ចូលទាក់លលកក្នុងតំបន់ស ផ្ទុះមីនដាច់ជើងម្នាក់
ខេត្តបន្ទាយមានជ័យ ៖ បុរសខ្មែរអ៊ីស្លាមម្នាក់បានរងរបួសដាច់ជើងម្ខាង ខណៈចូលទៅទាក់លលកបែរជាជាន់មីនផ្ទុះកាលពីវេលាម៉ោង១២ និង១០នាទីថ្ងៃត្រង់ ថ្ងៃទី៦ ខែមករា …
ខេត្តបន្ទាយមានជ័យ ៖ បុរសខ្មែរអ៊ីស្លាមម្នាក់បានរងរបួសដាច់ជើងម្ខាង ខណៈចូលទៅទាក់លលកបែរជាជាន់មីនផ្ទុះកាលពីវេលាម៉ោង១២ និង១០នាទីថ្ងៃត្រង់ ថ្ងៃទី៦ ខែមករា …
ខេត្តបន្ទាយមានជ័យ ៖ បុរសខ្មែរអ៊ីស្លាមម្នាក់បានរងរបួសដាច់ជើងម្ខាង ខណៈចូលទៅទាក់លលកបែរជាជាន់មីនផ្ទុះកាលពីវេលាម៉ោង១២ និង១០នាទីថ្ងៃត្រង់ ថ្ងៃទី៦ ខែមករា ឆ្នាំ២០១៧ នៅតំបន់សបន្ទាត់ព្រំដែនខ្មែរ-ថៃ ចំណុចភូមិសាស្ត្រភូមិអូរនាង សង្កាត់ផ្សារកណ្តាល ក្រុងប៉ោយប៉ែត ។
ជនរងគ្រោះឈ្មោះ កូប ម៉ាន អាយុ៤៧ឆ្នាំ មានទីលំនៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ។
លោក កែវ ប៉ូរ៉ា មេប៉ុស្តិ៍ព្រៃគប់ នគរបាលការពារព្រំដែនគោកលេខ៩១១ បានឲ្យដឹងថា មុនពេលកើតហេតុជនរងគ្រោះមានគ្នា២នាក់បានចូលទៅទាក់លលកនៅចំណុចកើតហេតុ ខណៈកំពុងដើរទាក់លលកស្រាប់តែជាន់មីនដែលបន្សល់ពីសម័យសង្គ្រាមនៅចំណុចគំរោងផ្លូវ៥០ម៉ែត្រ ខាងមុខទំនប់ក៥ ក្នុងតំបន់ស បណ្ដាលឲ្យផ្ទុះដាច់ជើងម្ខាងម្នាក់តែម្តង ។
លោកមេប៉ុស្តិ៍បន្តថា ក្រោយហេតុការណ៍ផ្ទុះនោះ កម្លាំងជួរមុខសហការជាមួយជំនាញពាក់ព័ន្ធដោះមីនចូលទៅយកជនរងគ្រោះដឹកទៅមន្ទីរពេទ្យមិត្តភាពកម្ពុជាជប៉ុនមង្គលបូរីដើម្បីសង្គ្រោះភ្លាមៗផងដែរ ៕
ចែករំលែកព័តមាននេះ