វិធានការ​ទប់ស្កាត់​ជំងឺ​សន្លាក់​សឹក​រេចរឹល


ជំងឺ​សន្លាក់​សឹក​រេចរឹល​ច្រើន​តែ​កើត​មាននៅ​លើ​មនុស្ស​ចាស់​ដែល​មាន​អាយុ​ចាប់ពី​៦០​ឆ្នាំ​ឡើង​ទៅ ប៉ុន្តែ​ជំងឺ​នេះ​ក៏​អាច​កើត​មាននៅ​លើ​មនុស្ស​វ័យក្មេង​ផង​ដែរ ប្រសិនបើ​ធ្លាប់​ជួប​គ្រោះថ្នាក់​ប៉ះពាល់​ដល់​សន្លាក់ ។

ជំងឺ​នេះ​បាន​ស្តែង​ឲ្យ​ដឹង​តាម​រយៈ​រោគ​សញ្ញា​មួយ​ចំនួន​ដូច​ជា ឈឺ​នៅ​ពេល​ធ្វើ​ចលនា​, ឈឺ​ខ្លាំង​មិន​អាច​ធ្វើ​ចលនា​បាន​, ពិបាក​ដើរ​, ពិបាក​ឈរ​, ឬ​ពិបាក​អង្គុយ ។ ជំងឺ​នេះ​មានកា​រវិ​វិ​ឌ្ឍ​សន្សឹម​ៗ តែ​ក៏​មាន​អ្នកខ្លះ​មិន​មាន​រោគ​សញ្ញា​ប្រាប់​ឲ្យ​ដឹង​ដែរ ទាល់តែ​ស្ថិត​ក្នុង​ដំណាក់កាល​ធ្ងន់ធ្ងរ ទើប​លេច​រោគ​សញ្ញា ។ ជំងឺ​នេះ​ច្រើន​តែ​កើត​មាននៅ​កន្លែង​ទ្រ​ទម្ងន់​ដូច​ជា ជង្គង់ ត្រគាក និង​ឆ្អឹងខ្នង ។ ជួនកាល​ក៏​អាច​កើត​មាននៅ​តាម​សន្លាក់​មេដៃ សន្លាក់​ម្រាមដៃ និង​ឆ្អឹង​កងក​ជាដើម ។ មូលហេតុ​ដែល​បណ្តាល​ឲ្យ​កើត​មាន​ជំងឺ​នេះ គឺ​បណ្តាល​មក​ពី​ភាព​ចាស់​ទៅ​តាម​អាយុកាល​ឆ្អឹងខ្ចី ដែល​អាច​បណ្តាល​ឲ្យ​មានការ​សឹក​រហែក ឬ​ខូចខាត​ឆ្អឹងខ្ចី​អស់​តែ​ម្តង ។ យ៉ា​ណា​មិ​ញ​ដើម្បី​ការពារ​ការ​កើត​មាន​ជំងឺ​នេះ លោក​អ្នក​គួរតែ​អនុវត្ត​តាម​វិធានការ​ដូច​តទៅៈ មិន​ត្រូវធ្វើ​ឲ្យ​ខ្លួន​ធាត់​ខ្លាំង ត្រូវ​តែ​ធ្វើការ​សម្រក់​ទម្ងន់​, បើសិនជា​លោក​អ្នកធ្វើការ​ងារ​ធ្ងន់​ៗ គួរតែ​ប្តូរ​មក​ធ្វើ​ការងារ​ស្រាល​ៗ​វិញ​, ការ​បន្ថយ​ការ​សេព​គ្រឿង​ស្រវឹង និង​បារី​, ជៀសវាង​ការ​ដាក់​ទម្ងន់​ទៅ​លើ​សន្លាក់​ខ្លាំង​ពេក​, ត្រូវធ្វើ​ការ​លំ​ហាត់ប្រាណ​ឲ្យ​បាន​ទៀងទាត់​ដូច​ជា ហែល​ទឹក ធាក់​កង​, ជៀសវាង​ការ​រង​របួស​ដែល​នាំ​ឲ្យ​ប៉ះទង្គិច​សន្លាក់​ជាដើម​។

បើសិនជា​លោក​អ្នក​មានការ​សង្ស័យ​ថា​កើត​មាន​ជំងឺ​នេះ ឬ​មាន​រោគ​សញ្ញា​ដូចដែល​បាន​រៀបរាប់​ខាងលើ​គួរតែ​ប្រញាប់​ទៅ​ពិភាក្សា​ជាមួយ​គ្រូពេទ្យ​ជំនាញ​ផ្នែក​សន្លាក់ ដើម្បី​ព្យាបាល​ឲ្យ​បាន​ទាន់​ពេលវេលា ជៀសវាង​នាំ​ឲ្យ​សន្លាក់​ខូចខាត​ទាំងស្រុង ៕

Facebook Google Twitter Email

សុខភាព

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ