ខេត្តកំពង់ស្ពឺ ៖ ក្រុមគ្រួសាររបស់ជនរងគ្រោះមួយរូបដែលបានស្លា.ប់ និងសាក្សីដែលនៅរស់បានស្វែងរកការជួយអន្តរាគមន៍ ថ្វីដ្បិតតែរឿងរ៉ាវដែលកើតឡើងជាក់ស្ដែងខុសពីរបាយការណ៍របស់សមត្ថកិច្ចដែលរាយការណ៍ជូនថ្នាក់លើ។ ជួបជាមួយអ្នកយកព័ត៌មានកាលពីល្ងាចថ្ងៃទី 16 សីហា យុវជនរងគ្រោះមួយរូបឈ្មោះជឿន អិនឈីអាយុ18ឆ្នាំ…
ខេត្តកំពង់ស្ពឺ ៖ ក្រុមគ្រួសាររបស់ជនរងគ្រោះមួយរូបដែលបានស្លា.ប់ និងសាក្សីដែលនៅរស់បានស្វែងរកការជួយអន្តរាគមន៍ ថ្វីដ្បិតតែរឿងរ៉ាវដែលកើតឡើងជាក់ស្ដែងខុសពីរបាយការណ៍របស់សមត្ថកិច្ចដែលរាយការណ៍ជូនថ្នាក់លើ។
ជួបជាមួយអ្នកយកព័ត៌មានកាលពីល្ងាចថ្ងៃទី 16 សីហា យុវជនរងគ្រោះមួយរូបឈ្មោះជឿន អិនឈីអាយុ18ឆ្នាំ មានស្រុកកំណើតនៅភូមិឃ្លោក ឃុំព្រះខែ ស្រុកបរសេដ្ឋ ខេត្តកំពង់ស្ពឺ ជាអ្នកបម្រើការនៅកសិដ្ឋានចិញ្ចឹមជ្រូកមួយកន្លែង នៅភូមិបឹងព័ទ្ធ ឃុំស្ដុកស្រុកគងពិសី ខេត្តកំពង់ស្ពឺ ជាមួយមិត្តភក្កិដែលស្លា.ប់ឈ្មោះសុខ ចំរើន ហៅភារះ អាយុ 16 ឆ្នាំ មានផ្ទះនៅជិតកន្លែងចិញ្ចឹមជ្រូកតែ
ម្ដង។
ជនរងគ្រោះបន្តថា កាលពីល្ងាចថ្ងៃទី14 សីហា ឆ្នាំ2022 រូបខ្លួននឹងមិត្តភក្កិដែលស្លា.ប់ (សុខ ចំរើន) បានជិះម៉ូតូឌុបគ្នាទៅលេងម្តាយរបស់ខ្លួននៅភូមិឃ្លោក រហូតដល់យប់ជ្រៅបន្តិច ទើបនាំគ្នាជិះ
ម៉ូតូក្នុងគោលបំណងត្រឡប់ទៅកន្លែងធ្វើការវិញ ពេលជិះមកដល់ផ្លូវបំបែកផ្សារស្លាបលែងមានឡានតូពិសេសណ្តោងគ្នាកាត់ផ្លូវ ពេលនោះខ្លួនក៏បាននិយាយទៅកាន់អ្នកឡានថា ពូសុំឲ្យខ្ញុំទៅបន្តិចបានទេខ្ញុំប្រញាប់ទៅកន្លែងធ្វើការ ។
ស្របពេលនោះដែរ ក៏ប្រទះឃើញមនុស្សមួយក្រុម មានគ្នាបួននាក់ជិះម៉ូតូ 2 គ្រឿងអ្វីដែលខ្លួនចំណាំគឺពីរនាក់ជិះម៉ូតូសេ125 អត់ស្លាកលេខនៅលើទ្រូងមានស្នាមសាក់ផ្នែកខាងឆ្វេងបានតាមសម្លឹងមើលមុខពួកខ្លួន តែខ្លួនមិនបានតបតអ្វីនោះទេ គិតតែនាំគ្នាជិះម៉ូតូហួសមកដល់ភូមិព្រៃកញ្ចាន់ឃុំភារីមានជ័យ ស្រាប់តែមិត្តភក្តិរបស់ខ្លួនឈ្មោះសុខ ចំរើន ហៅភារៈ បានប្រាប់មកខ្លួនថា «អញត្រូវគេកា.ប់ហើយ» ។ បន្ទាប់មកសុខចំ រើន ក៏ទ្រោបមកលើខ្លួនភ្លាមនោះ ដោយទ្រនឹងទម្ងន់របស់សុខ ចំរើន មិនបាន ក៏រេចង្កូតទៅបុកជាមួយម៉ូតូរបស់ស្ត្រីមួយរូបបណ្ដាលឲ្យដួលទាំងអស់គ្នាតែម្ដង។
ពេលនោះ ក្រុមជនបង្កត្រូវបានអ្នកនៅជិតកន្លែងកើតហេតុឃាត់ខ្លួនប្រគល់ឲ្យនគរបាល ។ ចំណែកមិត្តរបស់ខ្លួនឈ្មោះសុខចំរើន ហៅភារ: មិនដឹងថាយ៉ាងណានោះទេ ព្រោះខ្លួនត្រូវបានបញ្ជូនទៅកាន់មន្ទីរពេទ្យភ្លាមៗផងដែរ។ អ្នកស្រីសាន យ៉ុន អាយុ45ឆ្នាំ ជាម្ដាយរបស់ជនរងគ្រោះសុខ ចំរើន ហៅភារ: បានរៀបរាប់ថា «អ្នកស្រីបានដឹងរឿងនេះតាមរយៈឈ្មោះជឿន អុិនឈី ជាមិត្តភក្កិកូនអ្នកស្រីបានប្រាប់ថា កូនគាត់ស្លា.ប់មិនមែនបណ្ដាលមកពីគ្រោះថ្នាក់ចរាចរណ៍នោះទេ គឺស្លា.ប់ដោយសារក្មេងស្ទាវដេញកាប់។ ក្នុងនាម ជាម្តាយសូមសំណូមពរដល់សមត្ថកិច្ចសូមជួយបើកការស៊ើបអង្កេតស្រាវជ្រាវករណីឃាតកម្មមកលើកូនអ្នកស្រីនេះផង»។
រីឯអ្នកស្រីអេង វ៉ាន់ណា អាយុ 52ឆ្នាំ ត្រូវជាអ៊ំរបស់ជនរងគ្រោះឈ្មោះជឿន អិនឈីក៏ បានរៀបរាប់និងអះអាងថា «មុនពេលកើតហេតុ គឺក្មួយរបស់គាត់ពិតជាបានមកលេងម្ដាយនៅភូមិឃ្លោកពិតប្រាកដមែនដល់ពេលត្រឡប់ទៅវិញក៏មានរឿងបែបនេះតែម្តង។ ក្រោយចេញពីពេទ្យក្មួយគាត់បានប្រាប់ទៀតថា មុនពេលកើតហេតុ គឺមានម៉ូតូក្មេងស្ទាវមួយក្រុមបើកដេញពីក្រោយស៊ីផ្លេរផងបើកភ្លើងហ្វាដេញពីក្រោយផង។ តាមការរៀបរាប់របស់ក្មួយគាត់ប្រាប់គឺអ្នកជិះខាងក្រោយ(ស.ពសុខចំរើន)បានប្រាប់ថា អញត្រូវគេកាប់ហើយពេលនោះក៏ទ្រេតខ្លួនមកលើស្មាប៉ះដៃ ហើយជ្រុលទៅបុកជាមួយម៉ូតូមួយគ្រឿងផ្សេងទៀតក៏ដួលតែម្ដង ។
ដោយឡែក យោងតាមប្រភពពីមន្ត្រីសាលាឃុំភារីមានជ័យមួយរូបក៏បានបង្ហើបប្រាប់ផងដែរថា រឿងនេះ សមត្ថកិច្ចឃាត់ខ្លួនជនបង្កបានម្នាក់ដែរ តែមិនដឹងជាយ៉ាងណានោះទេ ក៏លែងទៅវិញបាត់ទៅ ។ ការដោះលែងជនបង្កឲ្យត្រឡប់ទៅវិញនេះ ទំនងជាគេចង់បង្វែរសាច់រឿងពីករណីដេញកា.ប់ប្លន់មកជារឿងចរាចរណ៍ហើយមើលទៅទើបបានជាមិនរាយការណ៍ទៅថ្នាក់លើដូចអ្វីដែលកើតឡើងជាក់ស្ដែង។
ពាក់ព័ន្ធនឹងករណីនេះដែរ លោកវរសេនីយ៍ទោ ចន សុភីត អធិការនគរបាលស្រុកបរសេដ្ឋបានបញ្ជាក់ប្រាប់តាមទូរស័ព្ទនាល្ងាចថ្ងៃទី 16 ខែសីហាឆ្នាំ 2022 នេះថា តាមមូលដ្ឋាននិងជំនាញចរាចរណ៍រាយការណ៍មកលោកថា ជាករណីចរាចរណ៍មិនមានហេតុការណ៍អ្វីផ្សេងកើតឡើងនោះទេហើយខាងលោកក៏មិនបានឃាត់ខ្លួននរណាម្នាក់ដែរ ។
លោកផាន់ សុង អាយុ៦០ឆ្នាំ រស់នៅភូមិបឹងព័ទ្ឋឃុំស្តុកស្រុកគងពិសី ត្រូវជាសាច់ញាតិរបស់ជនរងគ្រោះឈ្មោះសុខ ចំរើន ក៏បានរៀបរាប់ផងដែរថា រូបលោកនិងសាច់ញាតិម្នាក់ទៀតបានទៅដាក់ពាក្យបណ្ដឹងនៅប៉ុស្ដិ៍រដ្ឋបាលភារីមានជ័យរួចហើយអ្វីដែលធ្វើឲ្យលោកនឹងសាច់ញាតិដទៃទៀតមិនអស់ចិត្តគឺនៅត្រង់ថាសភាពសពមានស្នាមបែករយះផ្នែកក្បាលខាងក្រោយជាច្រើនកន្លែង។
តាមពិតទៅសពមិនគួរណាបូជាលឿនម្លេះទេ តែដោយសារតែសភាពសពមិនអំណោយនិងការខ្វះខាតរបស់ម្តាយសពទើបសាច់ញាតិសម្រេចបូជាតែម្ដងទៅ ។ យោងតាមសាច់ញាតិជាច្រើនរូបរបស់អ្នកស្លា.ប់ក៏ដូចជាអ្នកនៅរស់រានមានជីវិតក៏បានលើកជាឧទាហរណ៍ថា «បើទោះបីជាក្រុមជនបង្កមិនបានកា.ប់ប្រហារមកលើជនរងគ្រោះក៏ដោយក៏ប៉ុន្តែក្រុមជនបង្កបានបើកម៉ូតូប្រដេញបង្កឲ្យមានគ្រោះថ្នាក់រហូតដល់ស្លា.ប់បាត់បង់ជីវិតមនុស្សដែលជាករណីឃា.ត.ក.ម្មអចេតនា គួរណាស់តែសមត្ថកិច្ចឃាត់ខ្លួនដែរ»។
តែរឿងនេះ មិនត្រឹមតែមិនឃាត់ខ្លួននោះទេថែមទាំងបង្វែររឿងពីការដេញកាប់ប្រហារមកជារឿងចរាចរណ៍ទៅវិញ ។ ការធ្វើបែបនេះ ធ្វើឲ្យប្រជាពលរដ្ឋស្លូតត្រង់អស់ទំនុកចិត្តលើសមត្ថកិច្ចនគរបាលស្រុកបរសេដ្ឋយ៉ាងខ្លាំង ។
ក្នុងនាម សាច់ញាតិជនរងគ្រោះទាំងអ្នកស្លា.ប់និងអ្នករងរបួសដែលរស់រានមានជីវិត សូមសំណូមពរទៅស្ថាប័នពាក់ព័ន្ធលោកអគ្គស្នងការនគរបាលជាតិក៏ដូចជាសម្ដេចក្រឡាហោមស ខេង សូមមេត្តាជួយចាត់ក្រុមមន្ត្រីអធិការកិច្ចដែលមានឆន្ទៈបម្រើប្រជាពលរដ្ឋពិតប្រាកដជួយបើកការស៊ើបអង្កេតករណីនេះផង បើរំពឹងលើសមត្ថកិច្ចនគរបាលស្រុកបរសេដ្ឋ ពួកគាត់គ្មានសង្ឃឹមថានឹងទទួលបានយុត្តិធម៌នោះទេសម្រាប់អ្នករងគ្រោះ ។
ចែករំលែកព័តមាននេះ