រាជធានីភ្នំពេញ ៖ ប្រធានគណៈមេធាវីនៃព្រះរាជាណាចក្រកម្ពុជា លោក សួន វិសាល ដែលទើបជាប់ឆ្នោតកាលពីខែធ្នូ ២០១៦ បានចូលកាន់តំណែងជាផ្លូវការជំនួសលោកមេធាវី ប៊ុន ហុន នៅរសៀលថ្ងៃទី១៩ មករា ២០១៧នេះ ។ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា ពិធីប្រកាសចូលកាន់តំណែងប្រធានគណៈមេធាវីនេះ បាននិងកំពុងប្រព្រឹត្តទៅនៅសណ្ឋាគារសូហ្វីតែល ភូគីត្រាភ្នំពេញ ស្ថិតក្នុងសង្កាត់ទន្លេបាសាក់ ខណ្ឌចំការមន ក្រោមអធិបតីភាពលោកទេសរដ្ឋមន្រ្តី ឱម យ៉ិនទៀង ប្រធានអង្គភាពប្រឆាំងអំពើពុករលួយតំណាងលោកឧបនាយករដ្ឋមន្រ្តី សុខ អាន ។