ADផ្ទាំងផ្សព្វផ្សាយពាណិជ្ជកម្ម

Picture

សម្តេចតេជោ ៖ សកលលោកទាំងមូលបាន និងកំពុងជួបប្រទះនឹងបញ្ហាប្រឈមដ៏គួរឱ្យព្រួយបារម្ភជាច្រើន

1 ខែ មុន
  • ភ្នំពេញ

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជា​បាន​បញ្ជាក់​ថា ស្រប​ពេល​ដែល​ជំងឺ​កូ​វី​ដ​-១៩ បាន​ថមថយ តែ​មិន​ទាន់​បាន​បញ្ចប់​នៅឡើយ សកលលោក​ទាំងមូល​ក៏​បាន…

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជា​បាន​បញ្ជាក់​ថា ស្រប​ពេល​ដែល​ជំងឺ​កូ​វី​ដ​-១៩ បាន​ថមថយ តែ​មិន​ទាន់​បាន​បញ្ចប់​នៅឡើយ សកលលោក​ទាំងមូល​ក៏​បាន និង​កំពុង​ជួប​ប្រទះ​នឹង​បញ្ហា​ប្រឈម​ដ៏​គួរ​ឱ្យ​ព្រួយបារម្ភ​ជា​ច្រើន​ផ្សេង​ទៀត​ដែល​អាច​បន្ទច់បង្អាក់​សន្ទុះ​នៃ​ការ​ងើបឡើង​វិញ​នៃ​សង្គម​-​សេដ្ឋកិច្ច​សកល ។

Picture

សម្តេច​តេ​ជោ ហ៊ុន​សែន បាន​ថ្លែង​ក្នុង​ពិធី​ប្រគល់​-​ទទួល​អំណោយ​ដ៏​ថ្លៃថ្លា វ៉ាក់សាំង​កូ​វី​ដ​-១៩ (Pfizer ) សម្រាប់​កុមារ​ពី​ប្រជាជន និង​រដ្ឋាភិបាល​នៃ​ព្រះរាជា​ណា​ចក​អេ​ស្ប៉ា​ញ ជូន​ប្រជាជន និង​រាជរដ្ឋាភិបាល​នៃ​ព្រះរាជាណាចក្រ​កម្ពុជា​វិមាន​សន្តិភាព នា​ព្រឹក​ថ្ងៃ​ទី​១៨ សីហា ឆ្នាំ​២០២២​ថា សកលលោក​ទាំង​បាន​នឹង​កំពុង​ជួប​បញ្ហា​ប្រឈម​ព្រួយបារម្ភ​ជា​ច្រើន​ទៀត ដែល​ជាក់ស្ដែង​ការ​កើនឡើង​នៃ​ថ្លៃ​ប្រេងឥន្ធនៈ បាន​បង្ក​ឱ្យ​មាន​អតិផរណា​ខ្ពស់​នៅ​គ្រប់​ទីកន្លែង ជា​ពិសេស​សហរដ្ឋអាមេរិក និង​សហភាព​អឺរ៉ុប​ដែល​បាន​ជំរុញ​ឱ្យ​ធនាគារកណ្តាល​ត្រូវ​បង្ខំចិត្ត​ដំឡើង​អត្រា​ការ​ប្រាក់ ដើម្បី​ទប់ស្កាត់​ការ​បន្ត​កើនឡើង​នៃ​អតិផរណា​ដែល​ការណ៍​នេះ​អាច​នឹង​ធ្វើ​ឱ្យ​តម្រូវការ​សកល​ធ្លាក់​ចុះ ។

Picture

សម្តេច​បន្ត​ថា ជាង​នេះ​ទៅ​ទៀត អតិផរណា​ខ្ពស់​ក៏​បាន និង​កំពុង​ដាក់​សម្ពាធ​កាន់តែ​ខ្លាំង​ឡើង​មក​លើ​ជីវភាព​រស់នៅ​ប្រចាំ​ថ្ងៃ​របស់​ប្រជាជន​យើង​ផង​ដែរ ។ ស្ថិត​ក្នុង​កាលៈទេសៈ​ដ៏​លំបាក និង​ពិបាក​ប៉ាន់​ប្រមាណ​នេះ​យើង​ត្រូវការ​ជា​ចាំបាច់​នូវ​កិច្ច​សហប្រតិបត្តិការ និង​ការ​ចេះ​ជួយ​គ្នា​ទៅ​វិញ​ទៅ​មក​ជាង​ពេល​ណា​ៗ​ទាំងអស់ ។

សម្តេច​បាន​បញ្ជាក់​ថា ៖«​ក្នុង​ស្មារតី​នេះ ខ្ញុំ​សូម​លើកទឹកចិត្ត​ឱ្យ​មានការ​ចាត់​ទុក​សុខុមាលភាព​របស់​ប្រជាជន និង​សុខភាព​សាធារណៈ​ជា អាទិភាព​ខ្ពស់​បំផុត​ប្រកាន់ខ្ជាប់​ជា​និច្ច​នូវ​ស្មារតី​ជួយ​គ្នា​ទៅ​វិញ​ទៅ​មក និង​ពង្រឹង​កិច្ច​សហប្រតិបត្តិការ​លើ​គ្រប់​វិស័យ​» ។

Picture

ជាមួយ​គ្នា​នោះ​ដែរ សម្តេច​ក៏​បាន​លើក​ឡើង​ថា ក្នុង​នាម​ជា​ប្រធាន​អាស៊ាន​នៅ​ក្នុង​ឆ្នាំ​២០២២​នេះ កម្ពុជា​នឹង​ខិតខំ​ពង្រឹង​សហប្រតិបត្តិការ​នៅ​ក្នុង​តំបន់​អាស៊ាន​ក៏​ដូច​ជា រវាង​អាស៊ាន​-​សហភាព​អឺរ៉ុប និង​រវាង​អាស៊ាន​-​អេ​ស្ប៉ា​ញ​ផង​ដែរ ។

សម្តេច​នាយក​រដ្ឋមន្ត្រី​បាន​លើក​ឡើង​ថា ទោះជា​យ៉ាងនេះ​ក្តី​ជំងឺ​កូ​វី​ដ​-១៩ មិន​ទាន់​ឃ្លា​តទៅ​ណា​ឆ្ងាយ​ពី​យើង​នោះ​ទេ ។ ក្នុង​ន័យ​នេះ កម្ពុជា ក៏​ដូច​ជា សកលលោក​ទាំងមូល​ត្រូវ​បន្ត​យកចិត្តទុកដាក់ និង​ខិតខំ​ប្រឹងប្រែង​ក្នុង​ការ​គ្រប់គ្រង​ជំងឺ​កូ​វី​ដ​-១៩ ដោយ​ស្មារតី​បុ​រេ​សកម្ម និង​ប្រុង​ប្រយ័ត្ន​ខ្ពស់ ជា​ពិសេស​ការ​បន្ត និង​ព​ន្លឿ​ន​ការ​ចាក់​វ៉ាក់សាំង​ដូ​ស​ជំរុញ ជូន​ដល់​ប្រជាជន​គ្រប់​រូប និង​កុមារ​ដែល​មាន​អាយុ​ពី​៣​ឆ្នាំ​ឡើង​ដែល​នឹង​បន្ត​ដើរតួ​នាទី​ស្នូល ក្នុង​ការ​ផ្តល់​ការ​ការពារ​ដ៏​រឹង​មាំ និង​មាន​ប្រសិទ្ធភាព​បំផុត​តទល់​នឹង​ការ​បំប្លែង​ខ្លួន​ថ្មី​ៗ និង​មិន​ឈប់​ឈរ​នៃ​ជំងឺ​កូ​វី​ដ​-១៩ ។

Picture

ឆ្លៀត​ក្នុង​ឱកាស​នោះ​ដែរ សម្តេច​តេ​ជោ​ក៏​បាន​លើក​ឡើង​ថា ក្នុង​នាម​ប្រជាជន និង​រាជរដ្ឋាភិបាល​កម្ពុជា ខ្ញុំ​សូម​សម្តែង​នូវ​អំណរ​គុណ​ជូន​ចំពោះ​ប្រជាជន និង​រដ្ឋាភិបាល​នៃ​ព្រះរាជាណាចក្រ​អេ​ស្ប៉ា​ញ និង​បណ្តា​ប្រទេស​ជា​សមាជិក​ផ្សេង​ទៀត​នៃ​សហភាព​អឺរ៉ុប​ដែល​បាន និង​កំពុង​បន្ត​ចូលរួម​ចំណែក​យ៉ាង​សំខាន់​ក្នុង​ការ​ប្រយុទ្ធ​នឹង​ជំងឺ​កូ​វី​ដ​-១៩ ក៏​ដូច​ជា ការ​ងើបឡើង​វិញ​នៃ​សង្គម​-​សេដ្ឋកិច្ច​កម្ពុជា​តាម​រយៈ​ការ​ផ្ដល់​ជំនួយ​វ៉ាក់សាំង​ជា​ពិសេស​សម្រាប់​កុមារ និង​ជំនួយ​បច្ចេកទេស​ផ្សេង​ៗ ជា​បន្តបន្ទាប់ ៕