រយៈពេល២ថ្ងៃឃាត់ខ្លួនក្រុមជួញដូរ និងប្រើប្រាស់គ្រឿងញៀ.ន៦នាក់
ខេត្តកណ្ដាល ៖ ត្រឹមតែរយៈពេល២ថ្ងៃប៉ុណ្ណោះ កម្លាំងនគរបាលនគរបាលស្រុកអង្គស្នួល បានធ្វើការបង្ក្រាប និងចាប់ខ្លួនជនសង្ស័យ ដែលជាមុខសញ្ញាជួញដូរ
ខេត្តកណ្ដាល ៖ ត្រឹមតែរយៈពេល២ថ្ងៃប៉ុណ្ណោះ កម្លាំងនគរបាលនគរបាលស្រុកអង្គស្នួល បានធ្វើការបង្ក្រាប និងចាប់ខ្លួនជនសង្ស័យ ដែលជាមុខសញ្ញាជួញដូរ និងប្រើប្រាស់គ្រឿងញៀន បានចំនួន៦នាក់ជាបន្តបន្ទាប់ និងដកហូត គ្រឿងញៀន ព្រមទាំងឧបករណ៍ពាក់ព័ន្ធមួយចំនួនទៀត បន្ទាប់មកបាននាំទៅសួរនាំ និងកសាង សំណុំរឿង នៅអធិការដ្ឋាននគរបាលស្រុក រង់ចាំបញ្ជូនទៅកាន់តុាំជលាការចាត់ការតាមផ្លូវច្បាប់។
នគរបាលបាននិយាយថា កាលពីថ្ងៃទី៩ ខែមករា ឆ្នាំ២០១៧ វេលាម៉ោង៦ល្ងាច នៅតាមផ្លូវជាតិលេខ៤ ស្ថិតនៅក្នុងភូមិព្រៃគោ ឃុំលំហាច ស្រុកអង្គស្នួល ខេត្តកណ្តាល។ កម្លាំងបានចុះទៅបង្ក្រាប ក្រុមជនសង្ស័យ ជួញដូរម្នាក់ និងអ្នកប្រើប្រាស់គ្រឿងញៀនចំនួន៤នាក់ ក្នុងខណៈដែលពួកនោះ កំពុងធ្វើសកម្មភាពជាក់ស្ដែង។ ជនសង្ស័យដែលត្រូវចាប់ខ្លួននោះមាន១-ឈ្មោះ វ៉េង បូផា ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្នក្នុងភូមិថ្នល់ទទឹង ឃុំដំណាក់អំពិល ស្រុកអង្គស្នួលខេត្តកណ្តាល គឺជាអ្នកជួញដូរគ្រឿងញៀន។
២-ឈ្មោះ ធឿន ផានុត ភេទប្រុស អាយុ១៨ឆ្នាំ ជនជាតិខ្មែរ មុខរបរធ្វើសំណង់ មានទីលំនៅបច្ចុប្បន្ននៅក្នុងភូមិដំណាក់អំពិល ឃុំដំណាក់អំពិល ស្រុកអង្គស្នួល(ប្រើប្រាស់)។ ៣-ឈ្មោះ ធួក វណ្ណា ភេទប្រុស អាយុ២០ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ជាអ្នកប្រើប្រាស់។ ៤-ឈ្មោះ ឃុត វីរៈ ភេទប្រុស អាយុ២៩ឆ្នាំ ជនជាតិខ្មែរ មុខរបរធ្វើស្រែ មានទីលំនៅក្នុងភូមិស្ដុកព្រីង ឃុំសំបូរ ស្រុកសំរោងទខេត្តកំពង់ស្ពឺ(ប្រើប្រាស់)។
៥-ឈ្មោះ ជា ប៊ុនធិ ភេទប្រុស អាយុ១៦ឆ្នាំ ជនជាតិខ្មែរមុខរបរលក់បាយមានទីលំនៅក្នុងភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ(ប្រើប្រាស់)។ កម្លាំងដកហូតបានថ្នាំញៀនប្រភេទម៉ាទឹកកកចំនួន២កញ្ចប់តូច រួមជាមួយឧបករណ៍ប្រើប្រាស់គ្រឿងញៀនមួយចំនួនទៀត។ នគរបាលខាងលើបានបន្តទៀតថា លុះដល់ថ្ងៃទី១០ ខែមករា ឆ្នាំ២០១៧ វេលាម៉ោង៩ និង៥០នាទីយប់ កម្លាំងបានចុះទៅធ្វើការចាប់ខ្លួន ជនសង្ស័យជួញដូរម្នាក់ទៀត នៅចំណុចក្នុងផ្ទះជនល្មើស ភូមិត្រពាំងសុក្រម ឃុំបែកចាន ស្រុកអង្គស្នួល ខេត្តកណ្តាល។
ជនសង្ស័យម្នាក់នោះឈ្មោះ ដួង សំអាង ភេទប្រុស អាយុ៣១ឆ្នាំ ជនជាតិខ្មែរ មុខរបរចាក់មេក្រូ មានទីលំនៅបច្ចុប្បន្ននៅភូមិខាងលើ។ ខណៈនោះកម្លាំងដកហូតបានគ្រឿងញៀន ប្រភេទម៉ាទឹកកក១កញ្ចប់មធ្យម,ទូរស័ព្ទដៃ១គ្រឿងម៉ាកហៃយ៉ា,លុយចំនួន ១០៥០០០រៀល និងថង់សម្រាប់វេចខ្ចប់ថ្នាំញៀនមួយចំនួនទៀត។ ជនសង្ស័យខាងលើបាននិយាយថា ថ្នាំញៀនទាំអស់នេះ ខ្លួនបានទិញពីមុខសញ្ញាជួញដូរនៅមុខពេទ្យ លោកសង្ឃភូមិត្រពាំងឈូក សង្កាត់ទឹកថ្លា ខណ្ឌសែនសុខ ក្នុងតម្លៃ ២០ដុល្លារ ហើយក្នុងមួយថ្ងៃទៅទិញពីរដង សម្រាប់យកទៅលក់បន្តឲ្យម៉ូយដែលទិញយកទៅប្រើប្រាស់៕
ចែករំលែកព័តមាននេះ