ភ្លេចគិតថាកូនមកតាម លុះនឹកឃើញហួសពេលទៅហើយ
ខេត្តបាត់ដំបង ៖ ពិតជារឿងអាណោចអាធ័មណាស់ ដែលកូនប្រុសអាយុ៨ឆ្នាំម្នាក់ ខណៈទៅតាមបង់សំណាញ់ជាមួយឪពុកក្នុងទឹកអូរ ស្រាប់តែត្រូវលង់ទឹកបណ្តាលឱ្យ …
ខេត្តបាត់ដំបង ៖ ពិតជារឿងអាណោចអាធ័មណាស់ ដែលកូនប្រុសអាយុ៨ឆ្នាំម្នាក់ ខណៈទៅតាមបង់សំណាញ់ជាមួយឪពុកក្នុងទឹកអូរ ស្រាប់តែត្រូវលង់ទឹកបណ្តាលឱ្យស្លាប់ ដែលហេតុការណ៍នេះកើតឡើងកាលពីរសៀលថ្ងៃទី២២ មករា ស្ថិតត្រង់ចំណុចអូរមុខ៤ ក្នុងភូមិប៊ូរុន ឃុំត្រែង ស្រុករតន:មណ្ឌល ។
យោងតាមសេចក្ដីរាយការណីពីមន្ត្រីកងរាជអាវុធហត្ថឱ្យដឹងថា ក្មេងប្រុសខាងលើឈ្មោះឯម រ៉ាវុធ អាយុ៨ឆ្នាំ និងឪពុកឈ្មោះកែវ រ៉ាវី អាយុ២៨ឆ្នាំ រស់នៅភូមិ-ឃុំកើតហេតុខាងលើ ។
សេចក្ដីរាយការណ៍ដដែលបន្តថា ក្មេងប្រុសនោះបានស្លាប់ដោយសារលង់ទឹកក្នុងអូរត្រង់ចំនុចខាងលើ ពេលទៅតាមឪពុករបស់ខ្លួន ដែលនាំទៅបង់សំណាញ់តាមដងអូរ ។ ក្មេងប្រុសឈ្មោះឯម រ៉ាវុធ នេះ បានទៅតាមឪពុកខ្លួនដើរបង់សំណាញ់នៅក្នុងអូរត្រង់ចំណុចខាងលើ តែពេលនោះកូនប្រុសគាត់បានចុះហែលទឹកលេង ខណ:ឪពុកកំពុងបង់សំណាញ់ ។
ខណ៖នោះ ឪពុកមិនបានដឹងថា កូនលង់ទឹកភ្លាមៗទេ លុះបន្តិចក្រោយមកទើបដឹងថា បាត់កូន.. ដើរកមិនឃើញ ហើយនៅពេលចុះរាវក្នុងទឹកទើបប្រទះឃើញសាកសពកូនប្រុស ធ្វើឲ្យមានការភ្ញាក់ផ្អើល និងសែនរន្ធត់បំផុត ។ សមត្ថកិច្ចបានចុះទៅពិនិត្យសាកសព និងសួរនាំក្រុមគ្រួសារភ្លាមៗដែរ ក្រោយពីកើត។
សមត្ថកិច្ចបានបញ្ជាក់ថា ក្មេងប្រុសនោះពិតជាបានស្លាប់ដោយសារលង់ទឹកអូរមែន ពេលទៅតាមឪពុកបង់សំណាញ់ ។
ចែករំលែកព័តមាននេះ