ខេត្តកំពត ៖ សេចក្តីរាយការណ៍បានឱ្យដឹងថា សត្វដំរីមួយក្បាលមានឈ្មោះ «អាចំរើន» បានងាប់ចោលម្ចាស់ ដែលត្រូវសង្ស័យថា បណ្តាលមកពីខ្វះចំណីស៊ីគ្រប់គ្រាន់ កាលពីវេលាម៉ោង១០ព្រឹកថ្ងៃទី១០ មករា នេះ
ខេត្តកំពត ៖ សេចក្តីរាយការណ៍បានឱ្យដឹងថា សត្វដំរីមួយក្បាលមានឈ្មោះ «អាចំរើន» បានងាប់ចោលម្ចាស់ ដែលត្រូវសង្ស័យថា បណ្តាលមកពីខ្វះចំណីស៊ីគ្រប់គ្រាន់ កាលពីវេលាម៉ោង១០ព្រឹកថ្ងៃទី១០ មករា នេះ ហើយត្រូវម្ចាស់នឹកសោកស្តាយស្រណោះខ្លាំង ក៏បានយកវាទៅកប់ទន្ទឹមជាមួយផ្នូរម្ចាស់ដើម ស្ថិតនៅភូមិថ្មីឃុំជុំជម្ពូវ័ន ស្រុកជុំគិរី ខេត្តកំពត និងធ្វើបុណ្យឱ្យដំរីនេះទៀតផង ។
ប្រភពពីម្ចាស់ឈ្មោះកប កើត ភេទប្រុស អាយុ៣៥ឆ្នាំ បានឱ្យដឹងថា កាលពីព្រឹកថ្ងៃទី០៧ មករា កន្លងមក គាត់បានយកដំរីអាចំរើន (ឈ្មោះដំរី) នេះ យកទៅចងនៅខាងជើងផ្ទះ ស្រាប់តែឃើញវាញ័រជើងលុតជង្គង់ងើបលែងរួច ។ លុះមួយម៉ោងក្រោយមក ស្រាប់តែវាងាប់តែម្តង ។
គាត់បានបន្តថា ដំរីនេះ បានរកចំណូលឱ្យគាត់ ហើយដោយគាត់ស្តាយស្រណោះពេក ក៏បានធ្វើបុណ្យឱ្យដំរីនេះ២យប់ផងដែរ ទើបជួលរថយន្តមកស្ទូចខ្មោចដីរនោះទៅកប់ទន្ទឹមជាមួយផ្នូរម្ចាស់ដើម មានឈ្មោះឈុន ជ័រ ។
ចែករំលែកព័តមាននេះ