បញ្ហាលុយកាក់ត្រូវគេមើលឃើញថា កំពុងមានលក្ខណៈស្មុគស្មាញ និងប្រទាក់ក្រឡាគ្នានៅក្នុងសង្គមសិល្បៈមួយផ្នែក ។ គេសង្កេតឃើញថា តារាខ្លះមានប្រាក់ឲ្យខ្ចី រ៉ាប់ម៉ឺនដុល្លារ និងតារាខ្លះទៀតបានរងការចោទប្រកាន់ថាជំពាក់ប្រាក់គេមិនព្រមសង ក៏មាន ។…
បញ្ហាលុយកាក់ត្រូវគេមើលឃើញថា កំពុងមានលក្ខណៈស្មុគស្មាញ និងប្រទាក់ក្រឡាគ្នានៅក្នុងសង្គមសិល្បៈមួយផ្នែក ។ គេសង្កេតឃើញថា តារាខ្លះមានប្រាក់ឲ្យខ្ចី រ៉ាប់ម៉ឺនដុល្លារ និងតារាខ្លះទៀតបានរងការចោទប្រកាន់ថាជំពាក់ប្រាក់គេមិនព្រមសង ក៏មាន ។
អ្វីដែលគួរឲ្យកត់សម្គាល់ គឺទំហំទឹកប្រាក់ដែលសិល្បករឲ្យគេខ្ចី ឬរងការចោទប្រកាន់ថា ខ្ចីគេមិនព្រមសង សុទ្ធតែខ្ទង់ម៉ឺនដុល្លារ ដែលទំហំទឹកប្រាក់ទាំងនោះសម្រាប់ពលរដ្ឋជាទូទៅមានចំនួនច្រើនខ្លាំងណាស់ ។ រឿងដែលភ្ញាក់ផ្អើលបំផុត កាលពីចុងឆ្នាំ២០២១ គឺករណីតារាសម្តែងកំប្លែងនាងខ្ញុងជំពាក់បំណុលគេប្រមាណ៥០ម៉ឺនដុល្លារ ។
អ្នកនាងខ្ញុង បានធ្វើឲ្យមានការភ្ញាក់ទូទាំងប្រទេសតែម្តង ដោយសារនៅសុខៗ នាងបានទម្លាយរឿងរាវជាប់បំណុលគេនេះ ។ យំបណ្តើរនិយាយបណ្តើរ ដោយឡាយជាសាធារណៈ តាមហ្វេសបុក ករណីនាងខ្ញុងកាលនោះ សឹងផ្ទុះហ្វេសប៊ុករបស់គាត់ ដោយសារមានអ្នកចូលមើលយ៉ាងច្រើនពីរឿងដែលគាត់ឡាយសុំដើរចូលតុលាការ និងសូមឲ្យម្ចាស់បំណុលអនុគ្រោះដោយសារអស់លទ្ធភាពសង់បំណុល ។
ក្រៅតារាកំប្លែងនាងខ្ញុងជំពាក់គេ ទន្ទឹមគ្នានោះគេបានដឹងថា អ្នកនាង ខាត់ សុឃីម តារាកំប្លែង និងជាអ្នកចម្រៀងសម័យបុរាណផងនោះ បានទម្លាយឲ្យសាធារណជនដឹងថា ខ្លួនបានចាញ់បោកគេអស់ប្រាក់ខ្ទង់លានដុល្លារ ។
អ្នកនាងខាត់ សុឃីម បានសារភាពមូលហេតុ ដែលខ្លួនលុងខ្លួនឲ្យគេបោកប្រាក់ជិត១លានដុល្លារនោះ ដោយារភាពលោភលន់ និងជឿជាក់លើ អ្នកស្គាល់គ្នា ។ រឿងរាវរបស់អ្នកនាង សូ ដានីតា ក៏បានក្លាយជាចំណាប់អារម្មណ៍មួយដែរ នៅក្នុងរង្វង់សិល្បករនេះ ។
តារាសម្តែងជើងចាស់រូបនេះបានទម្លាយឈ្មោះអ្នកជំពាក់ប្រាក់ខ្លួននៅបណ្តាញសង្គមជាបន្តបន្ទាប់ នៅក្នុងនោះមានទាំងអ្នកសិល្ប និងអ្នកមិនស្ថិតនៅក្នុងរង្វង់សិល្ប ដែលបានជំពាក់លុយគាត់ ។
អ្នកនាងសុដានីតា បានប្រាប់ថា ទឹកប្រាក់ដែលគេជំពាក់គាត់រហូតមកដល់ពេលនេះ មិនតិចជាង៧០ម៉ឺនដុល្លារ ។ តាមរយៈសំណេររបស់អ្នកនាង សូដា នីតា បានធ្វើឲ្យមហាជន ភ្ញាក់ផ្អើលជាខ្លាំង ខណៈសុខៗ ស្រាប់តែបានទម្លាយរឿងកូនបំណុល ដែលបានខ្ចីលុយមិនសង និងប្រកាសចាត់វិធានការតាមផ្លូវ នៅលើបណ្តាញសង្គម ។
មានតារាល្បីឈ្មោះមួយចំនួនត្រូវបានទម្លាយពីការខ្ចីប្រាក់ពីអ្នកនាងសូដានីមិនព្រមសង ។ អ្នកបញ្ជាក់ថា ករណីនោះរហូតមកដល់ពេលនេះ មិនទាន់បានដោះស្រាយនៅឡើយទេ ។ លុយកាក់ក៏ជាបញ្ហារបស់អ្នកនាង ព្រំ រដ្ឋា ដែលជាអ្នកសម្តែងល្បីឈ្មោះម្នាក់ផងដែរ ។
អ្នកនាងព្រំ រដ្ឋា បានរងការចោទប្រកាន់ថា ខ្ចីគេមិនព្រមសង រហូតធ្វើឲ្យអ្នកនាងចេញមុខមកស្រាយ ។ គេបានដឹងថា តារាសម្តែងរូបនេះបានជម្រាបមិត្តភក្តិ អ្នកស្គាល់នៅលើបណ្តាញសង្គមហ្វេសប៊ុកថា «នាងខ្ញុំឈ្មោះ ព្រំ រដ្ឋា សូមជម្រាបដល់បងប្អូនញាតិមិត្ត ក្នុងបណ្ដាញសង្គម Facebook ទាំងអស់ថា នាងខ្ញុំមិនដែលបានគេចវេសពីការពិត ឬបោកប្រាស់បុគ្គលណាទេ ការធ្វើ ការរកស៊ីតែងតែមានការខ្វះខាត និងដោយសារបញ្ហាកូវីដ-១៩ រយៈពេល២, ៣ឆ្នាំនេះ ធ្វើឱ្យការងារខ្ញុំខាតបង់យ៉ាងធ្ងន់ធ្ងរ ហើយនាងខ្ញុំមានបញ្ហាសុខ ភាពធ្ងន់ធ្ងរ ដែលត្រូវចាំបាច់សម្រាកព្យាបាល»។
តាម អ្នកនាងសូនីតា សិល្បករដែលមានប្រាក់ឲ្យខ្ចីមិនតិចជាង៧០ម៉ឺនដុល្លារនោះ ក៏បានលើកឡើងថា នៅក្នុងសង្គមសិល្បៈមិនខុសពីពលរដ្ឋជាទូទៅទូទាំងសកលលោកទេបានរងផលប៉ះពាល់ដោយជំងឺកូវីដ១៩ ។ បញ្ហាកូវីដ១៩ ជាផ្នែកមួយដែលធ្វើឲ្យគ្រប់គ្នា មានបញ្ហាថវិកានេះ ៕
ចែករំលែកព័តមាននេះ