ខេត្តសៀមរាប ៖ សេចក្តីរាយការណ៍បានឱ្យដឹងនៅវេលាម៉ោង៨ព្រឹកថ្ងៃទី៣ ខែសីហា ឆ្នាំ២០២២នេះថា ករណីបង្ក្រាបបទល្មើសព្រៃឈើដុះស្លែនោះ អ្នកបើកឡាន២នាក់ ដែលបានធ្វើសកម្មភាពដឹកជញ្ជូនឈើខុសច្បាប់ត្រូវបានមន្ត្រីអង្គការសម្ព័ន្ធមិត្តសត្វព្រៃនៅកម្ពុជាសហការជាមួយមន្ត្រីអាវុ.ធហត្ថលើផ្ទៃប្រទេសស្ទាក់ឃាត់ខ្លួនរហូតឈានដល់ការផ្ទុះអា.វុធចំនួន២គ្រាប់ ក្នុងភូមិសាស្ត្រភូមិអូរ ឃុំខ្វាវ ស្រុកជីក្រែង ខេត្តសៀមរាប កាលពីថ្ងៃទី១ ខែសីហា ឆ្នាំ២០២២ កន្លងទៅ ។
តាមប្រភពពីសមត្ថកិច្ចមូលដ្ឋានបានបង្ហើបឱ្យដឹង នៅវេលាម៉ោង៨ព្រឹក ថ្ងៃទី៣ ខែសីហានេះថា ជនសង្ស័យទាំង២នាក់មាន ៖ ឈ្មោះ យេង សុភក្ត្រា ភេទប្រុស និងឈ្មោះ ខឿម ខួច អ្នកទាំង២រស់នៅភូមិជ្រៃ ឃុំខ្វាវ ស្រុកជីក្រែង ខេត្តសៀមរាប ។
ប្រតិបត្តិការណ៍នេះមន្ត្រីជំនាញបានឈានដល់ការផ្ទុះអាវុធ២គ្រាប់ បន្ទាប់ពីជនល្មើសដែលដឹកជញ្ជូនឈើ មិនព្រមស្តាប់ និងមានការប្រវា.យប្រតបគ្នារហូតឈានដល់ផ្ទុះអា.វុធ។
ក្រោយឃាត់ខ្លួនបាន ជនសង្ស័យ កម្លាំងចម្រុះពិនិត្យឃើញមានគ្រឿងញៀនចំនួន២ កញ្ចប់ នៅជាមួយក្រុមអ្នកដឹកឈើ ហើយបញ្ជូនយកទៅប្រគល់ឱ្យកម្លាំងការិយាល័យកងរាជអាវុធហត្ថខេត្តសៀមរាប ចាត់ការបន្ត រួចបញ្ជូនបន្តទៅតុលាការ ។
ជុំវិញករណីខាងលើនោះ ពលរដ្ឋបានលើកឡើងថា ការបង្ក្រាបព្រៃឈើនៅចំណុច ឃុំខ្វាវ ស្រុកជីក្រែង ហាក់បីដូចជា ស្រាតខោអាវសមត្ថកិច្ចមូលដ្ឋានយ៉ាងដូច្នេះដែរ ។ ព្រោះការដឹកជញ្ជូនឈើនៅតំបន់ខាងលើ ហាក់មានភាពដុះស្លែ ព្រោះមិនឃើញមានសមត្ថកិច្ចពាក់ព័ន្ធណាបង្ក្រាបសោះឡើយ នេះកុំតែខាងកម្លាំងកងរាជអាវុធហត្ថលើផ្ទៃប្រទេស មកបង្ក្រាបរហូតដល់មានការផ្ទុះអា.វុធផងដែរ ។
បច្ចុប្បន្នជនសង្ស័យ និងវត្ថុតាង គ្រឿងញៀនទាំង២នាក់ ត្រូវបានកម្លាំងកងរាជអាវុធហត្ថលើផ្ទៃប្រទេសប្រគល់ឱ្យកម្លាំងការិយាល័យប្រឆាំងគ្រឿងញៀននៃកងរាជអាវុធហត្ថខេត្តសៀមរាបយកមកសួរនាំ ដើម្បីរៀបចំកសាងសំណុំរឿងបញ្ជូនទៅកាន់តុលាការខេត្តចាត់ការបន្តតាមនីតិវិធីច្បាប់ ។ ចំណែកបទល្មើសព្រៃឈើ យកទៅរក្សាទុកនៅសង្កាត់រដ្ឋបាលព្រៃឈើខ្វាវ ស្រុកជីក្រែង ៕
ចែករំលែកព័តមាននេះ