ប្រិយមិត្តពុកម៉ែ បងប្អូនដែលតែងតែនិយមតាមដានព័ត៌មានកីឡា ប្រាកដជាបានជ្រាបរួចមកហើយថា កាលពីរាត្រីថ្ងែទី១៣ ខែសីហា ឆ្នាំ២០២២ វេលាម៉ោង១១និង៣០នាទីយប់ ម៉ោងនៅប្រទេសកម្ពុជា ក្រុមបាត់ទាត់ល្បីឈ្មោះ
រាជធានីភ្នំពេញ ៖ ប្រិយមិត្តពុកម៉ែ បងប្អូនដែលតែងតែនិយមតាមដានព័ត៌មានកីឡា ប្រាកដជាបានជ្រាបរួចមកហើយថា កាលពីរាត្រីថ្ងែទី១៣ ខែសីហា ឆ្នាំ២០២២ វេលាម៉ោង១១និង៣០នាទីយប់ ម៉ោងនៅប្រទេសកម្ពុជា ក្រុមបាត់ទាត់ល្បីឈ្មោះ MAN UTD បានប៉ះក្រុមបាល់ទាត់ Brentford។ ដែលការប្រកួតនេះ បានទាក់ទាញចំណាប់អារម្មណ៍អ្នកគាំទ្រទាំងនៅទឹកដីអឺរ៉ុប ពិភពលោក រួមទាំងកម្ពុជាផងដែរ។
តួយ៉ាង តារាកំប្លែងជួរមុខនៅកម្ពុជា លោក ពែក មី ដែលមានឈ្មោះពិតថា ចែម ចាន់រ៉ា បានប្រកាសនៅមុនការប្រកួត ដោយលោកបានធ្វើការភ្នាល់នូវរឿងដ៏អស់សំណើចជាមួយហ្វេនៗនិងមហាជនលើបណ្ដាញសង្គមថា «បើ Man utd ចាញ់យប់នេះ ស្អែកខ្ញុំដើរស្រា.ត លើស្ពានជ្រោយចង្វា»។
ប្រាកដណាស់ បាល់គឺមូល ពិបាកនឹងស្មានដល់ ជាក់ស្តែងការប្រកួតបាល់ទាត់របស់ក្រុម ឈ្មោះ MAN UTD ប៉ះក្រុមបាល់ទាត់ Brentford គឺលទ្ធផលពិតជាធ្វើឱ្យនាយ ពែក មី ចុកទ្រូងហើយ ដោយសារតែក្រុម Man Utd បានចាញ់ការប្រកួតយ៉ាងខ្លាំង នោះគឺលទ្ធផល ៤-0 ដោយក្រុមបាល់ទាត់ Brentford សុតបំប៉ោងសំណាញ់ទីក្រុម Man Utd ដល់ទៅ៤គ្រាប់ ខណៈក្រុម Man Utd មិនអាចបំបែកពងមាន់បាននោះទេ។
ការប្រកាសរបស់នាយពែក មី ថា នឹងដើរអាក្រាតកាយលើស្ពានជ្រោយចង្វារ បើសិនជាក្រុមបាល់ទាត់ Man Utd ចាញ់ការប្រកួត ក៏ក្លាយជាប្រធានបទក្តៅគគុកពីសំណាក់អ្នកលេងបណ្តាញសង្គមបង្កើតជាចម្ងល់ថា តើនាយ ពែកមី ពិតជាហ៊ានដើរស្រា.តពិតមែនឬយ៉ាងណា? ខ្លះបានបញ្ចេញទស្សនៈអមនឹងការចែករំលែកសារដែលនាយពែកមីថា នឹងដើរស្រា.តលើស្ពានជ្រោយចង្វារថា «#ផុតម៉ោង១២យប់នេះ ជួបគ្នានៅគល់ស្ពានជ្រោយចង្វា» ។ នាយពាក់មី នឹងដើរស្រា.តពីគល់ស្ពានលិចដើរទៅគល់ស្ពានខាងកើត មូលហេតុតែក្រុមបាល់ទាត់មែនញ៉ូ ចាញ់ក្នុងលទ្ធផលក្រៅទឹកដី ៤ទល់នឹង០។
អ្នកប្រើប្រាស់បណ្តាញសង្គមបានបន្តថា «តើនាយពាក់មី គាត់នឹងដើរស្រា.តដូចអ្វីដែលគាត់បានលើឡើងទេបងប្អូន? តោះចាំតាមដានទាំងអស់គ្នាកនយើង ស្ពានជ្រាយចង្វាសូមស្វាគមន៍នៅវត្តមានរបស់នាយពាក់មី..!» (ស្រាតមិនស្រា.តចាំមើល ជឿក៏ចាញ់ មិនជឿក៏ចាញ់)»។
ងាកមកលទ្ធផលការប្រកួតបាល់ទាត់យប់មិញ គឺថា ជ័យជម្នះបានទៅលើក្រុមបាល់ទាត់ Brentford ក្នុងលទ្ធផល ៤-0 ធ្វើអោយក្រុមបាល់ទាត់ MAN UTD ធ្លាក់ដល់បាតតារាងនៃលីគកំពូលអង់គ្លេស ដែលធ្វើអោយក្រុមនេះ រងភាពអាម៉ាស់ជាខ្លាំង ជាពិសេសអ្នកគាំទ្រ MAN UTD តែម្ដង។
ជាមួយនឹងការប្រកាសថា បើក្រុមបាល់ទាត់ Man Utd ចាញ់ការប្រកួតខ្លួននឹងដើរស្រា.តនោះ នាយពែកមី ក៏បានបញ្ជាក់ជាថ្មី ក្រោយលទ្ធផលការប្រកួតថា «ជួបគ្នាលើស្ពានជ្រោយចង្វារ» ហើយឆ្លៀតផ្លែផ្កាថា «សូមកុំឱ្យលោកជួប ម៉ៃ សុគន្ធ» ថែមទៀត។
សូមរំលឹកបន្តិចថា មុនឈានដល់ការបង្ហោះសំណេរខាងលើថា បើ MAN UTD ចាញ់ដើរស្រាតនេះដែរ តារាកំប្លែងសម្ដីចាក់ទឹកមិនលេចរូបនេះ ក៏បានធ្វើការបន់ស្រន់អោយក្រុមបាល់ទាត់ MAN UTD ទទួលជ័យជម្នះផងដែរ។ នេះបើតាមវីដេអូនាយពាក់មី បង្ហាញលើបណ្ដាញសង្គមបានរៀបរាប់ និងបន់ស្រន់ថា «ដាក់វីដេអូចូល»។
ដោយឡែក លទ្ធផលក៏បានចេញមកស្ដែងៗធ្វើអោយនាយពាក់មី មិនអាចប្រកែកជាមួយហ្វេនៗបានឡើយ ដោយក្រុមទាត់ Brentford ទទួលជ័យជម្នះលើក្រុម MAN UTD ក្នុងលទ្ធផល ៤-0 រីឯមហាជនក៏កំពុងរង់ចាំមើលការសន្យារបស់តារាកំប្លែងរូបនេះផងដែរ ថានឹងទៅជាយ៉ាងណា ខណៈលោកបានប្រកាសលើបណ្ដាញសង្គមយ៉ាងច្បាស់ៗជាមួយសំណេរមួយឃ្លាថា «បើ Man utd ចាញ់យប់នេះ ស្អែកខ្ញុំដើរស្រា.ត លើស្ពានជ្រោយចង្វារ»។
ជាក់ស្ដែង ក្រោយលទ្ធផលចេញមកដូចច្នេះហើយនោះ គ្មានអ្វីនឹងតបតទៀតឡើយ នាយ ពាក់មី បានត្រឹមទទួលស្គាល់ការពិតថា ខ្លួនចាញ់មហាជនលើបណ្ដាញសង្គម ដោយសារលោកបានត្រឹមបង្ហាញសារមួយឃ្លាលើបណ្ដាញសង្គមថា «ស្អែកជួបគ្នា នៅលើស្ពានជ្រោយចង្វា កុំអោយខ្ញុំឃើញមុខ ម៉ៃសុគន្ធ អោយសោះ»។ ដែលសារមួយឃ្លានេះ បានបញ្ជាក់ថា ម៉ៃ សុគន្ធ ដែលមហាជនដាក់រហ័សនាមថា «កំពូលស៊យនោះ» ក៏ជ្រើសរើសយកក្រុម MAN UTD ដូចនាយពាក់មីផងដែរ។ នេះបើតាមវីដេអូ ម៉ៃ សុគន្ធ បានរៀបរាប់ថា «ដាក់វីដេអូចូល»។
សូមរំលឹកថា Man UTD របស់លោក Erik ten Hag ដែលបរាជ័យកាលពីសប្តាហ៍មុន បន្តរងភាពអាម៉ាស់យ៉ាងខ្លាំងបន្ថែមទៀត ដោយត្រូវម្ចាស់ផ្ទះ Brentford បំបាក់នៅក្នុងលទ្ធផល ៤ទល់នឹង០ ដែលជាការបរាជ័យ២សប្តាហ៍ជាប់គ្នា។ ជាមួយជ័យជម្នះនេះ Man City ឈរនៅកំពូលតារាងបណ្តោះអាសន្នគិតត្រឹមសប្តាហ៍ទី២ ដោយមាន៦ពិន្ទុស្មើគ្នាជាមួយ Arsenal។ រីឯការបរាជ័យរបស់ Man UTD បានធ្វើឱ្យពួកគេធ្លាក់ទៅបាតតារាងយ៉ាងភ្ញាក់ផ្អើលបំផុត ៕
ចែករំលែកព័តមាននេះ