ស្ត្រីម្នាក់ត្រូវចាប់ខ្លួន ខណៈកំពុងធ្វើសកម្មភាពជាក់ស្តែង
ខេត្តឧត្តរមានជ័យ ៖ ស្ត្រីម្នាក់ត្រូវបានសមត្ថកិច្ចចាប់ខ្លួនកាលពីវេលាម៉ោង៣ និង១៥នាទីរសៀល ថ្ងៃទី១៦ ខែមករា ឆ្នាំ២០១៧ នៅភូមិដងទង់ សង្កាត់កូនគ្រៀល ក្រុងសំរោង …
ខេត្តឧត្តរមានជ័យ ៖ ស្ត្រីម្នាក់ត្រូវបានសមត្ថកិច្ចចាប់ខ្លួនកាលពីវេលាម៉ោង៣ និង១៥នាទីរសៀល ថ្ងៃទី១៦ ខែមករា ឆ្នាំ២០១៧ នៅភូមិដងទង់ សង្កាត់កូនគ្រៀល ក្រុងសំរោង …
ខេត្តឧត្តរមានជ័យ ៖ ស្ត្រីម្នាក់ត្រូវបានសមត្ថកិច្ចចាប់ខ្លួនកាលពីវេលាម៉ោង៣ និង១៥នាទីរសៀល ថ្ងៃទី១៦ ខែមករា ឆ្នាំ២០១៧ នៅភូមិដងទង់ សង្កាត់កូនគ្រៀល ក្រុងសំរោង ខណៈស្ត្រីរូបនោះកំពុងធ្វើសកម្មភាពប្រើប្រាស់ និងចែកចាយគ្រឿងញៀន ។
ប្រភពពីនគបាលក្រុងសំរោងបានឲ្យដឹងថា ស្ត្រីសង្ស័យឈ្មោះ នួន សុនី អាយុ២៥ឆ្នាំ រស់នៅភូមិ-សង្កាត់កើតហេតុ ត្រូវ បានលោក គង់ រតនា ព្រះរាជអាជ្ញារងអមសាលាដំបូងខេត្តឧត្តរមានជ័យដឹកនាំកម្លាំងនគរបាលក្រុងសំរោងសហការជាមួយកម្លាំងការិយាល័យប្រឆាំងគ្រឿងញៀន ធ្វើការបង្ក្រាប និងឃាត់ខ្លួន ដោយជាប់ពាក់ព័ន្ធពីបទ ប្រើប្រាស់ និងចែកចាយគ្រឿងញៀន ខណៈស្ត្រីរូបនោះកំពុងធ្វើសកម្មភាពជាក់ស្តែង (ប្រើប្រាស់ និងចែកចាយ) ។
ប្រភពដដែលបានឲ្យដឹងទៀតថា ខណៈពេលឃាត់ខ្លួន សមត្ថកិច្ចធ្វើការឆែកឆេរ និងដកហូតបានវត្ថុតាងរួមមាន មេតំហ្វេតាមីនអាយស៍ (ម៉ាទឹកកក) ២៩កញ្ចប់តូច ទម្ងន់៣,៣៧ក្រាម, មេតំហ្វេតាមីន(wy)១៧គ្រាប់, ម៉ូតូ១គ្រឿង ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ ឧត្តរមានជ័យ 1B-2841, ទូរស័ព្ទដៃ១គ្រឿង, ប្រាក់៥៥ម៉ីនរៀល ។
ក្រោយពេលឃាត់ខ្លួន ស្ត្រីសង្ស័យ និងវត្ថុតាង ត្រូវបានបញ្ជូនទៅអធិការដ្ឋានក្រុងសំរោង ដើម្បីធ្វើការសាកសួរ និងកសាងសំណុំរឿងបញ្ជូនទៅស្នងការដ្ឋាននគរបាលខេត្តឧត្តរមានជ័យ ដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ