ADផ្ទាំងផ្សព្វផ្សាយពាណិជ្ជកម្ម

Picture

ស្រី​ស្អាត Anna ទើប​គ្រង​មកុដ​បាន​៤​ថ្ងៃ ត្រូវ​គេ​រិះគន់​ពេញ​បណ្តាញ​សង្គម ព្រោះ​រឿង​មួយ

1 អាទិត្យ មុន

កាលពី​រាត្រី​ថ្ងៃ​ទី​៣០ ខែកក្កដា ឆ្នាំ​២០២២ កន្លង​ទៅ​ហើយ នៅ​កម្មវិធី​ការ​ប្រកួត​សម្រស់ Miss Universe Thailand 2022 បាន​ឈាន​មក​ដល់​វគ្គ​ផ្តាច់ព្រ័ត្រ និង​បាន​រក​ឃើញ​អ្នក​ដែល​អាច​ដណ្ដើម​បាន​មកុដ​ដ៏​ស្រស់​ស្អាត​ពី​កម្មវិធី​នេះ

ថៃ ៖ កាលពី​រាត្រី​ថ្ងៃ​ទី​៣០ ខែកក្កដា ឆ្នាំ​២០២២ កន្លង​ទៅ​ហើយ នៅ​កម្មវិធី​ការ​ប្រកួត​សម្រស់ Miss Universe Thailand 2022 បាន​ឈាន​មក​ដល់​វគ្គ​ផ្តាច់ព្រ័ត្រ និង​បាន​រក​ឃើញ​អ្នក​ដែល​អាច​ដណ្ដើម​បាន​មកុដ​ដ៏​ស្រស់​ស្អាត​ពី​កម្មវិធី​នេះ​រួចរាល់​ដូច​គ្នា ដោយ​ម្ចាស់​មកុដ​បាន​ទៅ​លើ​បវរកញ្ញា​ពាក់​ស្លាក​លេខ​១៩ គឺ​នាង Anna Suea Ngam​។

Picture

ក្នុង​នោះ​ផង​ដែរ បើ​និយាយ​ពី​ប្រវត្តិ​នៃ​ការ​តស៊ូ​របស់​បវរកញ្ញា​ចក្រវាល​ថៃ​ថ្មី​ម្ចាស់​ជ័យ​លា​ភី នាង Anna Suea Ngam វិញ នាង​មាន​ប្រវត្តិ​ជា​ក្មេង​ស្រី​ម្នាក់​ដែល​បាន​ធំធាត់​នៅ​លើ​គំនរ​សំរាម​។ ម្ដាយ​ឪពុក​របស់ Anna គឺជា​អ្នក​ដើរ​ប្រមូល​សំរាម និង​បោស​សំរាម​ម្នាក់​នៅ​ក្នុង​ទីក្រុង​បាងកក​។ Anna បាន​ស្គាល់​កន្លែង​ចាក់សំរាម តាំងពី​នាង​នៅ​ក្មេង​ម្ល៉េះ ហើយ​របស់របរ​ដែល​នាង​លេង គឺ​បាន​មក​ពី​គំនរ​សំរាម​ទាំងអស់ រហូត​រឿងរ៉ាវ​ជីវិត​របស់​នាង​មហាជន​បានឮ ហើយ​ម្នាក់​ៗ​ពោល​ពាក្យ​អាណិត​ពី​ជីវិត​នាង​ស្ទើរតែ​គ្រប់​គ្នា​។

Picture

ជាក់ស្ដែង ផ្ទុយ​ទៅ​នឹង​ការ​លើក​សរសើរ​មិន​ដាច់​ពី​មាត់​រួច​មក​នោះ ស្រាប់តែ​ថ្មី​ៗ​នេះ ក៏​មាន​មហាជន​មួយ​ចំនួន បែរជា​នាំ​គ្នា​ផ្ទុះ​ការ​រិះគន់​ប្រតិកម្ម​យ៉ាង​ខ្លាំង​ចំពោះ​នាង​ទៅ​វិញ ដោយ​ម្នាក់​ៗ​គិត​ថា នាង​ស្អាត​បែប​ធម្មជាតិ ឬ​កូនកាត់​សម​ទៅ​នឹង​ជា​មកុដ​ដែល​នាង​បាន​ឈ្នះ តែ​តាម​ពិត​នាង​ធ្លាប់​បាន​ឆ្លងកាត់​មុខកាំបិត​កែ​សម្ផស្ស ពោល​គឺ​បើ​ធៀប​មុខ​របស់​នាង​កាលពី​មិន​ទាន់​កែ និង​ក្រោយ​កែ គឺ​ខុស​គ្នា​ខ្លាំង​ដាច់​ស្រឡះ​តែ​ម្ដង ស្ទើរតែ​មិន​គួរ​ឱ្យ​ជឿ​នោះ​ទេ ។

Picture

បន្ទាប់​ពី​បានឃើញ​មាន​ហ្វេ​ន​ៗ​ជា​ច្រើន​នាំ​គ្នា​រិះគន់​គ្មាន​សំចៃមាត់​ខ្លាំង​ពេក គេង​មិន​លក់​បក​មិន​ល្ហើយ ទប់​អារម្មណ៍​លែង​ជាប់ ស្រាប់តែ Anna Suea Ngam ក៏​បាន​ចេញ​មុខ​មក​សារភាព​ត្រង់​ៗ​ទាំង​គ្មាន​លាក់លៀម​ថា «​នាង​ពិតជា​បាន​កែ​សម្ផស្ស​ខ្លះ​មែន ហើយ​នាង​ក៏​អរគុណ​យ៉ាង​ខ្លាំង​ទៅ​ដល់​គ្លីនិក​មួយ ដែល​បាន​លះបង់​កម្លាំងកាយ​ចិត្ត​ធ្វើ​ឱ្យ​នាង​ទទួល​បាន​មុខមាត់ រូបរាង ស្បែក ស្រស់​ស្អាត មាន​ភាព​ជឿជាក់​ជាង​មុន នាង​ពិតជា​សប្បាយ​ចិត្តរក​អ្វី​ប្រៀបផ្ទឹម​ពុំ​បាន​ឡើយ ខណៈ​ឈាន​ជើង​ចូល​គ្លីនិក​ដែល​បាន​ផ្តល់​ភាព​ស្រស់​ស្អាត​ឱ្យ​នាង​» ។

Picture

បន្ទាប់​ពី​បានលឺ​បវរកញ្ញា​ចក្រវាល​រូប​នេះ ចេញ​មុខ​មក​និយាយ​ហើយ មហាជន​ថៃ​ចេញ​មុខ​មក​កាន់ជើង​និយាយ​ជំនួស Anna ទៅ​កាន់​អ្នក​រិះគន់​មួយ​ចំនួន​វិញ​យ៉ាង​ចាស់ដៃ​ថា «​ឈប់​ជេរ អេ​ន​ណា ទៀត​ទៅ សូម​ជួយ​គាំទ្រ​ផង ស៊ែរ​ទាំងអស់​គ្នា ផ្សព្វផ្សាយ​ក្តី​ស្រលាញ់ មិន​ស្អប់​» «​ការ​វះកាត់ គឺជា​រឿង​ធម្មតា​សម្រាប់​អ្នក​ដែល​មាន​លុយ​ធ្វើការ​វះកាត់​ហើយ មាន​ជីវភាព​ធូរធា​គួរ​ធ្វើ​ហេតុ​អ្វី​ក៏​ត្រូវ​មក​រិះគន់​នាង​ទៅ​វិញ​» «​អ្នក​គួរ​ធ្វើ​អ្វីមួយ ធ្វើ​វា​ដើម្បី​បង្កើន​ទំនុកចិត្ត​លើ​ខ្លួនឯង​មិន​ខុស​ទេ នារី​គ្រប់​រូប​តែង​ចង់​ស្អាត​» «​នាង​ពិតជា​ស្រស់​ស្អាត​ខ្លាំង​ណាស់​ឥឡូវនេះ ហើយ​សម​នឹង​ទទួល​បាន MUT2022» «​ចម្លែក​អី​ដែល​គ្រប់​គ្នា​ចង់​ស្អាត​ខុស​ដែរ​មែន​ទេ?​» «​សម្រាប់​ប្រជាជន​ថៃ យើង​មាន​លក្ខណៈ​ផ្ទាល់ខ្លួន​ណាស់ នោះ​ជា​សិទ្ធិ​ផ្ទាល់ខ្លួន ហើយ​មិន​មាន​អ្វី​ខកចិត្ត​ឡើយ​»​។

Picture

«​វា​ជា​ចំណូលចិត្ត​ផ្ទាល់ខ្លួន អ្នក​ធ្វើ​ឱ្យ​ខ្លួនឯង​កាន់តែ​ជឿជាក់​លើ​ការ​ប្រឡង​សម្រស់​កុំទៅ​ខ្វល់​ពី​សម្ដី​អ្នក​ដទៃ​អី​ធ្វើ​ចិត្ត​អោយ​សប្បាយ​ៗ» «​នាង​ស្អាត​មុន​ក្រោយ​។ ហើយ​វា​ក៏​ជា​សិទ្ធិ​របស់​នាង​ដែរ ប្រសិន​បើ​នាង​ធ្វើការ​វះកាត់​ឬ​អត់​ក៏​ដោយ​» «​សម្រាប់​ខ្ញុំ នាង​មាន​សម្រស់​ស្រស់​ស្អាត ហើយ​នាង​មាន​ទំនុកចិត្ត និង​មាន​ភាព​ក្លាហាន​ក្នុង​ការ​និយាយ​ប្រាប់​ទៅ​មហាជន​ថា «​ខ្ញុំ​បាន​វះកាត់​កែ​សម្ផស្ស​»​។ នាង​បាន​និយាយ​ថា «​នាង​មិន​ខ្វល់​ពី​អ្នក​ណា​ឡើយ មិន​ថា​បញ្ហា​អ្វី​» ៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture