ជាផ្លូវការស្ថាប័ន CIM ឬ Cambodia International Modal បានសម្រេចសម្លឹងឃើញ កញ្ញារំដាប់រងទី១ ខ្មែរក្រោម ឆន ស្រីណេត ដែលប្រឡងកម្មវិធីបវរកញ្ញាចក្រវាឡ ឆ្នាំ២០២០ អោយនារីវ័យឆ្លាតរូបនេះ បានចេញទៅប្រកួត
រាជធានីភ្នំពេញ ៖ ជាផ្លូវការស្ថាប័ន CIM ឬ Cambodia International Modal បានសម្រេចសម្លឹងឃើញ កញ្ញារំដាប់រងទី១ ខ្មែរក្រោម ឆន ស្រីណេត ដែលប្រឡងកម្មវិធីបវរកញ្ញាចក្រវាឡ ឆ្នាំ២០២០ អោយនារីវ័យឆ្លាតរូបនេះ បានចេញទៅប្រកួតជាលក្ខណៈអន្តរជាតិ ។
នាងមានគម្រោងចេញទៅប្រឡងជាមួយស្រីស្អាតប្រទេសផ្សេងទៀតក្នុងកម្មវិធីកញ្ញាឯកទេសចរណ៍ អន្តរជាតិ២០២២ ដែលធ្វើឡើងនៅប្រទេសម៉ាឡេស៊ី។ ដំណឹងផ្លូវការនេះ ស្រីណេត កំពុងបន្តខិតខំពង្រឹងសមត្ថភាពខ្លួនអោយល្អទៀត។ បើទោះបីជាទឹកដីត្រូវបានកាត់ផ្តាច់ តែបើគិតលើចិត្ត និងបេះដូងវិញ ឃើញថាមិនបានបំភ្លេចឡើយ។
យ៉ាងណាមិញ ប្រជាជនខ្មែរកម្ពុជាក្រោម នៅតែរក្សាទម្រង់វប្បធម៌បុរាណខ្មែរ មិនអោយបាត់បង់ ហើយផ្ចិតផ្ទង់បំផុត ណែនាំដល់កូនចៅ ជំនាន់ក្រោយ។ នេះជាការនឹកស្មានមិនដល់ ហើយក៏ចូលរួមលើកទឹកចិត្តដល់បងប្អូននៅទីនោះ ដែលស្រឡាញ់ការពារមរតកដូនតាពីបុរាណកាល។
ដំណឹងច្បាស់ការ ១០០% ស្ថិតនៅក្នុងកាប្រកាសជាផ្លូវការពីក្រុមហ៊ុន Cambodia International Model ឆាប់ៗនេះ ដែលស្រីណេត ជាប់ភារៈធំទៀតហើយ។ ដូចដឹងហើយ ឆន ស្រីណេត បានជាប់លេខ២ ក្នុងការប្រកួតបវរកញ្ញាចក្រវាឡកម្ពុជា ឆ្នាំ២០២១។ នាងបានធ្វើអោយគេស្គាល់ ក្រោយពេលនាងចូលដល់វគ្គសំខាន់ ហើយនិយាយលើវេទិកាក្នុងពេលនាងឈឺប្រអប់ជើង និងត្រូវតស៊ូរើបម្រះឡើងវិញ។
ស្រីណេតរមែង អះអាងថា ខ្មែរកម្ពុជាក្រោមក៏ជាខ្មែរតែមួយ ។ ពួកយើងបានរៀនអក្សរខ្មែរតាមវត្តអារាម ព្យាយាម ចឹងដឹងពីអ្វីដែលជារបស់ខ្មែរ តាមរយៈចាស់ទុំ។ នាងសង្ឃឹមថានឹងមិនគិតថា អោយតែខ្មែរក្រោមជាខ្មែរកាត់វៀតណាម ។ តាំងពី ស្រីណេត ជាប់តំណែងបវរកញ្ញា ខ្មែរកម្ពុជាក្រោមច្រើនណាស់ បានពេញចិត្តនាង ហើយស្រឡាញ់អោយតម្លៃនាង ក្នុងនាមជាស្ត្រីខ្មែរក្រោម ដែលតស៊ូ ហើយបង្ហាញភាពងើបឈរមិនចុះចាញ់ឧបសគ្គ។
តាមដំណឹង ស្រីណេត នឹងឡើងទៅប្រទេសម៉ាឡេស៊ី នាខែតុលាខាងមុខនេះ ហើយនាងព្យាយាមរៀនសូត្រការប្រឡងមួយនេះអោយល្អ ទាំងការដើរ ការប្រើប្រាស់ភាសា និងឥរិយាបថផ្សេងៗ។ អ្នកគាំទ្រ ជឿជាក់ថា នាងនឹងធ្វើបានល្អ ព្រោះ ស្រីណេត ជាប់ឈ្មោះជានារីមិនចុះចាញ់ឧបសគ្គ ហើយអំណត់ក្នុងការងារ មិនដែលថាចង់ដកថយ។
ចែករំលែកព័តមាននេះ