាំងនៅពេលដែលសង្កត់ត្រង់ពោះវៀនខ្នែងផ្នែកខាងស្ដាំនៃផ្ចិត ។
ចំពោះការព្យាបាលជំងឺនេះ គឺមានតែការវះកាត់មួយមុខគត់ដែលអាចជួយសង្គ្រោះអ្នកជំងឺឱ្យរួចផុតពីសេចក្ដីស្លាប់បាន ។ ការវះកាត់នោះមិនសូវជាប្រឈមមុខទៅនឹងគ្រោះថ្នាក់ប៉ុន្មានទេ ហើយឱកាសដែលទទួលបានជោគជ័យមានភាគរយច្រើន បើអ្នកជំងឺមកកាន់មន្ទីរពេទ្យឱ្យទាន់ពេលវេលា និងសភាពជំងឺអាចជួយសង្គ្រោះបាន ។
ជំងឺរលាកពោះវៀនខ្នែងនេះ បើកើតមានចំពោះអ្នកជំងឺហើយ មានតែធ្វើការវះកាត់មួយមុខគត់ ទើបអាចជួយសង្គ្រោះអាយុជីវិតអ្នកជំងឺបាន ។ ការវះកាត់អាស្រ័យទៅតាមទីកន្លែងដែលមានការរលាកពោះវៀនខ្នែង និងធ្វើរោគវិនិច្ឆ័យយ៉ាងច្បាស់លាស់ ទើបឈានទៅដល់ការវះកាត់បាន ៕
ចែករំលែកព័តមាននេះ