រាជធានីភ្នំពេញ ៖ សេចក្តីរាយការណ៍បានបន្តឱ្យដឹងទៀតថា គិតត្រឹមវេលាម៉ោង០២រសៀលថ្ងៃទី០៦ មករា ដដែលនេះ ករណីដែលប្តីដឹកសាកសពប្រពន្ធទៅឱ្យខាងមន្ទីរពេទ្យបង្អែកពោធិ៍ចិនតុងជួយព្យាបាល តែត្រូវខាងគ្រូពេទ្យបដិសេធមិនព្រមទទួលនោះ ទីបំផុត បុរសជាប្តីដៃដល់រូបនេះ ត្រូវសមត្ថកិច្ចឃាត់ខ្លួនហើយ ។
រាជធានីភ្នំពេញ ៖ សេចក្តីរាយការណ៍បានបន្តឱ្យដឹងទៀតថា គិតត្រឹមវេលាម៉ោង០២រសៀលថ្ងៃទី០៦ មករា ដដែលនេះ ករណីដែលប្តីដឹកសាកសពប្រពន្ធទៅឱ្យខាងមន្ទីរពេទ្យបង្អែកពោធិ៍ចិនតុងជួយព្យាបាល តែត្រូវខាងគ្រូពេទ្យបដិសេធមិនព្រមទទួលនោះ បុរសជាប្តីដៃដល់រូបនេះ ត្រូវសមត្ថកិច្ចឃាត់ខ្លួនហើយ ។
ប្រភពឱ្យដឹងថា ប្តីដៃដល់រូបនេះ ត្រូវសមត្ថកិច្ចបញ្ជាឱ្យនាំទៅបង្ហាញទីតាំង ដែលបានវាយប្រពន្ធស្លាប់ គឺស្ថិតក្នុងផ្ទះជួលរបស់ខ្លួន ក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ដោយរកឃើញវត្ថុតាង វែកសម្លរមួយដែលយកទៅវាយប្រពន្ធរហូតដល់ស្លាប់បែបនេះ ។
គួររំលឹកថា មានការភ្ញាក់ផ្អើល កាលពីវេលាម៉ោងថ្ងៃត្រង់ ទី០៦ មករា ស្ថិតនៅមុខមន្ទីរពេទ្យបង្អែកពោធិ៍ចិនតុង ក្នុងភូមិតាងួន សង្កាត់កាកាប ខណ្ឌពោធិ៍សែនជ័យ ខណៈបុរសម្នាក់ដែលអះអាងថា ជាប្តីបានដឹកប្រពន្ធតាមម៉ូតូកង់៣ ដើម្បីសង្គ្រោះ តែត្រូវខាងគ្រូពេទ្យប្រាប់មិនឱ្យលើកចេញពីក្នុងម៉ូតូកង់៣នោះទេ ដោយហេតុបានពិនិត្យ និងប្រទះឃើញថា ការពិតនាងបានដាច់ខ្យល់ស្លាប់បាត់ទៅហើយ ។
អ្វីដែលកត់សម្គាល់នោះ នៅលើដងខ្លួននារីរងគ្រោះ ជាពិសេសត្រង់ក្បាល ត្រូវគេប្រទះឃើញពោរពេញទៅដោយស្នាមរបួស ដែលទើបវាយដំនាង ធ្វើឱ្យអ្នកដែលចោមរោមមើលឆ្ងល់សួរនាំបុរសជាប្តីនោះ ហើយដំណឹងនេះ ក៏បានដឹងដល់ខាងកម្លាំងសមត្ថកិច្ចចុះទៅសាកសួរដែរ ពាក់ព័ន្ធពីការស្លាប់របស់នាង និងស្លាកស្នាមជាច្រើននៅលើខ្លួនប្រពន្ធនេះ ។
បន្ទាប់មក ករណីនេះត្រូវបានសង្ស័យច្រើន បុរសជាប្តីនោះក៏ត្រូវសមត្ថកិច្ចយកទៅសួរនាំនៅប៉ុស្តិ៍ចោមចៅ ហើយបានស្គាល់ឈ្មោះសន អឿន អាយុ៣៨ឆ្នាំ មុខរបរជាអ្នករត់ម៉ូតូឌុប មានទីលំនៅក្នុងស្រុកកោះសូទិន ខេត្តកំពង់ចាម ។ រីឯប្រពន្ធដែលស្លាប់ឈ្មោះខេន ស្រីខួច អាយុ២៧ឆ្នាំ មានស្រុកកំណើតនៅភូមិប្រាសាទ ស្រុកភ្នំសន្ទុក ខេត្តកំពង់ធំ ពួកគេមានកូន៣នាក់ ក្នុងនោះប្រុស២ ។
បើតាមការឆ្លើយរបស់បុរសជាប្តីនោះថា ខ្លួនបានវាយប្រពន្ធកាលពីយប់ ខណៈមានជម្លោះ ព្រោះខ្លួននិងប្រពន្ធស្រវឹងស្រាដូចគ្នា ។ នៅយប់ដដែលនោះ ប្រពន្ធខ្លួនបានសន្លប់ ក៏ត្រូវខ្លួនជួយកោសខ្យល់ឱ្យ ។ លុះនៅព្រឹកថ្ងៃទី០៦ មករា នេះ ខ្លួនឃើញប្រពន្ធនៅតែមិនស្រួល ក៏បញ្ជូនទៅសង្គ្រោះនៅគ្លីនិកឯកជនមួយ តែគេមិនទទួល ទើបបញ្ជូនបន្តមកមន្ទីរពេទ្យបង្អែកពោធិចិនតុងតែម្តង ។
ចែករំលែកព័តមាននេះ