រាជធានីភ្នំពេញ ៖ បុរសម្នាក់មិនត្រូវបានស្គាល់អត្តសញ្ញាណឡើយ មានអាយុជាង២០ឆ្នាំ ខណៈដើរសុខៗ ស្រាប់តែមានអាការៈ ញ័រកន្ត្រាក់ដៃជើង ប្រកាច់ខាំអណ្តាតខ្លួនឯងហូរឈាមកក្លាក់ បង្កឱ្យភ្ញាក់ផ្អើលដល់ប្រជាពលរដ្ឋអ្នកដំណើរ រត់ទៅសុំការអន្តរា គមន៍ពីសមត្ថកិច្ច និងរថយន្តសង្ត្រោះបន្ទាន់ កាលពីវេលាម៉ោង៦ និង៥០នាទីយប់ថ្ងៃទី១៥ មករា ស្ថិតនៅតាមផ្លូវបេតុង៣០ម៉ែត្រ
រាជធានីភ្នំពេញ ៖ បុរសម្នាក់មិនត្រូវបានស្គាល់អត្តសញ្ញាណឡើយ មានអាយុជាង២០ឆ្នាំ ខណៈដើរសុខៗ ស្រាប់តែមានអាការៈ ញ័រកន្ត្រាក់ដៃជើង ប្រកាច់ខាំអណ្តាតខ្លួនឯងហូរឈាមកក្លាក់ បង្កឱ្យភ្ញាក់ផ្អើលដល់ប្រជាពលរដ្ឋអ្នកដំណើរ រត់ទៅសុំការអន្តរា គមន៍ពីសមត្ថកិច្ច និងរថយន្តសង្ត្រោះបន្ទាន់ កាលពីវេលាម៉ោង៦ និង៥០នាទីយប់ថ្ងៃទី១៥ មករា ស្ថិតនៅតាមផ្លូវបេតុង៣០ម៉ែត្រ ភូមិព្រៃល្ងរ សង្កាត់ចោមចៅ ខណ្ឌពោធិសែនជ័យ ។
សម្លៀកបំពាក់របស់ជនរងគ្រោះប្រឡាក់សុទ្ធតែប្រេងម៉ាស៊ីន ដែលគេសន្និដ្ឋានថា គឺជាជាងជួសជុលរថយន្ត ឬជាងផ្សារដែក ។
តាមប្រជាពលរដ្ឋនៅកន្លែងកើតហេតុបានឱ្យដឹងថា គេឃើញជនរងគ្រោះដើរថ្មើរជើង តាមផ្លូវបេតុង៣០ម៉ែត្រ ពីលិចទៅកើត លុះ ដល់ចំណុចខាងលើ ស្រាប់តែកើតមានអាការៈញ័រញាក់ កន្ត្រាក់ដៃជើង ហើយដួលប្រកាច់ ខាំអណ្តាតខ្លួនឯង បណ្តាលឲ្យហូរឈាមជោកប្រឡាក់ពេញមាត់លើផ្លូវបេតុង សន្លប់ស្តូកបាត់មាត់បាត់.ក។ តាមពលរដ្ឋខ្លះថា អាការៈបែបនេះ សង្ស័យជនរងគ្រោះមានជំងឺប្រចាំកាយហៅថា ឆ្កួតជ្រូក លុះជំងឺធ្វើទុក្ខក៏បែបនេះតែម្តង ។
ក្រោយកើតហេតុ ជនរងគ្រោះត្រូវរថយន្តសង្គ្រោះដឹកបញ្ជូនទៅមន្ទីរពេទ្យព្រះកុសុមៈ តែដោយសារយប់ថ្ងៃកើតហេតុ មន្ទីរពេទ្យ មានអ្នកជម្ងឺជនរងគ្រោះចូលច្រើន ម្យ៉ាងជនរងគ្រោះរូបនេះ ក្នុងស្ថានភាពធ្ងន់ធ្ងរ ត្រូវបានរថយន្តសង្គ្រោះ ដឹកបញ្ជូនបន្តទៅសង្គ្រោះនៅមន្ទីរពេទ្យកាលម៉ែត ។
ចែករំលែកព័តមាននេះ