ក្រៅពីលោកឈិន ឡុង ឬជែក គីចាន់ ដែលទិញយន្តហោះផ្ទាល់ខ្លួនស៊េរី«Embraer Legacy 500» តម្លៃ២០លានដុល្លារនោះ វ៉េបសាយ«Zestvip.com»ផ្សាយកាលពីពេល ថ្មីៗកន្លងមកថា លោកJohn Travolta ជាតារាសម្តែង និង
ក្រៅពីលោកឈិន ឡុង ឬជែក គីចាន់ ដែលទិញយន្តហោះផ្ទាល់ខ្លួនស៊េរី«Embraer Legacy 500» តម្លៃ២០លានដុល្លារនោះ វ៉េបសាយ«Zestvip.com»ផ្សាយកាលពីពេល ថ្មីៗកន្លងមកថា លោកJohn Travolta ជាតារាសម្តែង និងតារាចម្រៀង អាយុ៦២ឆ្នាំ ដែលមានរហស្សនាម«ជាអ្នកស្រលាញ់យន្តហោះ» ព្រមទាំងបានប្រឡងយកប័ណ្ណបើកបរយន្តហោះផងនោះ មានយន្តហោះផ្ទាល់ខ្លួនជាច្រើនគ្រឿង ។
យន្តហោះទាំងនោះមានប៊ូអុីង៧០៧, យន្តហោះ Bombardier Challenger 601, យន្តហោះ ប៊ូអុីង៧២៧ និងយន្តហោះ Jet Gulfstream ចំនួន៣គ្រឿង ។
លើសពីនេះមានទិន្នន័យបញ្ជាក់ថា ដោយសារលោកជាមនុស្សស្រឡាញ់ការហោះហើរខ្លាំង ទើបលោកTravolta ជ្រើសយកការរស់នៅក្នុងទីប្រជុំជនមួយនៅរដ្ឋផ្លរីដា ព្រោះប្រជុំដោយអាកាសយានិក ហើយនៅមុខផ្ទះរបស់តារាសម្តែងរូបនេះមានទីកន្លែងសម្រាប់ចុះចត និងចតយន្តហោះផ្ទាល់ខ្លួន ។
ចំណែកនាងOperah Winfriey ពិធីការិនីដ៏ល្បីឈ្មោះ, នាងCeline Dion ជាតារាចម្រៀង និងលោកSteven Spielberg ជាអ្នកដឹកនាំរឿងដ៏ល្បី សុទ្ធសឹងតែមានយន្តហោះ Bombardier Global Express XRS ដែលមានតម្លៃ ៤២លានដុល្លារផ្ទាល់ខ្លួន ។
លោកTom Cruise មានយន្តហោះ«The G4» ផ្ទាល់ខ្លួនដែលមានតម្លៃ៣៦លានដុល្លារ ។
ពេលលោកHarrison Ford ជាតារាឯករៀមច្បងមានយន្តហោះ«The 680» ដែលមានតម្លៃ១៨លានដុល្លារ អាចជិះបាន១២នាក់ ។
ដោយឡែកលោកJim Carrey ជាតារាកំប្លែងដ៏ល្បីឈ្មោះមានយន្តហោះ«Gulfstream V» តម្លៃ៥៩លានដុល្លារ ៕
ចែករំលែកព័តមាននេះ