ព្រហើនណាស់ ! ឆ្កឹះទូដែក«អម្រឹត»ប្រមូលយកលុយទាំងអស់
ខេត្តកណ្ដាល ៖ បុគ្គលិកគ្រឹះស្ថានមីក្រូហិរញ្ញវត្ថុអម្រឹតម្នាក់ត្រូវបាននគរបាលស្រុកកណ្ដាលស្ទឹងចាប់ខ្លួនកាលពីល្ងាចថ្ងៃទី១៧ ខែមករា ឆ្នាំ២០១៧ បន្ទាប់ពីបុរសរូបនោះ …
ខេត្តកណ្ដាល ៖ បុគ្គលិកគ្រឹះស្ថានមីក្រូហិរញ្ញវត្ថុអម្រឹតម្នាក់ត្រូវបាននគរបាលស្រុកកណ្ដាលស្ទឹងចាប់ខ្លួនកាលពីល្ងាចថ្ងៃទី១៧ ខែមករា ឆ្នាំ២០១៧ បន្ទាប់ពីបុរសរូបនោះ …
ខេត្តកណ្ដាល ៖ បុគ្គលិកគ្រឹះស្ថានមីក្រូហិរញ្ញវត្ថុអម្រឹតម្នាក់ត្រូវបាននគរបាលស្រុកកណ្ដាលស្ទឹងចាប់ខ្លួនកាលពីល្ងាចថ្ងៃទី១៧ ខែមករា ឆ្នាំ២០១៧ បន្ទាប់ពីបុរសរូបនោះបានចូលទៅលួចក្នុងទូដែករបស់ក្រុមហ៊ុនអស់ ។
មន្ត្រីនគរបាលស្រុកកណ្ដាលស្ទឹង បានឱ្យដឹងថា ជនសង្ស័យឈ្មោះ អ៊ូ សារ៉ាវុធ ភេទប្រុសអាយុ២៣ឆ្នាំ ស្រុកកំណើតភូមិបារាយណ៍កើត ឃុំបារាយណ៍ ស្រុកព្រៃវែង ខេត្តព្រៃវែង មុខរបរ បុគ្គលិកគ្រឹះស្ថានមីក្រូហិរញ្ញវត្ថុ អម្រឹត ត្រូវបានឃាត់ខ្លួនដោយយោងតាមពាក្យបណ្ដឹងរបស់ជនរងគ្រោះឈ្មោះ ជា សុភា ភេទប្រុស អាយុ៤៣ឆ្នាំ មានទីលំនៅភូមិចុងកោះ ឃុំឧកញ្ញាតី ស្រុកខ្សាច់កណ្តាល ខេត្តកណ្តាល ជាប្រធានសាខាគ្រឹះស្ថានមីក្រូហិរញ្ញវត្ថុអម្រឹត ស្រុកកណ្តាលស្ទឹង ។
មន្ត្រីនគរបាលបានឱ្យដឹងបន្ថែមថា នៅវេលាម៉ោង៦ និង៥០នាទីព្រឹក ថ្ងៃទី១៥ ខែមករា ជនសង្ស័យបានជិះម៉ូតូចេញពីផ្ទះជួលស្នាក់នៅនៅភូមិអង្គ សង្កាត់ប្រទះឡាង ខណ្ឌដង្កោ រាជភ្នំពេញ មកចំណុចគ្រឹះស្ថានមីក្រូហិរញ្ញវត្ថុអម្រឹត ស្ថិតនៅភូមិស្វាយមីង ឃុំបារគូ ស្រុកកណ្តាល ស្ទឹងខេត្តកណ្តាល ហើយបានសុំសន្តិសុខចូលទៅខាងក្នុងថាទៅយកឯកសារ ហើយសន្តិសុខក៏បានអនុញ្ញាតឲ្យជនសង្ស័យចូល ។ ពេលចូលទៅក្នុង ជនសង្ស័យក៏ឡើងទៅកន្លែងទូដែកដាក់លុយ យកដែកមូលចុងស្រួចឆ្កឹះសោទូដែកហើយប្រមូលលុយនៅក្នុងទូដែកជាង១៤លានរៀលនិង៦០២៥ដុល្លារ រួចចេញទៅវិញបាត់ទៅ ។
នគរបាលស្រុកកណ្ដាលស្ទឹងបញ្ជាក់ថា បន្ទាប់ពីលួចលុយបានហើយ ជនសង្ស័យបានយកលុយទាំងនោះទៅដើរស៊ីចាយ និងទៅលេងល្បែងនៅកាស៊ីណូចាញ់អស់ ចំណែកលុយដែលជនសង្ស័យប្រមូលបានពីអតិថិជន ជាង៤លានរៀលក៏ជនសង្ស័យពុំបានបង្វិលចូលក្រុមហ៊ុនដែរ ។
ក្រោយពេលចាប់ខ្លួន ជនសង្ស័យត្រូវបាននគរបាលស្រុកកណ្ដាលស្ទឹងកសាងសំណុំរឿង បញ្ជូនទៅស្នងការដ្ឋាននគរបាលខេត្តកណ្ដាលដើម្បីចាត់ការបន្តតាមច្បាប់ ៕
ចែករំលែកព័តមាននេះ