បុរសជាកម្មករម្នាក់បានប្រាប់ប្រពន្ធថាទៅបត់ជើងនៅក្រោយផ្ទះ ក៏ស្រាប់តែស្លា.ប់គងនៅលើរបងផ្ទះអ្នកជិតខាងតែម្តង បង្កឱ្យមានការភ្ញាក់ផ្អើលពេញភូមិ
ខេត្តសៀមរាប ៖ បើតាមសេចក្តីរាយការណ៍បានឱ្យដឹងថា បុរសជាកម្មករម្នាក់បានប្រាប់ប្រពន្ធថាទៅបត់ជើងនៅក្រោយផ្ទះ ក៏ស្រាប់តែស្លា.ប់គងនៅលើរបងផ្ទះអ្នកជិតខាងតែម្តង បង្កឱ្យមានការភ្ញាក់ផ្អើលពេញភូមិ កាលពីនៅវេលាម៉ោង០៦និង៣០នាទីព្រឹកថ្ងៃទី០៦ ខែសីហា ឆ្នាំ២០២២ នៅចំណុចក្រុមទី១៥ ស្ថិតក្នុងភូមិមណ្ឌល៣ សង្កាត់ស្លក្រាម ក្រុង-ខេត្តសៀមរាប ។
បើតាមប្រភពពីមន្ត្រីនគរបាលជំនាញក្រុង បានប្រាប់នៅរសៀលថ្ងៃទី៨ ខែសីហា ឆ្នាំ២០២២នេះថា ស.ពជនរងគ្រោះខាងលើមានឈ្មោះ វ៉ាន់ (ពុំស្គាល់ត្រកូល) ភេទប្រុស អាយុ៤២ឆ្នាំ ជនជាតិខ្មែរ មុខរបរកម្មករសំណង់ មានទីលំនៅក្រុមទី១៥ ស្ថិតនៅភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប។
ប្រភពពីសមត្ថកិច្ចបានបញ្ជាក់ថា យោងតាមការស្ដាប់បំភ្លឺពីប្រពន្ធរបស់ជងគ្រោះមានឈ្មោះ ជាម តាំងគា អាយុ៤២ឆ្នាំ មុខរបរនៅផ្ទះ មានទីលំនៅក្រុមទី១៥ ស្ថិតនៅភូមិមណ្ឌល៣ សង្កាត់ស្លក្រាម បានបំភ្លឺឱ្យសមត្ថកិច្ចដឹងថា រូបនាងខ្ញុំបានស្គាល់គ្នានឹងរស់នៅយកគ្នាជាប្ដីប្រពន្ធ ដោយមិនបានរៀបការ និងមិនបានសែនតាមប្រពៃណីទំនៀមទម្លាប់នោះទេ ហើយក៏រស់នៅជាមួយគ្នារហូតមក ដោយពុំមានកូននឹងគេទេ មកដល់សព្វថ្ងៃនេះ ។
ប្រពន្ធជនរងគ្រោះបន្តថា ហើយប្ដីរបស់នាងឈ្មោះ វ៉ាន់ ភេទប្រុស អាយុ៤២ឆ្នាំ តាំងពីបានគ្នាជាមួយនាងមក គាត់ផឹកស្រាជាប្រចាំ គឺផឹកស្រា.ស និងស្រាថ្នាំរហូតមក លុះដល់ថ្ងៃទី០២ ខែសីហា ឆ្នាំ២០២២ ក្រុមគ្រួសាររបស់គាត់ និងរូបនាងបានឱ្យគាត់ផ្ដាច់ស្រា ព្រោះគាត់ផឹកស្រាលែងដឹងខ្លួន ហើយឈានចូលដល់ជំងឺសរសៃប្រសាទថែមទៀតផង។ ហើយនៅពេលដែលឱ្យគាត់ផ្ដាច់ស្រាម្តងៗ គឺមានអាការៈ ប្រទាញប្រទង់កាច់ ។
ប្រភពដដែលបន្តថា លុះរហូតមកដល់វេលាម៉ោង០១និង០០នាទីរំលងអធ្រាតឈានចូលថ្ងៃទី ០៦ ខែសីហា ឆ្នាំ២០២២នេះ ប្ដីរបស់នាង គាត់បានភ្ញាក់ពីដំណេក ហើយប្រាប់នាងថា «ឈឺបត់ជើង» រួចគាត់ក៏ក្រោកទៅ ហើយខ្ញុំក៏ដេកលក់ទៅវិញមួយភាំងដែរ ។ លុះពេលដឹងខ្លួន ដោយបាត់ប្ដីមិនឃើញត្រឡប់មកចូលដេកវិញ នាងក៏ក្រោកឡើងមកដើររកប្ដី រហូតដល់ភ្លឺ ស្រាប់តែឃើញប្ដីរបស់នាងដេកផ្កាប់មុខនៅលើរបងមុខផ្ទះគេ ដោយស្លៀកខោខ្លីអត់ស្បែកជើង ។ ពេលដែលឃើញដូច្នោះហើយ រូបនាងក៏ដើរចូលទៅអង្រួនមើលប្ដីនាង ក៏ស្រាប់តែគាត់បានបាត់បង់ជីវិត និងផុតដង្ហើមទៅបាត់ហើយ។
ប្រភពពីសមត្ថកិច្ចក៏បានបញ្ជាក់ទៀតថា បើតាមការពិនិត្យមើលស្លាកស្នាមលើដងខ្លួនស.ពជនរងគ្រោះ ពុំមានស្លាកស្នាមអ្វីបទល្មើសព្រហ្មទណ្ឌនោះទេ ។ សមត្ថកិច្ចបន្ថែមទៀត ហើយបើតាមការបំភ្លឺពីប្រពន្ធរបស់ស.ពជនរងគ្រោះ និងការពិនិត្យសាកស.ព ព្រមទាំងតាមការសន្និដ្ឋានរបស់លោកគ្រូពេទ្យកោសល្យវិច័យខេត្តសៀមរាបផងនោះ គឺជនរងគ្រោះពិតជាស្លា.ប់ដោយសារខ្យល់គ (ញៀនស្រា.ស និងផឹកជាប្រចាំ) ពិតប្រាកដមែន។
បច្ចុប្បន្ន សាកស.ពជនរងគ្រោះ ត្រូវបានសមត្ថកិច្ចប្រគល់ឱ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ