អនាម័យមាត់ធ្មេញមិនល្អ ព្រមទាំងទម្លាប់នៃការខាំបបូរមាត់ឬសាច់ថ្ពាល់ដោយសារតែភាពតានតឹងកើតឡើង អាចធ្វើឲ្យអ្នកមានហានិភ័យខ្ពស់ក្នុងការកើតពងបែកមាត់ ។ ពងបែកមាត់អាចធ្វើឲ្យអ្នកមិនស្រួលក្នុងការទំពារ
អនាម័យមាត់ធ្មេញមិនល្អ ព្រមទាំងទម្លាប់នៃការខាំបបូរមាត់ឬសាច់ថ្ពាល់ដោយសារតែភាពតានតឹងកើតឡើង អាចធ្វើឲ្យអ្នកមានហានិភ័យខ្ពស់ក្នុងការកើតពងបែកមាត់ ។ ពងបែកមាត់អាចធ្វើឲ្យអ្នកមិនស្រួលក្នុងការទំពារ ឬនិយាយ និងការលេបចំណីអាហារ។ ពងមាត់ទាំងនេះមានរាងមូលពណ៌ខៀវ ឬពណ៌ស និងហើមផងដែរ ។
សំណាងល្អនៅក្នុងករណីជាច្រើនពងបែកមាត់អាចបាត់ទៅវិញដោយខ្លួនវា។ ទោះយ៉ាងណា មានវិធីព្យាបាលនៅផ្ទះសាមញ្ញជាច្រើនដែលអាចកាត់បន្ថយភាពមិនស្រួលនៃការកើតពងបែកមាត់ និងពន្លឿនដំណើរការព្យាបាល ។
១-ទឹកឃ្មុំ ៖ ទឹកឃ្មុំគឺជាឱសថដ៏ល្អបំផុតក្នុងការព្យាបាលពងបែកមាត់។ លក្ខណធម្មជាតិរបស់ទឹកឃ្មុំក្នុងការបំបាត់ និងប្រឆាំងនឹងការរលាកអាចជួយបំបាត់ការឈឺចាប់ និងការរលាកដោយសារពងបែកមាត់បាន ។ លក្ខណសម្បត្តិប្រឆាំងនឹងបាក់តេរីរបស់វាក៏ជួយការពារការឆ្លងមេរោគ និងបង្កើនដំណើរការព្យាបាលផងដែរ។
របៀបធ្វើ លាយទឹកឃ្មុំ១ស្លាបព្រាកាហ្វេ និងម្សៅរមៀត¼ស្លាបព្រាកាហ្វេ ។ លាបល្បាយនេះនៅលើតំបន់ដែលមានបញ្ហា និងទុកវាចោលរយៈពេល១៥ទៅ២០នាទី។ បន្ទាប់មក ខ្ពុរមាត់ជាមួយទឹកក្តៅឧណ្ហៗ ។ ធ្វើដូចនេះ២ឬ៣ដងក្នុងមួយថ្ងៃ។ ស្របគ្នានេះដែរ អ្នកគួរលាបទឹកឃ្មុំនៅលើតំបន់ដែលមានបញ្ហាមុនពេលចូលគេងជារៀងរាល់យប់ ។
២-អំបិល ៖ បញ្ហាពងបែកមាត់អាចព្យាបាលយ៉ាងមានប្រសិទ្ធភាពដោយការប្រើអំបិល។ អំបិលមានលក្ខណសម្បត្តិព្យាបាលជាច្រើនដែលអាចជួយព្យាបាលបញ្ហានេះបាន ។ វាជួយបំបាត់ខ្ទុះបានលឿន និងបន្ថយការឈឺចាប់ និងការរលាកនៅតំបន់ដែលមានបញ្ហា ។
របៀបធ្វើ លាយអំបិលកន្លះស្លាបព្រាជាមួយទឹកក្តៅមួយកែវ ហើយខ្ពុរមាត់ដោយប្រើទឹកនេះ ធ្វើដូចនេះ៣ឬ៤ដងក្នុងមួយថ្ងៃ ។
៣-ទឹកកក ៖ ទឹកកកអាចធ្វើឲ្យកន្លែងដែលមានការឈឺចាប់ និងការរលាកស្ពឹក ដោយសារតែមានពងបែកមាត់ធំក្នុងមាត់។ វិធីនេះធ្វើឱ្យទឹកកកក្លាយជាវិធីព្យាបាលមួយយ៉ាងមានប្រសិទ្ធភាពបំផុតដើម្បីព្យាបាលពងបែកមាត់។
របៀបធ្វើ រុំទឹកកកមួយចំនួននៅក្នុងក្រណាត់ស្តើង។ ដាក់វានៅលើតំបន់ដែលមានបញ្ហារយៈពេល១នាទីដើម្បីបំបាត់ការឈឺចាប់។ ធ្វើដូចនេះពីរទៅបីដងក្នុងមួយថ្ងៃ ។
៤-ប្រទាលកន្ទុយក្រពើ ៖ ប្រទាលកន្ទុយក្រពើមានប្រសិទ្ធភាពក្នុងការព្យាបាលបញ្ហាពងបែកមាត់ផងដែរ។ វាមានលក្ខណសម្បត្តិប្រឆាំងនឹងការរលាក និងមានលក្ខណៈអាចព្យាបាលដែលអាចជួយបន្ធូរបន្ថយការឈឺចាប់ និងបំបាត់បញ្ហាពងបែកមាត់នេះបានយ៉ាងឆាប់រហ័ស។
របៀបធ្វើ យកជែលពីស្លឹកប្រទាលកន្ទុយក្រពើ ហើយលាបវាដោយផ្ទាល់នៅលើតំបន់ដែលមានបញ្ហា។ ទុកវាចោលរយៈពេល ២០នាទី បន្ទាប់មកខ្ពុរមាត់របស់អ្នកជាមួយទឹកក្តៅឧណ្ហ ។ ធ្វើដូចនេះពីរបីដងក្នុងមួយថ្ងៃ រយៈពេលពីរបីថ្ងៃ ៕
ចែករំលែកព័តមាននេះ