ស្រែកទ្រហោយំស្តាយស្រណោះយ៉ាងខ្លាំង មិនគួរប្តី…
រាជធានីភ្នំពេញ ៖ ស្ត្រីម្នាក់បានស្រែទ្រហោយំ និងស្តាយស្រណោះយ៉ាងខ្លាំង មិនគួរប្តីរបស់ខ្លួនគិតខ្លីធ្វើអត្តឃា.តខ្លួនឯងបែបនេះសោះ ។ ហេតុការណ៍នេះបង្កឲ្យមានការ …
រាជធានីភ្នំពេញ ៖ ស្ត្រីម្នាក់បានស្រែកទ្រហោយំ និងស្តាយស្រណោះយ៉ាងខ្លាំង មិនគួរប្តីរបស់ខ្លួនគិតខ្លីធ្វើអត្តឃាតខ្លួនឯងបែបនេះសោះ ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៩ និង៣០នាទីព្រឹក ថ្ងៃទី២៤ ខែមករា ឆ្នាំ២០១៧ ស្ថិតនៅក្រុមទី១ ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៌មានបានឲ្យដឹងថា បុរសរងគ្រោះឈ្មោះ ចាន់ ហ្គ្រាន់ណា អាយុ២៥ឆ្នាំ មុខរបរមិនពិតប្រាកដ ស្នាក់នៅក្នុងភូមិកើតហេតុខាងលើ ។
ប្រភពពីស្ត្រីឈ្មោះ ចាន់ ម៉ៅ អាយុ២៧ឆ្នាំ មុខរបរកម្មកររោងចក្រ ជាបងស្រីបុរសរងគ្រោះបានឲ្យដឹងថា ប្អូនប្រុសរបស់គាត់បានប្រើប្រាស់គ្រឿងញៀនរហូតញៀនយ៉ាងខ្លាំង ។ កន្លងមកក្រុមគ្រួសារបាននាំទៅដាក់នៅមណ្ឌលកែប្រែបន្សាបគ្រឿងញៀន ឱកាសខ្ញុំ រយៈពេល៦ខែម្ដងរួចមកហើយ ទើបតែចេញមកវិញក្នុងពេលថ្មីៗកន្លងទៅនេះប៉ុណ្ណោះ ហើយក្រោយមកគេមិនគិតការងាររកស៊ីចិញ្ចឹមប្រពន្ធកូននោះទេ ទើបត្រូវបងប្អូននាំគ្នាស្ដីបន្ទោសខ្លះៗ ដើម្បីឲ្យគេខំប្រឹងរកស៊ី តែមិននឹកស្មានថា ការស្ដីបន្ទោស ណែនាំនោះ ធ្វើឲ្យរូបគេតូចចិត្ត ខឹងរហូតធ្វើអត្តឃាតសម្លាប់ខ្លួនបែបនេះឡើយ ។
ប្រភពដដែលបានបន្តទៀតថា មុនពេលកើតហេតុ ប្អូនប្រុសរបស់នាងបានអង្គុយស្រងេះស្រងោចម្នាក់ឯងមិននិយាយស្ដីសោះ មើលទៅហាក់បីដូចជាគ្មានព្រលឹងនៅក្នុងខ្លួនសូម្បីតែបន្តិចឡើយ លុះក្រោយមកស្រាប់តែឃើញប្អូនប្រុសចងកសម្លាប់ខ្លួនឯងនៅក្នុងបន្ទប់ទឹកបាត់ទៅហើយ ធ្វើឲ្យនាងមានការភ្ញាក់ផ្អើល និងតក់ស្លុតយ៉ាងខ្លាំង ចំណែកអ្នកភូមិបាននាំគ្នារត់ទៅមើលក្នុងបំណងចង់ជួយសង្គ្រោះដែរ ប៉ុន្តែហួសពេលទៅហើយ ៕
ចែករំលែកព័តមាននេះ