អង្គការដើម្បីសប្បុរសធម៌អុកហ្វាម (Ox fam) របស់អង់គ្លេសបានបង្ហាញរបាយការណ៍កាលពីថ្ងៃទី១៦ មករា ២០១៧ ថា មហាសេដ្ឋី៨នាក់ មានទ្រព្យសម្បត្តិរួមគ្នាស្មើនឹងទ្រព្យប្រជាជនក្រីក្រប្រហែលពាក់កណ្តាល
អង្គការដើម្បីសប្បុរសធម៌អុកហ្វាម (Ox fam) របស់អង់គ្លេសបានបង្ហាញរបាយការណ៍កាលពីថ្ងៃទី១៦ មករា ២០១៧ ថា មហាសេដ្ឋី៨នាក់ មានទ្រព្យសម្បត្តិរួមគ្នាស្មើនឹងទ្រព្យប្រជាជនក្រីក្រប្រហែលពាក់កណ្តាលនៅលើពិភពលោក ។ ត្រង់ចំណុចនេះអាចឆ្លុះបញ្ចាំងឱ្យឃើញពីការមិនស្មើភាពផ្នែកចំណូល ។
លទ្ធផលសិក្សាស្រាវជ្រាវរបស់ «អុកហ្វាម» បង្ហាញឱ្យដឹងមុនកិច្ចប្រជុំ «World Economic Forum» ដែលរៀបចំឡើងនៅទីក្រុងដាវ៉ូស បញ្ជាក់ថា ប្រជាជនក្រីក្របំផុតមានចំនួន៣៦០០លាននាក់នៅលើពិភពលោកមានទ្រព្យសម្បតិ្តរួមគ្នាស្មើនឹងអ្នកជំនួញជនជាតិអាមេរិក៦នាក់ អេស្ប៉ាញម្នាក់ និងម៉ិកស៊ិកម្នាក់ ។
បុគ្គលទាំងនោះបានជាប់ចំណាត់ថ្នាក់មហាសេដ្ឋីប្រាក់ពាន់លានតាមការវាយតម្លៃរបស់ទស្សនាវដ្តី «Forbes» រួមមានលោកប៊ីលហ្គេត លោកម៉ាក សាក់ឃ័រប៊ើក អ្នកបង្កើតហ្វេសប៊ុក និងលោកជេហ្វ បេហ្សូស អ្នកបង្កើតវេបសាយអាម៉ាហ្សូន ។
ការមិនស្មើភាពនៃចំណូលគឺជាផ្នែកមួយដ៏សំខាន់ដែលបណ្តាមេដឹកនាំប្រទេស និងអ្នកជំនួញទៅទូទាំងពិភពលោកប្រហែល៣.០០០នាក់នឹងចូលរួមប្រជុំ «World Economic Forum» នៅក្រុងដាវ៉ូស ពីថ្ងៃទី១៧ដល់ថ្ងៃទី២០ មករា ២០១៧ ។ ស្របពេលជាមួយគ្នានេះ «អុកហ្វាម» អំពាវនាវដល់រដ្ឋាភិបាលនៅទូទាំងពិភពលោកត្រូវទារពន្ធខ្ពស់ពី «បុគ្គលមានទ្រព្យស្តុកស្តម្ភ និងក្រុមហ៊ុន ធំៗ»៕
ចែករំលែកព័តមាននេះ