ខេត្តមណ្ឌលគិរី ៖ ប្រតិបត្តិការរយៈពេលពីរថ្ងៃ សមត្ថកិច្ចស្រុកកែវសីមា បានបង្ក្រាបទីតាំងពាក់ព័ន្ធគ្រឿងញៀនបានចំនួន៧កន្លែង ឃាត់ខ្លួនមនុស្សប្រុសស្រីចំនួន៧នាក់ ក្នុងភូមិសាស្ត្រឃុំស្រែខ្ទុម ស្រុកកែវសីមា ខេត្តមណ្ឌលគិរី ។…
ខេត្តមណ្ឌលគិរី ៖ ប្រតិបត្តិការរយៈពេលពីរថ្ងៃ សមត្ថកិច្ចស្រុកកែវសីមា បានបង្ក្រាបទីតាំងពាក់ព័ន្ធគ្រឿងញៀនបានចំនួន៧កន្លែង ឃាត់ខ្លួនមនុស្សប្រុសស្រីចំនួន៧នាក់ ក្នុងភូមិសាស្ត្រឃុំស្រែខ្ទុម ស្រុកកែវសីមា ខេត្តមណ្ឌលគិរី ។
សមត្ថកិច្ចបានឲ្យដឹងថា ចាប់ពីវេលាម៉ោង ១៣និង ៤១នាទីថ្ងៃទី០៨ រហូតដល់ថ្ងៃទី០៩ ខែសីហា ឆ្នាំ២០២២ កម្លាំងជំនាញ បានចុះបង្ក្រាបករណីជួញដូរ និង ប្រើប្រាស់ដោយខុសច្បាប់នូវសារធាតុញៀន នៅចំណុចភូមិអូរអាម និង ភូមិឡាប៉ាខេ ឃុំស្រែខ្ទុម ស្រុកកែវសីមា ។ ដោយមានការសម្របសម្រួលពី លោក ស៊ាវ ងីឈាន់ ព្រះរាជអាជ្ញារង។ កម្លាំងជំនាញបានឃាត់ខ្លួនមនុស្សចំនួន ០៧នាក់ ស្រី០៥ នាក់ មានចំនួន ០៧ ទីតាំង។
សមត្ថកិច្ចរកឃើញនិងរឹបអូស វត្ថុតាងចាប់រួមមាន ៖
១. សារធាតុសង្ស័យថា ជាសារធាតុញៀន មានសណ្ឋានជាក្រាមពណ៍សថ្លាចំនួន ១៩ កញ្ចប់ ក្នុងនោះ (៣កញ្ចប់ធំល្មម និង ១៦កញ្ចប់តូច ) ។
២. ទូរសព្ទដៃចំនួន ០៦គ្រឿង ម៉ាក oppo ចំនួន ០៤ គ្រឿង. ម៉ាក Tecno ចំនួន ០១ គ្រឿង នឹម៉ាក DAMI ០១គ្រឿង
៣. ថង់វិចខ្ចប់ថ្នាំញៀន មួយចំនួន ។
៤. ម៉ូតូ ចំនួន ០៤ គ្រឿង(ម៉ាក C១២៥ ១គ្រឿង ម៉ាកVIZON. ០១គ្រឿង ម៉ាកWAVE ពណ៌ខ្មៅ ១គ្រឿង នឹង ម៉ូតូកែច្នៃមិនស្គាល់ម៉ាក ១គ្រឿង ពណ៌ខ្មៅ )។
៥. ប្រាក់រៀលចំនួន ២៤០.០០០ ៛(ម្ភៃបួនម៉ឺនគត់)។
៦. លោហៈធាតុព៍ណលឿង ( កងដៃចំនួន ០៧កង . ជញ្ជៀនចំនួន ០៤ វង់ . ក្រវិលចំនួន០១ វង់ )
៧. អត្តសញ្ញាណប័ណ្ណសញ្ជាតិខ្មែរ ចំនួន ០២ សន្លឹក / ១.ឈ្មោះ ហួន លីណា ២.ឈ្មោះ ស្រេង សុខា ។
៨. កាតវីងចំនួន០១សន្លឹក ។
ករណីនេះសមត្ថកិច្ចជំនាញ កំពុងកសាងសំណុំរឿង និងចាត់ការតាមនីតិវិធីច្បាប់ ៕
ចែករំលែកព័តមាននេះ