យុវជនម្នាក់ត្រូវជនមិនស្គាល់អត្តសញ្ញាណចំនួន០២នាក់ ចុះពីលើម៉ូតូស្ទុះទៅកា.ប់ស្ទើរតែដាច់ដៃម្ខាង ខណៈពេលកំពុងឈរបត់ជើងតូចនៅក្បែរផ្លូវ បង្កឱ្យមានការភ្ញាក់ផ្អើលកាលពី
ខេត្តបាត់ដំបង ៖ បើតាមសេចក្តីរាយការណ៍បានឱ្យដឹងថា យុវជនម្នាក់ត្រូវជនមិនស្គាល់អត្តសញ្ញាណចំនួន០២នាក់ ចុះពីលើម៉ូតូស្ទុះទៅកា.ប់ស្ទើរតែដាច់ដៃម្ខាង ខណៈពេលកំពុងឈរបត់ជើងតូចនៅក្បែរផ្លូវ បង្កឱ្យមានការភ្ញាក់ផ្អើលកាលពីវេលារំលងអធ្រាត្រឈានចូលថ្ងៃទី០១ ខែសីហា ឆ្នាំ២០២២ នៅចំណុចភូមិរ៉ា ឃុំមោង ស្រុកមោងឬស្សី ដែលគេសង្ស័យថា អាចជាការតាមសងសឹកគំនុំចាស់ពីគួរបក្ខដិបក្ខ។
សេចក្ដីរាយការណ៍បានឲ្យដឹងបន្តថា យុវជនរងគ្រោះខាងលើមានឈ្មោះ ណែល ព្រីណា អាយុជាង២០ឆ្នាំ រស់នៅភូមិចុងសំណាយ ឃុំជ្រៃ ស្រុកមោងឬស្សី។ ជនរងគ្រោះត្រូវជនដៃដល់ដែលគេអះអាងថា មានបក្ខពួក០២នាក់ជិះម៉ូតូមួយគ្រឿង តាមកា.ប់បណ្ដាលឲ្យរងរបួសធ្ងន់ចំនួន០២កន្លែង (រយះស្មាស្ដាំ និងជិតដាច់.កដៃខាងស្ដាំ) ដោយសាររងនូវផ្លែកាំបិត។
ហេតុការណ៍ខាងលើនេះ គេនៅមិនទាន់ដឹងឲ្យប្រាកដថា តើអំពើហិ.ង្សានេះផ្ដើមចេញពីរឿងអ្វីនៅឡើយទេ0x017d7 ដោយសារភ្លាមៗ ជនរងគ្រោះត្រូវបានក្រុមគ្រួសារប្រញាប់បញ្ជូនទៅសង្គ្រោះបន្ទាន់នៅមន្ទីរពេទ្យ។ ប៉ុន្តែបើតាមប្រភពមួយចំនួនបានធ្វើការសន្និដ្ឋានព្រាវៗថា «អំពើហិ.ង្សានេះ អាចជាការតាមសងសឹកគំនុំចាស់ ដែលបង្កឡើងដោយពួកក្រុមក្មេងទំនើង»។
យ៉ាងណាក្ដី ជុំវិញករណីខាងលើនេះ កោះសន្តិភាព បានព្យាយាមសុំការបំភ្លឺបន្ថែមពីលោក ស គឹមឡុង អធិការស្រុកមោងឬស្សី នៅវេលាថ្ងៃត្រង់ថ្ងៃទី០២ ខែសីហា តែលោកមិនលើកទូរស័ព្ទ។ ដោយឡែកលោក អោក សុភ័ក្រ នាយប៉ុស្ដិ៍រដ្ឋបាល ឃុំមោង បានប្រាប់ថា លោកក៏មិនទាន់ដឹងពីមូលហេតុច្បាស់លាស់ ដែលនាំឲ្យមានអំពើហិ.ង្សាដ៏ធ្ងន់ធ្ងរខាងលើនេះដែរ។
ហើយលោកនាយប៉ុស្ដិ៍រូបនេះ គ្រាន់តែបានរំលឹកពីដំណើររឿងថា មុនពេលកើតហេតុ ជនរងគ្រោះបានជិះម៉ូតូម្នាក់ឯងចេញពីកន្លែងហាងលក់ស្រាក្រឡុកមួយកន្លែង នៅវេលារំលងអធ្រាត្រទៅហើយ។ លុះពេលជិះដល់ចំណុចកើតហេតុ ជនរងគ្រោះក៏បានឈប់ម៉ូតូចុះទៅបត់ជើងតូចនៅក្បែរផ្លូវ ពេលនោះក៏មានជនសង្ស័យ០២នាក់បានជិះម៉ូតូមកឈប់ក្បែរ រួចទាញកាំបិតកា.ប់ជនរងគ្រោះតែម្ដង។
លោក អោក សុភ័ក្រ បានបញ្ជាក់ថា ភ្លាមៗនោះ មន្ត្រីរបស់លោកមិនទាន់បានសួរនាំលំអិតទេ ព្រោះប្រញាប់ដឹកជនរងគ្រោះទៅពេទ្យ។ ប៉ុន្តែបើតាមចម្លើយបឋមរបស់ជនរងគ្រោះបាននិយាយថា ខ្លួនមិនធ្លាប់ស្គាល់ជនដៃដល់ទាំង០២នាក់នោះទេ ហើយពេលចេញពីផឹកស្រាក្រឡុកក៏មិនមានទំនាស់ជាមួយនរណាដែរ ហើយក៏មិនធ្លាប់មានប្រវត្តិឈ្លោះប្រកែកជាមួយនរណាកន្លងមកដែរ។
ទោះបីជាយ៉ាងណា ពេលនេះមន្ត្រីជំនាញកំពុងធ្វើការស៊ើបអង្កេតលើករណីនេះហើយ ដើម្បីតាមចាប់ខ្លួនជនដៃដល់ទាំង០២នាក់នោះ៕
ចែករំលែកព័តមាននេះ